#Monster
مراجعتي البسيطة لانمي مونستر📝:
(🔴المراجعة فيها حرية حرق لجميع الأحداث بالتفاصيل والثريد هيكون طويل فاللي ناوي يقراه يجيب قهوته ويستعد🔴)
مراجعتي البسيطة لانمي مونستر📝:
(🔴المراجعة فيها حرية حرق لجميع الأحداث بالتفاصيل والثريد هيكون طويل فاللي ناوي يقراه يجيب قهوته ويستعد🔴)
احترت جدًا ازاي ابدأ الثريد ده وايه الطريقة اللي همشي بيها، ومقدرتش اوصل لحاجة أفضل من اني في البداية اتكلم عن بداية العمل نفسها واللي هي أحد أكبر النقاط الإيجابية فيه، وتحديدًا أقصد أول اربع حلقات من العمل.. فعلًا من أقوى البدايات اللي شفتها لأسباب كثير..
فكرة الانمي نفسها جميلة، جراح ينقذ طفل من إصابة حرجة، ثم يكتشف بعدين انه في الحقيقة أنقذ مجرم، وحش تسبب بموت ناس كثير، وأحس بالمسؤولية وانه السبب في موتهم بشكلٍ ما، فيقرر يسيب كل حاجة ورا ظهره ويروح يصلح غلطته، فكرة مش الأكثر عبقرية في العالم لكنها بسيطة وجميلة وكفيلة تشدني للعمل
ثم بعد ده ييجي التقديم، تقديم شخصية تيما والضغوطات اللي بيتعرضلها وطريقة تفكيره، تقديم الشخصيات وعالم الطب اللي حواليه، تقديم القصة نفسها والغموض اللي بيحيط بيها، احنا فجأة بدأنا بجريمة قتل وطفلين واحد على حافة الموت والثانية حصلها صدمة عقلية وقاعدة تقول "اقتله" +..
والموضوع بالكامل غريب وبعدين فجأة المدير والطبيبين اللي كانوا معاه ماتوا بحلوى مسممة والطفلين اختفوا وبعدها بعشر سنوات شفنا يوهان الفتى اللي تيما أنقذه بعد ما بقى قاتل بدم بارد وشفنا "ينكرس" وقصته مع يوهان، وكذلك شفنا في الفترة دي تقديم لونغي وإصراره على اتهام تيما..
من الآخر يعني كل العوامل اللي ممكن تجذبك للقصة وتخليك مشدود وعايز تعرف اللي هيحصل، سواء بسبب التقديم الرائع للحبكة والغموض أو التقديم الجميل أيضًا للبطل ودوافعه وهدفه، وتقديم رائع كذلك لشخصيات لونغي وايفا ويوهان.. وبم اننا جبنا سيرة البطل ودوافعه فخليني هنا اتكلم عن تيما شوية..
بصراحة أكثر شخصية مستغرب من كره الناس لها! حتى فانز مونستر نفسهم كثير منهم مبيحبش تيما وانا اختلف بصراحة.. تيما شخصية جيدة جدًا، هو يمكن معندوش حاجة مميزة أو واو في شخصيته لكن ده شيء فريد في حد ذاته ومطلوب في القصة دي
تيما انسان طيب ونقدر نقول "حساس" كمان، اكتشف فجأة انه كان مسؤول عن إنقاذ وإيقاظ "وحش" تسبب في موت ناس بالهبل وما زال مستمر، والمسؤولية دي هي بوصلته طول الأحداث، هو معتبر نفسه السبب في سلسلة الموت اللي حصلت دي ومهمته انه يوقفها زي ما بدأها..
شفت كلام كثير عن انه شخصية "غير واقعية" و "طيب زيادة عن اللزوم"، بس فعليًا أنا مش شايف ده إطلاقًا.. هو عمركوا ما شفتوا شخصية طيبة في الحقيقة؟ أنا من أكثر الناس اللي بيحبوا الشخصيات تكون رمادية وبدون صح مطلق وطيبة مطلقة، لكن ده مش معناه إن عشان الشخص بطبيعته خيّر يبقى غير واقعي..
