رتبها

عن توماس جرونمارك مدرب رميات التماس في ليفربول، وإيه هي أهم المبادئ اللي بيستخدمها في رميات التماس، وتأثير المدرب الدنماركي على ليفربول..

جرونيمارك إنضم لليفربول قادمًا من نادي ميتلاند الدنماركي في سبتمبر ٢٠١٨
قبل انضمام جرونمارك لليفربول في الوقت ده ليفربول في البريميرليج كانت نسبة استحواذهم على الكورة وحافظهم عليها من رميات التماس كانت ٤٥.٤٪؜ كـ تالت أسوأ فريق في البريميرليج يستحوذ على الكرة من رميات التماس

ولكن في سبتمبر ٢٠١٩ وبعد سنة من انضمام جرونمارك لجهاز يورجن كلوب الفني كان معدل استعادة ليفربول للإستحواذ من رميات التماس وصل لـ٦٨.٤٪؜ كتاني أكتر فريق في أوروبا يستعيد الاستحواذ من رميات التماس
وعارفين مين الفريق اللي كان في المركز الأول في استعادة الاستحواذ من رميات التماس؟

كان ميتلاند الدنماركي اللي كان بيشتغل فيه جرونمارك قبل انضمامه لليفربول.
ومن الأرقام اللي اتحسنت في ليفربول بعد أول موسم لـ جرونمارك ان مسافة إرسال روبيرتسون لرميات التماس ارتفعت من ١٩ متر كـmaximum لقدرة روبيرتسون على لعب رمية التماس لـ٣٠ متر ..

يعني تقريباً قدرة روبيرتسون ارتفعت بنسبة تجاوزت الـ50% عن نسبته قبل تواجد جرونمارك.
إزاي جرونمارك بيشتغل في رميات التماس وإيه هي المبادئ الرئيسية للراجل الدنماركي في رميات التماس؟!

جرونمارك بيهتم بـ٣ مبادئ وأفكار رئيسية وهما توظيف blockers خلق مساحة في العمق ووجود الـ3rd man لعمل runs في المساحة اللي بتتخلقله من الـblockers

من ماتش ليفربول وولفرهامبتون هنشوف تطبيق لأفكار جرونمارك في رميات التماس كانت نتيجته تسجيل ليفربول لهدف الفوز في الماتش في اخر ٥ دقايق بسبب رمية التماس..

فابينو مع هندرسون ومينامينو تلاته blockers عاملين بلوكات لتلت لاعبين من ولفرهامبتون ، التلاته دول من ليفربول مش بيدوروا على استلام الكورة ولكنهم وظيفتهم أنهم يعملوا بلوكات بس للاعيبة ولفرهامبتون ويخلقوا مساحه للـ3rd man

وفي توقيت معين بيقرب الـ3rd man (فيرمينو) من المساحة اللي اتخلقت في العمق من هندرسون اللي سحب لاعب ولفرهامبتون معاه
أهم حاجه هنا ان مُنفذ رمية التماس يلعبها في توقيت مظبوط للـ3rd man لإنه لو اتقدم ثانيه او اتأخر ثانيه هيتمسك فيرمينو ومش هيقدر يستحوذ على الكورة

وصل فيرمينو للكورة ولعبها لصلاح بدماغه من لمسه واحدة علشان يسجلوا ليفربول من اللعبة دي هدف الفوز في الماتش

الحالة التانيه من ماتش ليفربول وتوتنام من الموسم اللي فات اللي خلص ١-٠ لليفربول اللي سجلوا الهدف من رمية تماس
في بداية اللعبة مانيه مع فينالدوم وفيرمينو عاملين بلوكات للاعيبة توتنام اللي ضاغطين عليهم وساحبينهم معاهم علشان تتخلق مساحة عميقه في مناطق توتنام

وفي نفس الوقت هنلاقي هندرسون مثبت ديلي آلي علشان يضمن ان المساحه هتفضل موجودة

وفي لحظة معينة بيتحرك فيرمينو كـ3rd man في المساحة الموجودة علشان يحصل على الكورة هناك

وفعلاً بيحصل فيرمينو على الكورة ويسجل منها ليفربول الهدف الوحيد في الماتش اللي كسبوا منه ال٣ نقط

من ماتش أتالانتا في دوري الأبطال الموسم ده
موقف ٤/٤ بين مهاجمين ليفربول ومدافعين أتالانتا

جوتا بيقرب من أرنولد علشان يسحب معاه المدافع رقم ٣ اللي كان ماسكه من البداية وكمان المدافع رقم ٢ اللي كان ماسك جونز..
تحرك جوتا هو تحرك وهمي لسحب المدافعين وخلق مساحة للـ3rd man بالظبط زي ماعمل هندرسون في لعبة ولفرهامبتون وفيرمينو في لعبة توتنام

اتلعبت الكورة في المساحه ولكن هنا المدافع رقم٤ اللي كان مع فينالدوم تتبع جونز وماخلاهوش يبقى الـ3rd man والراجل الحر..
وعلشان كده اتحرك صلاح في المساحه وحصل هو على الكورة كـ3rd man

علشان يعمل منها أسيست لمانيه يسجلوا منه ليفربول هدف في أتالانتا

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة