الامر بالمعروف و النهي عن المنكر من منظور مختلف
---
شوف الـ Thread
---
شوف الـ Thread
- في قاعدة فقهيه معروفه و هي ان الامر بالمعروف و النهي عن المنكر لو جاب نتيجة عكسيه يبقى وقتها تتوقف عن الامر بالمعروف لأن وقتها الغرض منه هيجيب عكس النتيجة اللي معمول عشانها
- الامر بالمعروف و النهي عن المنكر له طرق مختلفه لكن اهم و اشهر طريقه هي النصيحة و للاسف الطريقه دي بقت بتجيب نتيجة عكسيه بسبب سوء استخدامها و تطبيقها
- النصيحة بتكون لها شروط كمان [ ادْعُ إِلَىٰ سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ ۖ وَجَادِلْهُم بِالَّتِي هِيَ أَحْسَنُ ۚ] يعني تنصحهم بأسلوب كويس و تراعي كل المشاكل و الظروف اللي ممكن الشخص يكون فيها
- تاني شرط من النصيحة [ وَلَوْ كُنتَ فَظًّا غَلِيظَ الْقَلْبِ لَانفَضُّوا مِنْ حَوْلِكَ ] يعني خليك رحيم بالناس متبقاش قاسي و بتتكلم بعصبيه و عنف و انت بتنصح او تهاجمهم ، لأنك كدا هتخليهم يبعدوا عنك و هتخليهم يزيدوا فيها اكتر
- تالت شرط للنصيحة ، لما تيجي تنصح ، أوعي تنصح حد قدام الناس ، لان مفيش حد هيعترف إنه غلطان و يحرج نفسه قدام الناس ، عايز تنصح يبقي انت وهو بس ، و يكون بأسلوب حلو ، لأن الناس عندها كبرياء بيمنعها من انها تستمع للنصحية في وسط الناس ، فتعند و نصيحتك هتجيب العكس
- رابع شرط للنصيحة ، انك تختار الوقت المناسب اللي تنصح فيه الشخص ، الوقت المناسب هو اهم سبب ممكن يتقبل عشانه النصيحة اصلاً ، يعني متجيش لواحد كاره الدنيا و تنصحه و تقوله اللي بتعمله ده حرام عشان هيسبلك الدين ، متروحش تنصح واحدة تم التحرش بيها انها تلبس محتشم واخد بالك انت
- المشكلة اللي بسببها تطبيق النصيحة بيجيب نتيجة عكسيه راجع لأخواتنا اللي بيطبقوها غلط ، للاسف الناس بتحسس اللي قدامها انهم اولياء امورهم و اوصياء عليهم فبالتالي النصيحة هتترفض
- تاني مشكلة بيقع فيها اخواتنا و هي نظرة النرجسيه في نصيحتهم ، للاسف جزءكبير بشوفه من الناس اللي بتنصح ، بينصحوا عشان يبانوا انهم احسن منك ، اعتقد دي بانت كويس في موضوع النقاب و الحجاب و ان المنتقبه احسن من المحجبه و المحجبه احسن من غير المحجبه و ده بيتشاف في النصيحة فبيتعمل عكسه
- تالت مشكلة بيقعوا فيها و هي عدم قدرتهم على فهم النفس البشريه ، البشر طبيعتهم بيغلطوا و يصيبوا فيجوا ينصحوا اللي قدامهم و معتقدين انه هيتغير في وقتها فلما ميتغيرش يتصدموا و يبدأوا هجوم و تنظير عليه ربنا بيقول [ فذكر انما انت مذكر لست عليهم بمصيطر ] يعني متقدرش تسيطر عليهم
- ايه هو المنظور التاني ؟
---
حسب علم النفس من اهم الطرق اللي ب influence الناس هي ان الناس بتحب تدور على idol ، الناس بتميل لتقليد الناس اللي بيشوفوهم قدوة او مثل اعلى
---
حسب علم النفس من اهم الطرق اللي ب influence الناس هي ان الناس بتحب تدور على idol ، الناس بتميل لتقليد الناس اللي بيشوفوهم قدوة او مثل اعلى
- الموضوع ده بيظهر بوضوح مع الشخصيات المشهورة ، شوف كام حد نفسه يكون محمد صلاح و بيقلده ، ده بيتطبق مع كل الناس اللي حواليك زي علاقه الاب بابنه و الاخ بأخوه و الام ببنتها و حتى الصاحب بصاحبه
- ده اللي قال القرآن عليه [ إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ ] يعني لما تعوز تغير الناس ابدأ بنفسك لان و غير من نفسك
- فلما تغير نفسك و تكون كويس اللي حواليك هياخدوك قدوة و تأثر فيهم انهم يكونوا زيك ، لان حسب علم النفس الناس بتتغير لما تلاقي حد قدوة يتأثروا بيه
وبس
جاري تحميل الاقتراحات...