هنا اسرد لكم طريقتي اللي اتبعتها في تجهيزي لاختبار الهيئة SMLE 👇🏻
طريقتي مهي الافضل وفي طرق اخرى الناس اتبعوها وممكن ما تناسب الكل ولكنها الاسلم بنظري وتحتاج التزام وصبر وهمّة 💪🏻
حأشرح طريقتي في البداية وبعدها حأعطيكم نصايح وارشادات عشان لا تطيحو في نفس اغلاطي 👌🏻
حأشرح طريقتي في البداية وبعدها حأعطيكم نصايح وارشادات عشان لا تطيحو في نفس اغلاطي 👌🏻
في نص سنة سادس دخلت قروب SMLE على التلقرام وكنت بين فترة وفترة اشوف الملفات اللي تنرسل نهاية كل شهر واخد لفة عليها .. بعد كدا دخلت اكتر من قروب وفي النهاية ما استفدت الا التوتر وكثرة الرسائل اللي مالها داعي وخليت القروبات مؤرشفة وعلى الصامت 🔇
بعد ما خلصت اخر اختبار في الجامعة اخدت اسبوع اجازة وبعدها حملت ملفات قلوري وقعدت اطّلع عليها واحاول اصحح فيها لوحدي على بال ما اصحابي يدخلو في مود التصحيح بعد كرف الجامعة 😂🤦🏻♂️
سوينا قروب تصحيح لملفات قلوري مع اصحابي وقسمنا ملفات اخر ٣ شهور من قلوري بيننا بعدد صفحات معين لكل واحد وحطينا جدول معين وبدأنا على ٢٠ رمضان تقريبًا وبدأنا نصحح
كان اي سؤال في موضوع انا مني فاكرو او ما اعرفو ، اكتبو في صفحة وورد .. ونهاية كل اسبوع سواء يوم سبت او جمعة افك اللستة دي واشوف المواضيع وامر عليها من امبوس على السريع عشان اجدد الموضوع تاني
طبعًا لو كان الموضوع جا عليه اكتر من سؤال باكتر من صيغة وفي مواطن مختلفة اقوم اذاكرو كلو بضمير 😂 .. اما لو جا سؤال في موضوع ودايمًا يجي في الجزيئة دي اقوم اراجعها لحالها وبعض الاحيان ضميري يأنبني واقرا الموضوع كامل
استمرينا تقريبًا شهر وكانت النتيجة جدًا ممتازة لكن ما كملنا عشان كانت الطريقة متعبة شوية وكان الترتيب ياخد مننا وقت وجهد فصار كل واحد فينا يصحح اللي يبغاه ولو واجه سؤال صعب ينزلو في القروب ونقعد نتناقش عليه
من ٢٠ رمضان الى ٢٠ العيد دخلت كورس الجراحة حق الدكتور عبدالله ثوبة وكان لمدة ١٠ ايام (٦ساعات في اليوم) وكنت اشوف التسجيل وافرغ وراه .. صح كان تعب وباقي اليوم افك الاسئلة اللي عليا واقعد اصححها لكن انصح بيه بشدة ومهما كان سعر الكورس ادفع عشان والله يستاهل كل ريال وما حتندم ابدًا
في كورس الدكتور اسامة صفدر ودا تاني كورس عمرك لا تضيعو عشان البيديا حتصير لعبتك بعده .. كان عبارة عن ساعتين في اليوم لمدة اسبوعين تقريبًا وبعد ٢٠ العيد تقريبًا خلصت تصحيح ١٠٠٠ الى ١٥٠٠ سؤال مع رفيق الدرب والانتيم@Azaamsheikh
وبدأت امتياز وانا مخلص اخر شهرين من ملفات قلوري ومصححها ومتاكد منها
اشتركت في دكتور نوت لغرض واحد فقط ألا وهو اني اشوف الاسئلة حقت الشهور اللي بين فبراير و جون عشان هو الوحيد اللي كان مجمعها ومقسمها بالاشهر لانو قروب قلوري كان واقف واخر شهر نزل فيه ملفات كان ديسمبر ٢٠١٩ وكانو يقولو كل الشهور اللي بعد كدا تكرار .. فحبيت اشترك واتاكد من الموضوع دا
سمعت ناس يمدحو ملفات دكتورة اسمها الاء .. جزاها الله خير على تعبها ، استفدت منها لكن الوقت والجهد اللي اخدني عشان اخلصها صراحة ما كان ليه داعي .. ليش ؟
