اكثر الاشخاص يوصل اخر ترم وهو مهمل تخصصه وبعدها لما يصحصح يتوقع انها راحت عليه الفرصه ، كلامي اللي بكتبه مو تحفيز انك تهمل اول ترم وبعدها تصحصح كلامي موجه للاشخاص اللي قرب يخلص جامعه وهو مافهم شي بتخصصه وحاب يتعلم نهاية الثريد راح تتحمس انك تشد حيلك❤️👇🏻
اول شي هذي اهم نقطه تخليها ببالك الايام اللي راحت والوقت اللي راح عليك تخليه ببالك عشان كل ما جيت بتوقف تتذكر الايام اللي ضيعتها ، شيء ثاني حدد ساعات معينه ورتب الحاجات المهمه واللي تأسسك في تخصصك حتى لو من الصفر + كورسات للغه الانجليزيه
كل يوم حاول تدرس لو ساعتين وتمارس اللغه الانجليزيه على انها روتين يومي ماهي دراسه ، بتحصل دورات كثير على تخصصك مثلاً دورات برمجه دورات للشبكات والى اخره ركز انك تضرب عفصورين بحجر واحد تكسب شهاده + تفهم وهذا اهم شي تفهم محتوى الدوره
يعني تتعلم انجليزي استماع وتحدث وحفظ كلمات ووو على انه روتين يومي + تعطي نفسك ساعتين اقل شي على الكورسات بتخصصك + كل دوره تشوفها لتخصصك من الصفر خذها ولا تستعجل على النتايج لا تتوقع انك بيوم وليله راح تفهم تخصص كامل 😤🧐
انت كذا مع الوقت وحبه حبه راح تطور لغتك الانجليزيه وراح يتطور مستواك في تخصصك بسبب الساعتين اللي تدرسها والدورات اللي تاخذها وترا التعليم الذاتي ميزته انك راح تجبر نفسك تتعلم وراح يخليك تتعلم الالتزام لان مافي احد يدقق عليك او يحاسبك الا نفسك
بيجيك تأنيب ضمير بسبب انك اهملت نعم بيجيك بيجيك احباط انك حسيت الوقت تأخر نعم بيجيك وهذا شي طبيعي بس تجاهل وحط ببالك انه شي حلو انك صحصحت وبديت مثل ماقلنا لا تستعجل على النتايج
واهم شي اكتب خلك معك اوراق تكتب فيها وتكون مرجع لك ، اذا احتاج الوضع تطبق عملي طبق حتى لو تخطي مره ومرتين عادي ، بيجيك شعور بالملل لكن حاول تغير روتينك اعط نفسك يوم اجازه اعط نفسك هديه كل ما انجزت شي سو شي جديد وشيء يحمسك للمذاكره
كل ما تتعلم شي وتفهمه اذا عندك احد مثل تخصصك اشرح له الشيء اللي فهمته عشان تثبت المعلومه عندك وتوضح لك اكثر ، قوقل + اليوتيوب بحر من العلم ابحث علم نفسك على البحث حصلت شي مافهمته ابحث بقوقل عنه واقراء حتى تفهم
صدقني هي محتاجه شوي حماس واستمرار وصبر وراح تشوف كيف يتغير مستواك وتكون مبدع واكثر في تخصصك ❤️
الامر سهل ولا يوجد شخص ما اهمل تخصصه وفشل فيه المهم انك عرفت طريقك وعرفت كيف تمشي وش الهدف اللي تمشي له ، توكل على الله اهم شي الاستمراريه والحماس ❤️
وبالتوفيق ❤️
جاري تحميل الاقتراحات...