ثم مين قال انه تيما متسامح وطيب 100%؟ شفنا ايفا لما ابوها مات وراحت تسترجاه يرجعلها لكنه مقدرش يسامحها..
تيما بطل مناسب جدًا للعمل والتناقض بين شخصيته والعالم الاجرامي اللي هو دخل فيه، التناقض ده بيساعد في إيصال مدى بشاعة وقسوة العالم والشخصيات دي لنا بشكل أكبر..
تيما بطل مناسب جدًا للعمل والتناقض بين شخصيته والعالم الاجرامي اللي هو دخل فيه، التناقض ده بيساعد في إيصال مدى بشاعة وقسوة العالم والشخصيات دي لنا بشكل أكبر..
عدم تقديم خلفية أو فلاش باك لتيما ممكن أزعج البعض، أنا عن نفسي مكنش عندي مشاكل إطلاقًا مع ده في البداية، لاننا بكل بساطة مش محتاجينه احنا خدنا البناء اللي محتاجينه لشخصية تيما في اول اربع حلقات بالفعل، وان كان حصل مشكلة بسيطة بسبب قرار غير موفق بعد كده في الحلقة بتاعت المكتبة +..
لما قرروا انهم يستعرضوا جزء بسيط من ماضي تيما وهو طفل ومعاناته، وده أزعجني بصراحة، مبحبش القرارات المايعة دي، يا اما تجيبلي ماضيه كامل وتفهمني المغزى بالظبط اللي انت عايز توصله من الماضي ده، يا اما زي ما عملت في الاول متجيبوش خالص ونكتفي باللي ظهر في الوقت الحاضر
المشهد مشفتش منه أي هدف بصراحة وحسيته عشوائي، يعني انت ليه حطيت المشهد ده هنا دلوقتي، أنا استفدت منه ايه؟ وليه مكملتش عليه بعد كده؟ كانت إضافة بدون داعي
ارجع ثاني هنا للاحداث اللي تراجعت بشكل كبير للأسف بعد اول اربع حلقات، الإيقاع بقى بطيء اوي لفترة طويلة، ولغاية الحلقة 25 تقريبًا كان فيها مشاكل كثير، مش متذكر كل تفاصيلهم لاني شايفهم من فترة بس فيه مشاكل رئيسية قللت متعتهم..
أولًا القصص الجانبية، كانت كثيرة جدًا وأغلبها ممل مع الأسف، مش هنكر إن يمكن بعضها كان جيد وفيه فكرة حلوة او فلسفة جميلة تضيف للجو العام للعمل، بس في العموم نسينا القصة الرئيسية ودخلنا في تمطيط طويل ووصلتني لخمول لدرجة خلاني اوقف متابعة العمل لفترة!
المشكلة ان أغلب القصص دي عادية جدًا، الفكرة الفلسفية اللي وراها مستهلكة، او الأحداث متوقعة او غير منطقية، ولاحظوا اننا بنتكلم عن عمل غموض، فآخر صفتين دول بالذات "متوقعة وغير منطقية" يعتبروا كارثة، وهتكلم عن النقطتين دول بتفصيل أكبر بعد شوية..
كثرة القصص الجانبية وكثافتها كذلك ظلمت القصص دي نفسها وكذلك قصص أخرى مهمة! كل قصة منهم مش واخدة حقها في بناء حبكتها ولا شخصياتها، وبالتالي ارتباطي بيها شبه منعدم، وبالتالي حاسس بملل وانا بتفرج عليهم.. خليني اجيب مثال هنا:
الشخصية دي، الصحفي ماولر كان شخصية جانبية لكنه كان موجود في حدث مهم للقصة الرئيسية وهو مقتل عائلة نينا، وفاته مع عائلة فورتنر كانت المفروض تكون محزنة، لكني محستش بده إطلاقًا، أولًا لان كان واضح جدًا من بداية ظهوره إن الشخصية موجودة عشان تموت ونزعل عليها "سيناريو متوقع"
وثانيًا لان الشخصية مجتلهاش الفرصة تتبني كويس وارتبط بيها أصلًا! ومش شخصية ماولر بس فيه شخصيات كثير جم وراحوا بدون ما ارتبط بيهم على الإطلاق ولا بقصصهم، لانهم مش مبني لهم كويس ومش واخدين وقتهم بسبب إن المؤلف مصّر إنه يحشر أكبر عدد ممكن من القصص الجانبية في عمل واحد!
