الدولار والجنيه ورفع الحد الادنى للاجور... مداخلة
فيه كلام تردد أخيرا بانه الجنيه سينخفض بشدة وانه رفع الحد الادنى للاجور عملية استقطابية، رأي بوضوح لأه، ليه ؟
فيما يتعلق برفع الحد الادنى للاجور ورفع المعاشات فالقرار ده من افضل القرارات اللي سيتم اعتمادها في آخر سنين ويجب ان يتم تطبيقه على القطاع الخاص كمان بعد ظروف كورونا وان يتم مراجعته سنويا للأعلى
زيادة المرتبات ستحمي طبقة في حاجة لدعم وسيتم انفاق اغلبها على سلع محلية وليس بالضرورة ستنعكس في تضخم، لانه فيه طاقات انتاجية غير مستغلة في مصانع كتيرة فلي حيحصل هو زيادة انتاج لانه المصانع موجودة
تمويل ده جاي اساسا من الوفر اللي حاصل في ميزانية الدولة نتيجة انخفاض سعر الفائدة على الجنيه وده حينزل بند فوائد القروض بعشرات المليارات من جنيهات
ارجع لموضوع الدولار، وليه رأي انه مش حيطلع ولو فيه تغيير فحيبقى في حدود محدودة
موارد مصر تاثرت سلبا في آخر سنة بسبب الوباء، سياحة، قناة السويس ، ولكن قابلها تحسن في انفاق اقل على الحج والعمرة وزيادة في تحويلات العاملين ولكن اهم عامل هو قدرة مصر على الاقتراض بطريقة لم تكن متاحة من قبل (صح او غلط حديث آخر)
كل ده ادى انه الاحتياطي (حتى لو جزء منه اقتراض) ارتفع لمستويات قياسية وقادرة على استيعاب اي اهتزاز في المرحلة الحالية حتى عودة السياحة وتحسن حركة التجارة العالمية
طب ليه فيه حديث طلع عن انخفاض العملة ؟ لانه تنافسية مصر في التصدير قلت في آخر ٣ سنين بسبب ارتفاع الجنيه امام عملات الاسواق الناشئة المنافسة لينا، المثال الصارخ هو تركيا حيث ارتفع الجنيه امام الليرة التركي باضعاف في آخر فترة
الملخص، انا مش شايف اي ضغط لتخفيض العملة في المستقبل القريب، ولكن يجب اعادة النظر في سياستنا على الاجل المتوسط بتخفيض سنوي ب ٤\٦ ٪ سنوياً (ولا حاجة) لاعادة تنافسية الجنيه كما يجب وضع سقف للاقتراض بالعملات الاجنبية
رأي هنا لا يأخد في اعتباره اي حدث غير متوقع زي زلزال مدمر، حرب مفتوحة، الخ
متأسف، استقابية مش استقطابية
استباقية، متأسف على التسرع وعدم المراجعة !:)
جاري تحميل الاقتراحات...