لغات الحب الخمسة ..
--
شوف الـ Thread
--
شوف الـ Thread
- اللغات هي طريقة من طرق التواصل بين البشر ، لما بتيجي تتواصل مع شخص مش بيتكلم نفس اللغه بيكون التواصل صعب جداً و بيكون الفهم صعب بين الطرفين ، فبيبذلوا مجهود كبير عشان يحاولوا يتفاهموا مع بعض
- بعد المجهود الكبير ده للاسف فنسبة الفهم هتكون قليلة ، يعني نسبة الفهم اكيد مش هتكون زي ما تكون بين ٢ بيتكلموا نفس اللغه ، و عشان كدا بعد المجهود ده ، الانسان بيزهق و يمل
- الحب له لغات للتواصل ، كل انسان بيتكلم لغه حب واحدة و مش بيفهم غيرها ، فمهما حاولت تتواصل معاه بلغه غير اللي فاهمها مش هيجيب نتيجة ، الحب هنا مش شرط علاقتك مع شريك حياتك لكن ممكن تطبق ده في اي علاقه
- كل انسان عنده بطاريه من الحب ، بتتغير نسبة شحنها حسب المواقف و ظروف حياته ، فلما البطاريه دي شحنها يكون قليل و تحتاج تتشحن ، بتتشحن بـ لغة الحب اللي بيفهمها ، مينفعش اشحن ايفون بـ USB-C
- و من اهم عوامل نجاح اي علاقه في الحياة هو قدرتك على التواصل و شحن بطاريه الحب دي عند الناس ، خصوصاً لو بنتكلم عن شريك حياتك اللي الطبيعي ان الحب بيقل بعد الجواز بسبب الضغوطات و مشاكل الحياة ، فبتحتاج كل شويه تشحنوا لبعض بطاريتكم
لغات الحب
---
١- التشجيع
----
في نوع من البشر بيحتاج التشجيع و الكلام الحلو عشان يفهم انك بتحبه ، الموضوع ده بيكون عند الرجالة انه بيزود ثقتهم في نفسهم ، خصوصاً ان الراجل بيحب يحس بنفسه
---
١- التشجيع
----
في نوع من البشر بيحتاج التشجيع و الكلام الحلو عشان يفهم انك بتحبه ، الموضوع ده بيكون عند الرجالة انه بيزود ثقتهم في نفسهم ، خصوصاً ان الراجل بيحب يحس بنفسه
- من طرق التشجيع التانيه هو الكلام الحلو و الغزل ، و دي البنات بتحبها اكتر ، فأنك تمدح البنت و تقولها لبسك حلو و شكلك حلو و تتغزل فيها ده بالنسبالها بيشحن طاقتها
٢- الاهتمام مبيتطلبش :
---
في ناس مفهوم الحب عندها انك تهتم بيهم و الاهتمام معناه انك تخصص لهم جزء من وقتك يكون للشخص ده و بس ميكونش فيه حاجة تشتتك او تنقص من اهتمامك ده
---
في ناس مفهوم الحب عندها انك تهتم بيهم و الاهتمام معناه انك تخصص لهم جزء من وقتك يكون للشخص ده و بس ميكونش فيه حاجة تشتتك او تنقص من اهتمامك ده
- دي نقطة موجودة عند البنات و الراجل مش بيفهمها ، البنت مثلاً من مفاهيم الاهتمام عندها انك تسمعها بكل اهتمام و تسيبها تحكي و انت مركز و تشاركها اللي بتحكيه و تتفاعل معاه ، مش مهم عندها انك تقدم حلول
- من اشكال الاهتمام هي انك تشارك الشخص اللي بتحبه في الحاجات اللي بيحبها ، زي مثلاً السفر ، الخروج ، المشي ، الاكل ، المسلسلات .....
