والله العظيم مافي شعور جميل يضاهي شعور تحقيق حلمك اللي تنتظره وتجتهد له من سنين
-بقولكم قصة صديقتي اللي درست معي من الابتدائي للثانوي وطول هذي السنين جوابها مايتغير اذا احد سألها وش حلمك؟ قانون قانون قانون
طيب وش ودك تصيرين؟ قاضيه أو محقق جنائي
-بقولكم قصة صديقتي اللي درست معي من الابتدائي للثانوي وطول هذي السنين جوابها مايتغير اذا احد سألها وش حلمك؟ قانون قانون قانون
طيب وش ودك تصيرين؟ قاضيه أو محقق جنائي
بصلي الوتر واجي اكمل
كان حلم طفولتها رغم ان كل اللي حولها كانو يقولو تخصص مو مناسب لك ولا له مستقبل و و و و .. وكانت كل مرة تكبر يكبر معاها حلمها ويكبر معاها الخوف فنفس الوقت انها ماتقدر تحقق حلمها او تدخل تخصص احلامها..مرت السنين وصلنا الثانوي خلصنا وتخرجنا وبدأت مرحله البحث عن التخصص الجامعي
وبدأت الضغوط حولها ادخلي التخصص الفلاني له مستقبل ادخلي تخصص طبي بس مع ذلك بقت مصره على نفس التخصص رغم ان القبول في هذا التخصص فجامعتها صعب شوي ويحتاج موزونه عاليه .. سجلت ومر الوقت وطلعت نتايج القبول
انقبلت بالجامعة الحمدلله بس مو قانون): للاسف انقبلت تخصص ثاني جاها احباط وحست ان كل انتظارها وأملها طول هالسنين راح بدون فايده،درست فالتخصص الفلاني وهي محبطه مع ذلك شدت حيلها لان لسى تخصص القانون فبالها وبعد كم شهر فتح التحويل بين التخصصات وطلبت تحويل
وكانت اكثر ايام حياتها توتر وخوف وقلق كانت تخاف تعيش نفس احباطها قبل وماتدخل هالتخصص اللي منتظرته طول هالسنين..وكان التخصص عليه اقبال كثير وتنافس لدرجه توقعت انها مارح تقدر تدخله ابداً
مرت الايام وقررنا نتجمع وكان هاليوم يُصادف يوم ظهور نتايج التحويل ف جامعتها كنا كلنا خايفين معاها وخايفين من ردة فعلها لمن ماتنقبل بالتخصص ونحاول نتناسى الموضوع نسولف ونضحك ونلطف الجو بحيث لو ما انقبلت ماتنصدم وفعلاً بدأت تتناسى الموضوع وتنسجم معانا
للحظات بين الرقص والضحك والوناسه فجأه نسمع صراخها مع دموع وبكاء بس كانت بنبره غييير بنبرة فرح شيكنا على جوالها وشفنا الرساله رساله تنتظرها كل هالسنين "مبروك تم قبول تحويلك لتخصص القانون" والله ما اقدر اوصف لكم كمية المشاعر وقتها لدرجه قمنا نبكي ونحضن بعض كأننا مجانين 😂♥️♥️♥️
جاري تحميل الاقتراحات...