بالنسبة للسيناريوهات المتوقعة، سيناريو ماولر اللي قلته فوق، وسيناريو الظابطين اللي راحوا لموقع الحادث وكان واضح جدًا انهم رايحين يخطفوهم او يخلصوا منهم، الشخص ده اللي قال لتيما معلومات معينة وبعدين طخ نفسه زي ما كان واضح من البداية، وغيرها كثير من السيناريوهات المستهلكة المعروفة
وموضوع "الغير منطقية" كان أقل منهم لكنه كان موجود برضه، على سبيل المثال الراجل ده أنا إلى الآن بدور على سبب منطقي واحد خلاه يدل تيما على الجنرال وولف! هو معاه السلاح ومعاه الرهينة "ديتر" ومعندوش اي سبب يخليه يقول، بس طبعًا كان لازم يعترف عشان القصة تتحرك!
طريقة تحرك القصة نفسها أصلًا كانت تقليدية وعادية مملة لأقصى درجة، فكرة انك تروح لحد فيديك معلومة توديك لشخص ثاني يديك معلومة توديك لشخص ثالث ثم ينتحر والشخص الثالث يديك معلومة لمكان او شخص رابع وبعدين حد يقتله.. الخ، طريقة مفيش فيها أي إثارة ولا شد ولا ابداع
عشان مبقاش متحامل برضه مش هنكر إن الفترة دي كان فيها بعض الأشياء الحلوة، تقديم شخصية دكتور غيلين كان جميل جًدا، وتكملة شك لونغي في تيما أكثر وأكثر، وتطور جميل في شخصية ايفا ومشاعر الـ(حب كره) اللي بتحملها لتيما، وكذلك بعض القصص الجانبية كانت نوعًا ما جيدة
وأيضًا الأحداث اللي كانت بتيجي فيها سيرة كيندرهايم 511 كانت بشكل عام جيدة، وأخيرًا ارتباط أحداث القصة بوقائع تاريخية حقيقية عجبني
بداية من الحلقة 26 الاوضاع رجعت ثاني تحسنت كثيير وجاء آرك من أفضل الآركات في العمل بالكامل واللي ظهر فيه شخصيات كثير جميلة اهمهم المحقق ريتشارد أحد شخصياتي المفضلة، لكن الأهم إنه كان أخيرًا أول ظهور عدل يوحد ربنا ليوهان بشكل مباشر
مفيش مانع من القصص الجانبية لما تكون ممزوجة مع القصة الرئيسية بسلاسة والاثنين واخدين حقهم، وده اللي حصل بالظبط في الآرك ده.. قصة كارل وشوالد كانت مهمة للقصة لكنها برضه أخذت حقها ككقصة منفردة جميلة، بكل بساطة لانها أخذت حقها في البناء..
انا ارتبطت بالشخصيات وبدوافعهم، وفي نفس الوقت كان فيه أحداث مهمة وممتعة بتحصل في القصة الرئيسية فمحستش بملل إطلاقًا، شخصية ريتشارد الكاراكتر آرك بتاعه كان عظيم، من معاناته مع الكحول لمعاناته مع عائلته لماضيه في الشرطة لتحقيقاته حول يوهان..