----
مهم : المشاركة و الاهتمام مش معناه انك مثلا تنزل تخرج مع الشخص ده عشان هو بيحب كدا ، ده كدا مش تواصل
----
مهم : المشاركة و الاهتمام مش معناه انك مثلا تنزل تخرج مع الشخص ده عشان هو بيحب كدا ، ده كدا مش تواصل
- معنى الاهتمام زي ما قولنا انك تتفاعل مع الشخص في الحاجة اللي بيحبها ، مش مجرد مشاركة لانه هيفسر المشاركة دي انك بتعمل كدا تقضيه واجب مش اكتر و الموضوع تقيل على قلبك ، التفاعل هو الاهتمام ، يعني متكونش صنم اتفاعل و اتكلم معاه و شاركه
٣- الهدايا
---
و هنا الحب بيتحول من الجزء المعنوي للجزء المادي ، النوع ده من الناس لغه الحب عنده الهدايا ، ماديين شويه 😂 ، بس هما مش بيحسوا بالحب الا بانك تقدم لهم هدايا
---
و هنا الحب بيتحول من الجزء المعنوي للجزء المادي ، النوع ده من الناس لغه الحب عنده الهدايا ، ماديين شويه 😂 ، بس هما مش بيحسوا بالحب الا بانك تقدم لهم هدايا
- الهدايا بتختلف من شخص للتاني ، كـ ستيريو تايب فالرجالة بتهتم بالقيمة اكتر من العدد ، يعني هيفرح لو جبتيله عربيه BMW اكتر ما هيفرح لو جبتيله عربيتين هيونداي
- عكس البنات - ستيريو تايب - بتهتم بالعدد اكتر من القيمة ، يعني لو جبتلها بوكيه ورد هيتحسب زي لو جبتلها ورده واحدة ، فانت لو بتفهم هات بوكيه ورد و كل يوم اديها منه ورده
٤-التضحية
---
التضحية هنا انك تساعد الشخص اللي بتحبه في تنفيذ مهمة من اللي عليه ، ده بيزيد خصوصاً لما يكون تحت ضغط كبير او مزنوق او تعبان او ايا كان السبب
---
التضحية هنا انك تساعد الشخص اللي بتحبه في تنفيذ مهمة من اللي عليه ، ده بيزيد خصوصاً لما يكون تحت ضغط كبير او مزنوق او تعبان او ايا كان السبب
- يعني مثلاً انك تساعد مراتك في اعمال البيت او انك تطبخ دي حاجة هتحس بيها انك بتحبها ، او انك تساعدي الراجل في تنضيف عربيته كل ده حاجات بتحسس بيها شريكك انك بتحبه
- في ناس مفهوم الحب عندها انك تضحي بجزء من مجهودك عشان تساعدهم و تخفف عنهم ، التضحية بتحسسهم بالحب ، فإنك تضحي بجزء من وقتك و مجهودك عشانهم دي حاجة بيفرحوا بيها جدا
٥- التواصل الجسدي
---
دي اللغه اللي بيعتقدها اكثر الرجالة ، و هي ان التواصل الجسدي و انه يحضن مراته و .... ده بيسعدها و ان دي طريقتها و لغتها في الحب و الاعتقاد ده نابع من حب الراجل للعلاقه الجنسيه ، لكن مش كل الناس وسيلتها التواصل الجسدي
---
دي اللغه اللي بيعتقدها اكثر الرجالة ، و هي ان التواصل الجسدي و انه يحضن مراته و .... ده بيسعدها و ان دي طريقتها و لغتها في الحب و الاعتقاد ده نابع من حب الراجل للعلاقه الجنسيه ، لكن مش كل الناس وسيلتها التواصل الجسدي
- اهم حاجة في اللغات دي كلها هو صدق المشاعر فيها يعني متعملش حاجة معينه من دول عشان انت مجبر عليها و بتعملها غصب عنك ، لأن ده already بيترجم و بيظهر و الشخص اللي قدامك بيحسها في افعالك فبالنسباله كأنك معملتهاش وبلاش تعملها احسن
- الاهم من كل ده انك تفهم ان مش صح تتعامل مع الشخص اللي بتحبه باللغه اللي انت فاهمها ، متتعاملش معاه اطلاقاً بلغتك لكن بلغته ، يعني ممكن تكون لغة الحب عندك هي الهدايا و عند شريكك هي التضحية ، فأنت هتقعد تجيب هدايا بس هو مش مبسوط
- لازم تفهم لغة الشخص اللي بتحبه و تتعامل معاه بيها ، عشان يكون مجهودك في محله فعلا و ميترميش في البحر ، ركز انك تقدم للشخص اللي قدامك اللي هو محتاجه مش اللي انت عايزه ، و عشان كدا التفاهم اهم من الحب لان التفاهم هو اللي بيجدد الحب
- لما تفهم شريكك عايز ايه هتعرف تقدمه ، و انت هتكون مبسوط و هو هيكون مبسوط ، لكن لما متكونش فاهمه فأنت هتفضل تقدم لحد ما تزهق و تمل و هو مش هيكون مبسوط ، خدوا وقتكم في انكوا تفهموا بعض عشان ده هيريحكم بعدين
بعد ما قريت الثريد ايه هي لغة الحب عندك ايه ؟
جاري تحميل الاقتراحات...