-(#ثريد) الطريق المألوف!:
-غالبا جدا لو ساكن في الخرطوم مستحيل ما تكون سمعت او مشيت بالشارع دا او انو اصلا الشارع جا هو الرابط بين اي حته ف الخرطوم وبيتك. السؤال هو هل انت متخيل كمية الرعب ف الشارع دا باليل؟
-⭕رتويت ولايك وتابع معاي عايزين نبقى ترند ياحبيبي⭕
-غالبا جدا لو ساكن في الخرطوم مستحيل ما تكون سمعت او مشيت بالشارع دا او انو اصلا الشارع جا هو الرابط بين اي حته ف الخرطوم وبيتك. السؤال هو هل انت متخيل كمية الرعب ف الشارع دا باليل؟
-⭕رتويت ولايك وتابع معاي عايزين نبقى ترند ياحبيبي⭕
الشارع الذي يقع جنوب السوق المركزي بالخرطوم والمعروف ( بشارع الهواء ) تسميته ( كانت ) تعبّر عنه شارع واسع يتكون من ( مسارين ) وهاديء مضيء بالليل بأنوار ساطعة ، غير مزدحم ، يخرجك من إختناق الشوارع الداخلية الصاخبة والمزدحمة والضيقة الى السعة والإنتعاش بهوائه العليل
لكن هل متخيل انو الهدوء دا بيحمل في طياتو قصص (اكتر من مرعبة). بفضلكم اتواصلو معاي كمية من الناس حكو لي قصصهم وقصص ناس بيعرفوهم حصلت معاهم ف الشارع دا للاسف واحدة منهم ادت لي جنون شخص ف القصة!! هل الحاجة دي موجودة؟ ايوة موجوجة شارع الهواء عالم تاني نص الليل.
-في واحدة من القصص كانو في اتنين اخوان ساكنين في الصحافة وماشين لواحد صاحبهم في جبرة فقررو انهم يمشو بي شارع الهوا. مالقو مواصلات فقررو يمشو برجولهم زي ما بقولو عشرة ونسة كدة واحد منهم نسى محفظتو ف رجع وقال لي اخوهو نتلاقى هناك.
بعد ما مشى جاب الجزلان وجا وهو في نص الشارع شاف واحد واقف جمب العمود فلمن مرا من جمبو قام سمع يعني من الزول الواقف ف العمود كلمه بذيئة (سباهو) فلمن رجع ليهو عايز يتشاكل معاهو داك كان ولا خايف ولا اي شي لا وبيرد لي كمان؟
فلمن صاحب القصة قفلت يديو وحاول يضرب بيها السباهو دا اتصدم انو يدو اخترقت الزول الواقف؟؟؟؟ زي الكانو لوح بيدو في الهوا او انو الزول دا شفاف؟ لمن ركز فمعالم وشو لقاهو غريب جدا حاول يجري وداك سكاهو وفحة لقى فيدو ساطور وكل ما يحكها ف الارض بتطلع شرارة؟؟؟
وصل بيت صاحبهم وهناك اتخلعو اخوهو وصاحبو ماعرفو يعملو شنو ما كلمهم بالحصل دا الا بعد جلسات وعلاج بالقرآن دام لمدة ٤ او ٥ شهور!
-تاني قصة بتقول كنت شغال ديليفري عندي موتر وانا ساكن الكلاكلة ف بفضل اجي راجع البيت بي شارع الهوا علشان اسرع ومافي زحمة.
-يوم من الايام الدنيا كانت مغارب وانا راجع على البيت لقيت ناس واقفين في طرف الشارع وبيحاولو يلزو في عربيتهم. لمن هدنت السرعه جمبهم قالو لي (دفرة يا حبوب) فوقفت موتري ونزلت الز معاهم.
نزلت وقلت سلام عليكم مافيهم واحد ردا لي لا الراكب جوا العربية ولا الجمبي الا البي وراهو ردا لي فلمن كنا بندفر لاحظت لحاجة غريبة شديد؟ الزول الجمبي دا معالمو غريبة لمن عاينت ليهو اتخلعت قلت (اعوذ بالله) بعد شويو اتعقدت من نفسي قلت يمكن الزول مشوه اكمل دفر الصدمه كانت انو...
