لازم قبل مانبدا بأي شي نعرف التخصصات التالية :
التسويق: عملية تخطيط وتنفيذ التصور الكلي لتسعير وترويج وتوزيع الافكار والسلع والخدمات لخلق عملية التبادل التي تشبع حاجات الافراد والمنشآت.
التسويق: عملية تخطيط وتنفيذ التصور الكلي لتسعير وترويج وتوزيع الافكار والسلع والخدمات لخلق عملية التبادل التي تشبع حاجات الافراد والمنشآت.
الاتصال التسويقي(الترويج): هو كل الوسائل التي تتبناها الشركات؛ لنقل الرسائل حول المنتجات والعلامات التجارية التي تبيعها، سواء بشكل مباشر أو غير مباشر؛ بهدف إقناعهم بالشراء.
العلاقات العامة : مهمة ادارية تعتمد على جميع اشكال الاتصال المتاحة من الاتصال الشخصي الى الاتصال الجماهيري طبيعة الاتصال ذو اتجاهين لبناء العلاقة بين المنظمة و جمهورها.
لاحظت ان جميع التخصصات الثلاثة متقاربه في التعريف و متباعدة بنفس الوقت وتعتمد على نقطه اساسية وهي الاتصال بكافة اشكاله بين المنظمة و الجمهور وكيف تبني علاقة مع الجمهور الخاص بها سواء داخلي كان(كالموظفين التابعين لها) او خارجي (كالعملاء المستفيدين من منتجاتها)
التسويق هو المظلة الكبرى وتحتها مظلة الاتصال التسويقي وتحتها يكون العلاقات العامة بتسأل كيف ؟ التسويق يبنى على المزيج التسويقي 4PS وهو المنتج ، السعر، المكان، الترويج ويتبعه المزيج الترويجي وهو الاعلان و البيع الشخصي و العلاقات العامة و تنشيط المبيعات .. إلى آخره.
من معرفتك بالمزيجين تتوضح لك الصورة خليني اعطيك قصه بسيطة توضح لك الصورة شركة A عندها احمد مختص تسويق وعندهم فكره منتج فرضاً كاس بدا احمد يشتغل على الفكرة الى ان طلع الكاس بشكل وتغليف جداً ممتاز و حلوه ودرس السعر وتكلفه الكاس وطلعت تكلفته كاملة ٣ ريال واضاف عليها ربح الشركة
وخلنا نقول ٢ ريال صارت قيمة المنتج بعد كل شي ٥ ريال وهنا خلص من سعر واختار انه يبيع المنتج في محلات الاواني المنزلية وهنا احمد خلص من المنتج و السعر و المكان والمكان بقي الترويج وهنا احمد طلع لعبدالله مختص الاتصال التسويقي عشان يروج للمنتج و يعلم الناس عليه
بدا عبدالله يختار ايش افضل الاماكن اللي نعلن فيها ونعلم فيها الناس و نقنعهم ياخذون الكاس حق الشركة ويخلون الكاسات الثانية بدا يدرس عبدالله من اللي ممكن يستفيد من المنتج و من اللي يقول نشتري الكاس هذا في كل بيت لقاء ان النساء المتزوجات هم اللي بيتشرونه و بدا يستهدفهم
طيب هم كيف يشترون؟ من الممكن يحمسهم يشترون؟ هل اروح اعلن عند مشهور ولا انزل على الكاسات عرض ولا احط عليها خصم؟ درس عبدالله الامر وقال خلاص ببحث عن مشهور باعلن عنده وبنزل عرض خاص بس لمتابعين المشهور هذا ونزل عبدالله الاعلان عند المشهور و الكاس كسر الدنيا والناس صارت اشتري بالدرزن
وتوجه عبدالله بعدها لعلي مختص العلاقات العامة وقاله انه كاسنا كسر الدنيا و نبي نعرف وش راي الناس عنه و نبي نعلم الناس ان عندنا منتجات ثانيه غير الكاس واعلنا عنها لكن ماحد اهتم لها وبدا علي يبحث ويسأل الناس عن رايهم ويعلمهم انه عندنا منتجات ثانيه تقدر تجربها و فجأة وبدون اي مقدمات
واجهت علي مشكلة انه واحد من الاطفال تأذى من الكاس وانجرحت يده بسبب ان الكاس انكسر و ابو الولد صور فيديو نشره ان ولده انجرح من الكاس وان جودتهم سيئة وهنا تدخل علي و تواصل مع ابو الطفل و نزل بيان اعتذار و توضيح للمشكلة اللي صارت و انحلت المشكلة و زادت بعدها مبيعات الشركة اكثر
وهنا خلصت قصتنا و لاحظنا انه فيه نقاط التقاء و اختلاف بين كل التخصصات الثلاثة و وتشترك وتختلف في نقاط كثيرة و للمعلومية هذي حاجات بسيطة فقط من اعمال كل تخصص و هي اوسع من القصة البسيطة بكثير ثريدي ماراح يغنيك عن القراءة عنها للمعرفه عنها اكثر واذا اخترت انك تاخذ احد هذي التخصصات
راح تستمتع كثير لانها اوسع من اللي قلته لك وفي النهاية الله يوفق كل خريجين الثانوية و اتمنى اني افدتكم وما طولت عليكم وان اصبت فمن الله وان اخطأت فمن نفسي والشيطان.
جاري تحميل الاقتراحات...