#ملاحظات_تصميم_انشائى_عالسريع
اخى المالك ارجوك 🙏لا تستلم مخطط انشائى لا يوجد به الآتى:
١-مخطط المحاور والاعمدة
٢-مخطط اساسات موقع عليه الخزانات وقواعد السور
٣-والله العظيم العصب اللى طوله اقل من ٣ متر على سقف ٣٢ حديده مش هيزيد عن سيخين قطر ١٠ مللى..يتبع👇

٤-قواعد الجار واللى بتبقى على الصامت المحملة"...لازم تتربط بشدادات متتسبش تواجه مصيرها كده
٥-والله جهد التربة عادى جدا انه ميبقاش ٢ كجم/سم٢ وممكن يكون ٣ او ٤ عادى وتوفر نص كميات اللى متصممة بجهد ٢ بتقرير تربة سعره لا يتخطى ال ٥ الاف ريال..يتبع

٦-وممكن يبقى الجهد اقل من ٢ ويبقى انت بتضمن سلامة بيتك والكميات اللى هتتحط فالاساسات بالتقرير هذا هتأمن بيتك وجيبك.
٧-فى حاجة اسمها تنسيق مخططات بتتعمل بعد ما المصممين وبالاخص المعمارى والانشائى والسباكة يخلصوا فمينفعش كل مخطط يبقى عايش مع نفسه لانك كده هتفتح فرصة لاجتهاد المقاول

٨-لما يكون فى اعمدة مزروعة وملفوفة ومتوقفة وراحة وجاية لازم يتعمل محاور واعمدة لكل دور عشان المقاول ميسقطش وينسى حاجة وتلاقى حصل غلطة فعمود !!
٩-بير المصعد الافضل يبقى جدران خرسانية
١٠-البيارة البلدى والله هتضر بيتك وهتضر جارك وهتضر البيئة تعالى على نفسك ونفذها زى خزان المياه🌹