كيف تقيم أي مشروع قبل الدخول او التفكير بالدخول عليه؟
خلونا نكتب كم شغله تفيدكم بتقييم اي مشروع وتكون قاعدة اساسية قبل الاستثمار
خلونا نكتب كم شغله تفيدكم بتقييم اي مشروع وتكون قاعدة اساسية قبل الاستثمار
1- ايش المشكلة الي يحلها المشروع؟ هذي اهم نقطه تدرسها وتعرف ايش نوع المشكلة اللي يحلها المشروع وكيف يقترح يحلها وهل في محاولات قبله لحل نفس المشكله واذا في ليش هذا بيكون افضل من غيره في حل المشكله؟ ومثال على ذلك كثير مشاريع تحاول تحل مشكلة الشخصية على البلوك تشين وجت مشاريع ...
مثل SELFKEY و Civic وهم من اقدم المشاريع لحل هذه المشكله لكن الى اليوم حلولهم ما شافت النور. وتجي على مشروع جديد مشابه لهم لكن يحل المشكله بطريقه ثانيه وعملية عن طريق الشبكات الموازيه على بولكادوت مثل مشروع LIT هنا تفكر جديا انك تستثمر في LIT لانها تطرقت لحل المشكله بطريقه مبتكرة
2- الفريق اللي يقوم على الشبكة وهذا ايضا مهم جدا انك تعرف الفريق اللي ورا المشروع وخلفياتهم في المجال وهل يمكنهم ان يقومو بعمل ما يعدون المستثمرين ولا لا. مثال على ذلك تذكرون مشروع ٍSIRIN اسرائيلي واخذ فلوس العالم يبي يسوي جوال بلوكتشين. بتسوي جوال وتناطح سامسونج وابل؟ طبعا لا
3- شوف الشركات الداعمة للمشروع . كل ما اكثرو الداعمين كل ما كان المشروع اقرب للحقيقه من الخيال لان الداعمين يكونون عملو واجبهم ودرسو المشروع قبلك واقتنعو فيه. ولازم الداعمين يكونون من خارج فضاء الرقميات لان الان صارت موضه يدعمون المشروع ويتخلصون من العملات باول فرصه. لكن المشروع
الناجح يربط المستثمرين الاوائل ولا يخليهم يبيعون الا بعد ست شهور او سنه من اطلاق العمله.
4- راقب كيف توزيع العملات من المشروع وهل يتم توزيعها بشكل مناسب؟ مثلا عملة تملك الاغلبية من العملات بيد ملاكها غير العملة اللي تعطي فقط 15% للملاك وتحد من تصرفهم العشوائي للبيع.
5- شوف مجتمع العملة ومن الناس اللي تتكلم عنها اكثر شي هل هم ذباب عشوائي ولا ناس لها باع طويل ومحترمة وتحب المشروع وتشجع عليه وايضا يلومون المشروع اذا صارت في خطوه سالبه في مسار المشروع.
هذي قائمة مختصرة واتمنى انها تعطيكم نبذه عن ضروريات البحث قبل الاستثمار
انتهى
هذي قائمة مختصرة واتمنى انها تعطيكم نبذه عن ضروريات البحث قبل الاستثمار
انتهى
جاري تحميل الاقتراحات...