كان شخصية ديناميكية مؤثرة في الأحداث وفي نفس الوقت شخصية واخدة حقها في البناء ولها بعد درامي ممتاز، تحقيق ريتشارد نفسه وطريقة ربطه للمعلومات كانت رائعة، الآرك مكنش فيه حبكة مذهلة يعني بس على الأقل كنت متشوق اعرف اللي هيحصل وكان فيه صدمات والتواءات مش مجرد سيناريوهات متوقعة
يوهان انطباعي عنه كان ايجابي، وخطابه مع ريتشارد في نهاية الآرك كان رائع، وإن كان سبب مشكلة ثانية بعدين في النهاية هجيلها في وقتها، لكن يمكن مشكلتي الوحيدة مع شخصيته انها كانت مثالية ومتكاملة بزيادة حبتين، وبرضه هشرح قصدي بالتفصيل بعد شوية لما آجي اتكلم عن يوهان
بعد كده مستوى القصة كان متذبذب، أشياء جيدة وأشياء سيئة، بس بشكل عام حسيت إن المؤلف أخيرًا لقى الإيقاع بتاعه في بناء الغموض بدل ما كان كله تقليدي ومتوقع زي البداية وبدأت احس بغموض حقيقي واني إلى حدٍ كبير مش قادر اتوقع ايه اللي هيحصل
حدث المكتبة ده كانت جميل والمواجهة بين تيما ويوهان هناك جيدة، وقصة "الوحش بلا اسم" كانت جميلة بالمعاني اللي بتحملها، واقدر أقول إن مستوى ارتفع أكثر بعد ظهور غريمر، هو ظل متذبذب برضه بس ممكن نقول متوسط التذبذب ده ارتفع بعد ظهوره
الإيقاع ارتفع وبدأنا نشوف أكثر من رحلة في اتجاهات مختلفة بيتاقطعوا مع بعض أحيانًا، وكل رحلة هدفها تورينا جانب معين من القصة، وأنا حبيت الطريقة دي أكثر بمليار مرة من الطريقة القديمة بتاعت كل واحد يديك معلومة توديك لواحد ثاني دي
الشخصيات كلهم بقوا مثيرين للاهتمام سواء بالاحداث اللي بتحصل معاهم او ببناءهم هم نفسهم والدراما الناتجة عن تفاعلهم مع بعض والافكار اللي بيعبروا عنها، والتركيز بقى تقريبًا كله منصب على القصة الرئيسية وقلت القصص الجانبية، وإن وُجدت فهي مندمجة مع القصة الرئيسية
والفترة دي من الانمي رغم جودتها الكبيرة لكن ما نقدرش نقول انها كانت خالية من بعض العيوب برضه، وفي نهاية الثريد هاذكر بشكل عام أهم نقاط القوة والضعف، بس فيه سيناريو كارثي معين لازم اذكره هنا، وهو موضوع تنكر يوهان بهيئة اخته لعدة حلقات🤦♂️
أظن مفيش مثال أكبر وأفدح من ده على فكرة السيناريوهات الغير منطقية اللي قلت عنها، فجأة كده طلع التنكر في القصة؟؟ بدون تقديم ولا تفسير ولا أي حاجة وفي قصة المفروض انها "واقعية"! مش عارف بصراحة اتكلم عن مهارته العجيبة في التنكر بهيئة بنت، ولا تقليده لصوتها تمامًا!!
وكل ده فجأة، انت مقدمتليش حتى فكرة التنكر دي في بداية القصة ولا ارسيت قواعدها وعرفتني ايه اللي ينفع وايه لا، طب على كده فيه سيناريوهات كثير حصلت قبل وبعد كان ممكن يتم استخدام التنكر فيها، انت خلقت ثغرة كبيرة في القصة بإظهار قدرة عجيبة كده من العدم
والمشكلة الأكبر إن الموضوع مكنش جانبي أو حاجة ممكن اتجاهلها، ده كان في أساس القصة! لعدة حلقات كانت خطة يوهان بالكامل الاعتماد على التنكر ده وحقق أهداف كثير باستخدامه وغير من مسار القصة، زي تخلصه من الثلاث شرطيين و"إغراءه!" للمحقق سوك عشان يقع في حبه وينقله المعلومات كلها!