اولا الاسئلة ناقصة جدًا وانت لازم تكمل السؤال ، تانيا الخيارات ناقصة وبعدها منقول بشكل خاطئ وانت لازم تنتبه ولازم تكمل الخيارات ، اخيرًا الاسئلة كلها تحت على هيئة سطور ومع الوقت ممكن نفسك تنسد وتطفش
عمومًا الفايدة منها بالنسبالي انها جمعت الاسئلة المتشابهة تحت بعض ؛ مثلا اسئلة الثايرويد كلها تلاقيها تحت بعض وتقدر تعرف السؤال الفلاني جا بكم صيغة وتقدر تكون حصيلة متنوعة لنفس السؤال وتعرف مواطن الاسئلة لكل موضوع تقريبًا
خلصت ملفات الاء وخلاص كان باقي اسبوعين على اختباري رجعت على ملفات قلوري اللي صححتها وقلت اراجعها لاني بدأت انسى الاسئلة شوية وخلصتهم في اسبوع واخر اسبوع اطلعت على الاسئلة حقت شهر فبراير اللي كانت نازلة
دخلت اول محاولة وجبت ٨٠ والحمدلله كنت مبسوط ومرتاح لكن قلت ادخل محاولة تانية عشان احسن الدرجة
اخدت ٣ اسابيع اجازة بعد اول محاولة وطبعًا جهدي كان اقل من اول محاولة لاني تعبت واعتبرت اول محاولة هيا الاخيرة
بعدها ظهرت قناة ايرث وكانو عبارة عن مجموعة ينزلو الاسئلة اول بأول ويصححوها وجزاهم الله خير على تعبهم .. وكنت امسك ملفاتهم واصححها اول بأول وما كنت ارجع للملفات القديمة خلاص لاني مخلصها
وغلطتي اني نسيت اكتب على ملفات الاء التصحيح حقي وكنت اصحح بالنظر عشان كنت ابغا اخلصها بسرعة فلما رجعت فكيتها تاني لقيت نفسي ناسي الحلول ورجعت اصحح تاني فيها وضيعت على نفسي وقت زيادة
لكن الحمدلله دخلت محاولتي التانية في اكتوبر وجبت ٨٢ .. صح وقتها كل الاختبار جاني مكرر وحرفيًا ما جاني ولا سؤال جديد وعرفت انو طريقتي كانت ممتازة لكن الغلط اني كنت اقتنع بإجابة على حسب ما فهمت واكتشفت اني بعض الاحيان اكون فاهم غلط 🤦🏻♂️ يعني العبط سيبوكم منو 😂
بعد محاولة اكتوبر جلست مع نفسي واستخرت الله على اخر محاولة هل ادخل ولا خلاص يكفي لانو مجهودي كان صفر وقتها
بعد استخارات واستشارات حجزت في ديسمبر
على نهاية اكتوبر قروب قلوري نزلو ٤ ملفات تضمن جميع الاسئلة اللي نزلت من بداية ما بدأنا امتياز(جولاي) الى نهاية اكتوبر
وقلت فرصة اتجمعت الملفات بشكل مرتب يصير امر عليها بسرعة وما اخد وقت
وبالفعل قعدت على كل ملف اسبوع تقريبًا وخلصتهم خلال شهر نوفمبر وكنت في نفس الوقت احل اي ملف جديد ينزل لشهر نوفمبر من قروب ايرث والقروبات التانية حقت الواتس
لما نزلت اسئلة ديسمبر كانت الصاعقة الكبرى !! البنك اختلف وجات اسئلة جديدة حرفيًا ما قد اتكررت
مريت على اول اسئلة اول ٩ ايام واليوم العاشر اختبرت .. وجبت ٨١ 😂 .. هنا ايقنت انو ربي رايدلي الرينج دا وما ح ازيد عنو والحمدلله عرفت انو لو جا البنك مكرر ولا جا جديد ح اجيب نفس الدرجة تقريبًا وكنت مبسوط لانو بنك جديد ونفس الدرجة 😉
هادي كانت تجربتي ونجي دحين للنصايح :
١- مهمتك الان انك تجمع ملفات الاسئلة حقت ديسمبر ٢٠٢٠ وما بعد !! ، يجي احد يقلك الاء ولا مسعود ولا عباس .. اصحك تفكهم لانها اسئلة قديمة وزي ما قلت ناقصة وحتعبك
٢- قناة ايرث وقفت وطلعت بعدها قناة اسمها فيث هادي اخر قناة سمعت بيها انها تنزل اسئلة اول بأول ادخلوها وشيكو على ملفاتها
٣- اختارو الطريقة المناسبة لكم في ترتيب الملفات .. تبغوها على حسب الشهر يعني ملفات ديسمبر لحال وجانوري لحال او تجمعوها بالمواد (مدسن ، بيديا ...)
