لاحظت كثير من طلاب الطب وصلوا سنة ثالثة ورابعة وللحين اعتمادهم الكامل على السلايدات وللأسف هذا شيء سيء سوا لدرجاتهم أو حتى لمستواهم العلمي لذلك بتكلم في هذي التغريدات عن بعض الكتب والمصادر الي فادتني والي تكون خفيفة ومناسبة لمستوانا كطلاب 🔥⬇️
كتاب step up to medicine من أفضل المراجع للأمراض يعطيك كل شيء يخص المرض بالتفصيل الي تحتاجه كطالب انصح فيه لسنوات البيسك والكلنكل كتاب يخدمك طول دراستك بالكلية ومفيد لل PBL بعد لو كنت من الناس الي تحب الكتب الورقية مو خسارة تشتريه ✅✅
يعتبر pathoma من أفضل المراجع لمادة ال pathology واخفها كذلك شخصياً استخدمت Robins بس كان متعمق ومفصل بشكل أكبر ويأخذ وقت أكثر لذلك أنصح في pathoma عشان الوقت الا اذا احتجت تتعمق أكثر بالموضوع
مقاطع Osmosis و Armando من أفضل المقاطع الي تختصر لك المواضيع تفيدكم أكثر شيء بالفيسولوجي والأمراض اغلب المقاطع ما تتعدا 10 دقايق كنت اتابع المقطع قبل احضر المحاضره مع الدكتور بحيث يصير عندي فكرة عن الموضوع والأشياء الرئيسية واقدر افهم واركز مع الدكتور وقت المحاضرة
كتاب First aid by organ systems من أفضل الكتب الي تفيدكم بسنوات البيسك مقسم حسب البلوكات ميزته انه يعطيك تفصيل للمواضيع بحيث تفهم بعكس first aid step 1 الي يعطيك رؤوس أقلام حقت مراجعة فقط أنصح فيه وبشدة
مقاطع board and beyond من افضل المقاطع الي تشرح لك physiology + clinical + pharmacology فادتني كثيييير اغلب المقاطع بين 12 دقيقه و 20 دقيقه ويشرح لك بالتفصيل ويحدد لك المهم ومقسمة حسب البلوكات روووعه
هالكتاب شريته أول ما بديت سنة ثالثة وما عمري خليته بالبيت دايم معي بالشنطة أو بجيبي من الكتب الصغيرة ومن أفضل الكتب لل history and physical examination مفيد بشكل كبيييير
مقاطع وملفات online meded مرررره مفيدة لجزئية الكلنكل ويعطيك الخلاصة والشيء الي تحتاجه بدون أي فلسفة زايدة استمتع اذا تابعته ، وما تطفش منه بالجلسة الوحدة الا بعد ما تتابع عدة مقاطع لان مافي ولا مقطع يتعدا 20 دقيقة واغلبها أقل ، المقاطع بموقعهم متاحة بشكل مجاني للجميع
اما هالاثنين ninja nerd + dr najeeb فيعتبرون حقين الازمات الصعبة بالذات في الأناتومي مقاطعهم طويلة بس تخلي المعلومة ترسخ وما بعد شرحهم شرح ابد تقدرون تتابعون اشياء ثانية لهم غير الاناتومي بعد ، لكن زي ما قلت هالاثنين وقت الازمات تحصلهم جنبك بالذات بالنيورو 🔥
طبعاً في مصادر ثانية كثيييير ومفيدة بس اغلبها تكون تفيدك في بلوك معين ومرحلة معينة وان شاء الله رح انزلها بعدين ونكمل السلسلة فيها لكن الي فوق هي الي تفيدك بأغلب البلوكات واغلب السنوات ومو خسارة يكون عندك نسخ ورقية منها لو تفضّل الورقي ✅✅
جاري تحميل الاقتراحات...