ممكن يكون ده هو السيناريو الأسوأ في النص الثاني من العمل وأغلب المشاكل الثانية كانت أقل فداحة عنه بكثير والمميزات كانت أكثر من السلبيات
الوضع استمر كده لغاية الآرك الأخير، وهو الآرك اللي اقدر اقول عليه الأفضل واالأعظم في العمل كله بلا أي منازع.. بتاع القرية.. كل الشخصيات المشاركة في الآرك كنا مرتبطين بيها وقضينا معاها وقت طويل، بناء أكثر من رائع للقرية وأهلها والشخصيات الجديدة فيها..
تقاطع جميل لجميع رحلات الشخصيات، وربط رائع لكل الخيوط المتفرعة مع بعضها في آرك واحد، لأول مرة في مونستر حسيت بدهشة وصدمة حقيقية وقوية من التويستات والمعلومات اللي اتكشفت، وحسيت باني مرتبط مع القصة بكامل حواسي ودايمًا عايز انقل من حلقة للي بعدها..
نهاية رائعة للكاراكتر آرك بتاع شخصيات كثير ونهاية ممتازة للعمل، الحلقة اللي قبل الأخيرة مثلًا انا كنت اتضايقت إن اللي أطلق على يوهان شخص آخر غير تيما، ولكن غيرت رأيي على طول لما شفت الهدف ورا ده وهو انهم يضعوا تيما في نفس الاختيار اللي حصل في الحلقة الأولى
انت الوقتي مش بس هتبقى مسؤول عن إيقاظ الوحش مرة أخرى، انت المرة دي عارف حقيقته من قبل ما تنقذه كمان، فهل هتحافظ على قناعتك إن حيوات البشر متساوية؟ ولا هتقتنع باللي يوهان نفسه كان عايز يوصله لك؟ ده كان اختيار عظيم وسعيد بالنهاية دي
وبالنسبة لآخر مشهد فهو صح منطقيًا مضروب وممكن يزعج البعض بس عن نفسي اعتبرته مشهد رمزي ومشيتها عشان ما افسدش استمتاعي بالنهاية..
اتكلمت فوق عن تيما بالفعل وهنا هبدأ اتكلم عن باقي الشخصيات المهمة:
اتكلمت فوق عن تيما بالفعل وهنا هبدأ اتكلم عن باقي الشخصيات المهمة:
غريمر: شخصية ممتازة، الفكرة اللي بيعبر عنها حلوة ورحلة شخصيته، ماضيه، انفصامه، بحثه عن المشاعر، كلها كانت في منتهى الجمال، حتى خطوط الأحداث اللي كان فيها أغلبها كانت ممتعة وسريعة وحلوة.. يمكن بس العيب البسيط الوحيد فيه اني حسيت بمبالغة نوعًا ما في قوة شخصيته الأخرى "شتاينر"
ونهايته كانت الأفضل والكاراكتر ارك بتاعه بالكامل من البداية للنهاية كان تقريبًا متكامل
لونغي: أكثر شخصية منعشة في العمل بصراحة، من البداية جدًا وهو أكثر شخصية حابب الخط بتاعها ومعجب بالفكرة من وراه، فكرة ازاي إن ممكن إصرار وعناد حد يوصله للوجهة الغلط حتى لو كان في منتهى العبقرية
ازاي عقله تلقائيًا بيحول كل المعلومات اللي توصله إلى دلائل تدعم اتهامه لتيما، رغم ادعائه هو شخصيًا إن الحقائق دي لازم تكون موضوعية، ازاي بيجهل نفسه بنفسه رغم عبقريته، وازاي شغله أدى لدمار عائلته.. اعتذاره لتيما في النهاية رغم بساطته لكن كانت لحظة رائعة