والافضل انك تبدأ من بدري تصحح ولا تزنق نفسك الين تبدأ امتيازك
والافضل انك تبدأ من بدري تصحح ولا تزنق نفسك الين تبدأ امتيازك
٤- طريقة التصحيح والمزاكرة وهيا اهم جزئية :
-تصحيحك من UTD, BMJ, AMBOSS بعدين الجأ للمواقع التانية واخر شي المراجع والكتب
-طريقة حلك للسؤال تعتمد على الDDx
بمعنى .. لو جاك سؤال واحد يشتكي من الم في بطنو وماشي مع الم الزايدة وانت تبصم انها زايدة وجايبلك في الخيارات كل ال DDx حق الزايدة 👇🏻
بمعنى .. لو جاك سؤال واحد يشتكي من الم في بطنو وماشي مع الم الزايدة وانت تبصم انها زايدة وجايبلك في الخيارات كل ال DDx حق الزايدة 👇🏻
انت هنا يا شنب لازم تعرف اذا اتغير المعطى الفلاني ولا الرقم الفلاني سواء عمر او نتيجة تحليل وقتها افكر انو الاجابة a مو b وتعرف ايش اللي لو اتغير تكون الاجابة c ..
-خلي حلك للاسئلة على نفس الطريقة دي ؛ لييش ؟ عشان في اسئلة تتكرر بنفس الصيغة لكن في حاجات بسيطة تتغير فيها وبدل ما يكون الجواب a زي ما انت حليتو وحافظو يصير b في الاختبار عشان ما انتبهت انو في حاجة بسيطة اتغيرت .. ركز دايمًا
-اصحك ثم اصحك ثم اصحك تفك المواد وتقعد تزاكر وتسوي خطة مزاكرة وحركات مصطفى
-ابدأ من الشهور الجديدة وارجع ورا .. ابدأ من اخر شهر ميلادي نزلت فيه اسئلة وصحح وارجع بالشهور الين ديسمبر ٢٠٢٠ قبلو ما حتستفيد لانو الاسئلة اتغيرت
-تصحيحك مع الوقت حيصير اسرع لا تزعل لو قعدت تصحح في السؤال الواحد ساعتين ، انا اول ما بدأت حليت ٦ اسئلة في ٤ ساعات .. بعد ما كوّنت اسئلة كتيرة صرت احل ٥٠ - ١٠٠ ومرات ١٥٠ صفحة في اليوم ( هادي فايدة انك تبدا بدري)
-الموضوع اللي تحس نفسك ضعيف فيه اكتبو في ورقة وسوي زي اللستة ونهاية كل يوم سبت ذاكر اللي تقدر عليه من مواضيع اللستة ويوم الجمعة اجازة لك وباقي الاسبوع خصص ٣-٤ ساعات تصحح فيهم سواء متفرقة ولا متوزعة
- هل اذاكر الموضوع من كتاب ولا موقع ولا برنامج ؟ اللي يريحك اهم حاجة انك تلم الموضوع وتعرف مواطن الاسئلة اللي بتحوم حولين الموضوع اللي جاك واتكررلك اكتر من صيغة وعن نفسي كنت استخدم amboss في مذاكرة المواضيع لانو يرتب المعلومات وسهل في الاستخدام وسريع
القروبات كنت استفيد منها شي واحد فقط
نهاية كل شهر كنت ادخلها واجمع الملفات اللي نزلت واحلها
نهاية كل شهر كنت ادخلها واجمع الملفات اللي نزلت واحلها
اما اني ارمي سؤال واستنى احد يحلو ليا صراحة ما ناسبتني مع انو في كم واحد اعرفهم ناسبتهم الطريقة / ممكن لاني احب اتاكد من المعلومة بنفسي مع انو كان يقلي يجيني الحل بمصادر موثوقة 😅 .. لكن برضو ما ناسبتني الطريقة
الشهر اللي حتختبر فيه خليك منتبه انو في روابط لقروبات واتساب تتنشر بداية كل شهر .. حاول انك تدخل اكتر من قروب واتس للشهر اللي حتختبر فيه عشان تجمع الاسئلة اللي الناس دخلو حفظوها وكتبوها لكم
بالنسبة للدورات اللي انصح بيها :
-د.عبدالله ثوبة للجي اس
-د.اسامة صفدر للبيديا
-د.ياسر كاتب للاوبي
-د.ايلاف فيصل/ د.عبدالرحمن العدني /د.عبدالرحمن الاحمدي لكورس للمدسن
-د.عبدالله ثوبة للجي اس
-د.اسامة صفدر للبيديا
-د.ياسر كاتب للاوبي
-د.ايلاف فيصل/ د.عبدالرحمن العدني /د.عبدالرحمن الاحمدي لكورس للمدسن
خليك في قروب ويفضل انهم ناس يلتزمو وتساعدو بعض في التصحيح وتختصرو الجهد والوقت 👌🏻ولو ما لقيت قروب عادي اشتغل بنفسك ، اول محاولة ليا كانت مع خير قروب والمحاولتين التانية كنت فيها لحالي وكانو معايا ناس ربي يفتحلهم ابواب الخير فين ما كانو فزعولي في حل بعض الاسئلة الصعبة ووقفو معايا
ختامًا ؛ اتمنى اكون افدتكم وسامحوني على الاطالة 😁
جاري تحميل الاقتراحات...