-في لحظة ما نحن بنلز ف العربية عاين بطرف عيوني على الجمبي دا لقيت انيابو ماشة تطول اكتر واكتر زي انياب الحيوانات بقت طويلة شديد انا فجاة وقفت اللز ورجعت على الموتر لمن اتلفت لقيتهم جايين علي!! الاتنين ومنظرهم مرعب شديد بسرعه دورت الموتر وجريت وتاني بقيت ما بحي بليل نهائي بالشارع.
-كتير جدا من القصص البتتحكي عن الحاجات الغريبة فيهو جا غير انو بيبقى موقع مليئ بالنشاطات الاجرامية.
-في مقولة بتقول (انو لو كنت ماشي في شارع الهوا بليل وفجأة جاتك في قزاز عربيتك طوبة او بيضة بالذات البيض اياك تشغل المنشات او الموية لانك حتضر تقيف ولو وقفت ياويلك!) ⭕
-في مقولة بتقول (انو لو كنت ماشي في شارع الهوا بليل وفجأة جاتك في قزاز عربيتك طوبة او بيضة بالذات البيض اياك تشغل المنشات او الموية لانك حتضر تقيف ولو وقفت ياويلك!) ⭕
-واحد من الناس بيحكي قصة لنو مرة كان ماشي في شارع الهوا وهو راكب في موتر فجأة لقا نفسو اتخنق بحبل!!! قال الحمد لله ماكنت ماشي بسرعه كبيرة وقعت من الموتر واتدردقت قمت سريع سريع رفعت الموتر ومشيت صوتي راح لمدة كم يوم واتزلطت لكن الحمد لله على السلامه.
-قصة العائلة!! ودي حصلت لي ناس كتيرة شديد لم بقو الناس الساكنين جمب شارع الهواء عارفين قصتهم. :
-مرة كان اليوم خميس وكنت برا البت لحدي الساعه ٢ بليل فلما كنت راجع على البيت في شارع الهواء لقيت مرتين ومعاهم طفلة اشرو لي فوقفت ليهم ركبو وقالو لي واصلين جمب جبرة قلت ليهم ما مشكلة اصلا انا ساكن جبرة وسكتو.
استمر الصمت لحجي ما وصلت قريب جبرة لمن عاينت بالمراية عشان اشوفهم اذا نامو ولا شي ما لقيتهم؟ من الصدمة فرملت العربية فنص الشارع الحمد لله كان فاضي بس....
-عاينت ورا ما لقيت اي شي بس لقيت الكراسي مليانة تراب وقمامة وزبالات؟ ما وقفت الا جمب بيتنا وكم يوم ماعايز اطلع كنت من الخوف.!
-عاينت ورا ما لقيت اي شي بس لقيت الكراسي مليانة تراب وقمامة وزبالات؟ ما وقفت الا جمب بيتنا وكم يوم ماعايز اطلع كنت من الخوف.!
-قصص الحيوانات السوداء والناس الغريبة البتظهر ليك فجأة وبتجذب انتبهاك بطريقة غريبة كانها بتستقبلك لبوابة الجحيم!
الخلاصة لو كنت من الناس المابتحب الحاجات الغريبة ف ما تحاول تمشي بشارع الهواء نص الليل ويفضل ما تكون لوحدك لانو جايما اغرب الحاجات بتحصل ليك براك دا السبب البيخليها عالقة في ذهنك على مر السنين.
واتذكر انك تتحصن دايما🖐🏻
ولحدي هنا اترك باقي المشاركات ليكم لو بتعرف قصة حصلت في شارع الهوا رسل لي وحانزلا هنا👇🏼 :
⭕ ماتنسى تطلع فوق وتعمل لايك ورتويت للثريد عايزين الناس تخلي الشارع دا 🌚⭕
⭕ ماتنسى تطلع فوق وتعمل لايك ورتويت للثريد عايزين الناس تخلي الشارع دا 🌚⭕
-قصة:
جاري تحميل الاقتراحات...