التويته دي مهمه يا ريت الناس تركز معاها: كل دوله من الدول الفيها حروب قدرت الدول الراسماليه تنفذ مخططاتها من خلال _ذريعه معينه_ قد تكون عبر دعم واختراع جماعه ارهابيه زي ما حصل في سوريا داعش واليمن الحوثي وليبيا حفتر او قد تكون عبر تعزيز مفهوم الطائفيه زي لبنان الذريعه
الممكن تشتغل في السودان _ولاعبين عليها دول خارجيه كويس_ هي ذريعه العنصريه والقبليه ؛ كلنا شايفين دول خارجيه بتعمل اجتماعات مع ادارات اهليه ورؤوس قبائل وعشائر + تسويق خطاب عنصري ممنهج حاصل + تقسيم السلطه بمفهوم القبيله والحركه والحزب _وكلا يكبر كومه_ في نص الجوطه دي
بيلقى المواطن السوداني نفسه امام اما دعم ابن منطقته _اللي ماسك قضايا منطقته كبري للسلطه_ او خيار اصحاب السلاح او خيار الاحزاب اللي برضو بتصب في اصحاب السلاح وماسكه زمن بكوادرها بنلقى السياسي السوداني الاكثر انانيه والاقل عملا وطموحا واجبنا كشعب نرفض العنصريه ونتقبل بعض
جيل العنصريه _المتعفن_ لازم نقضي عليه في اولادنا لازم نربي اجيال ما تسأل انت من وين لازم نقدم الوطن على القبيله وعلى الحزب احزابنا الفاشله في اول امتحان دمقراطيه اتشاكلو في كراسي وفي دعم جنجويد وعسكر لانهم ما جاهزين لدمقراطيه وما يعرفوها اساسا واجبنا نغير مستقبلنا بالكفر بالجميع
جاري تحميل الاقتراحات...