وبرضه زيه زي غريمر ويمكن أكثر كمان الأحداث المصاحبة لرحلة شخصيته كانت أغلبها ممتعة وممكن تكون كانت الامتع في العمل كله
ايفا: على قد ما هي شخصية مزعجة، على قد ما لازم اعترف برضه إنها مكتوبة كويس جدًا، دمار حياتها وسقوطها في الهاوية تم تصميمه باتقان، ومشاعرها المتضاربة تجاه تيما كذلك كانت مقنعة ومبررة، وقدرنا نشوف ازاي تبان من برا سلطانة مغرورة لكنها محطمة تمامًا من الداخل
نينا: بصراحة الشخصية دي مش شخصية سيئة قد ما هي شخصية مملة.. تقديمها كان جيد ودوافعها واضحة ومفيش مشاكل كبيرة لكن توظيفها داخل الأحداث كان سيء، هي المفروض سفيرتنا على ماضي يوهان والاسرار اللي فيه وعشان كده كان المفروض تكون مثيرة لكن المؤلف نجح انه يفقدني كل ذرة اهتمام بيها وبخطها
أكثر خط تم مطه في العمل هو خطها، المؤلف عشان يقدملنا الماضي ده بالتدريج مش دفعة واحدة خلى الخط ده مليان تكرار وتمطيط وملل، خصوصًا في النص الثاني لما أغلب الشخصيات بقى عندهم أحداث حلوة وخطوط مثيرة، هي كانت زي ميم المهرج بين الجنود،
الأحداث بتاعتها كلها نفس الشيء، تحاول تتذكر، تخاف، تقعد سنة بتحاول تتذكر ثاني، فجأة تتذكر، تهرب من المكان الي هي عايشة فيه، تروح تحاول تتذكر حاجة ثانية، تخاف، تتذكر، تهرب... الخ، والنتيجة؟ رتابة وملل وقاعد طول الوقت نفسي يجيبوا لونغي ولا غريمر ولا تيما ويفكونا منها
يوهان: الشخصية دي كانت أكثر حاجة متحمسلها في العمل كله، ويمكن هو سبب متابعتي أصلًا، أنا بحب الشخصيات الشريرة ويوهان أكثر شخصية شريرة شفت عليها مدح في حياتي تقريبًا، تقديمه كان جميل، بروده وطريقة كلامه والالغاز اللي حواليه، كلها عوامل خلته مرعب فعلًا وحسيت بخطره وكاريزمته
زي ما قلت مشكلتي الوحيدة مع تصميم الشخصية هو انه مثالي بزيادة.. يعني ذكي جدًا وهادي جدًا وكل جمله شاعرية وفلسفية، يمكن ده ساعد أكثر وأكثر في إيصال الرعب والخوف من شخصيته لكنه بكل تأكيد بيؤثر على مدى واقعية العمل والشخصيات، بس عمومًا مش هنقف في النقطة دي كثير
ماضيه كان إلى حد كبير مقنع وجميل، فلسفته ودوافعه كانوا جيدين جدًا لكن فيهم علامة استفهام كبيرة منعت انها تكون متكاملة وهو تناقض عجيب يا جماعة حصل في شخصيته، يعني لما هو معندوش مانع يقتل أطفال ويعذبهم نفسيًا كمان قبلها، امال خطابه "اللي كان رائع" قدام ريتشارد ده كان ايه؟؟
أنا أعجبت جدًا بالخطاب ده وقتها بس مستغرب إن كدا يوهان نفسه مش متبع فلسفته أصلًا وده تسبب في ثغرة كبيرة في دوافعه وتناقض في كلامه، بس كل دي نقاط جانبية وشخصيته عمومًا جيدة جدًا، لكن المشكلة الأكبر عندي بقى مش في شخصية يوهان نفسها ولكن في استغلال المؤلف له
أولًا ظهوره قليل اوفر! معلش احنا بنتكلم عن الفيلن الرئيسي في العمل وهو من أقل الشخصيات ظهورًا فيه، انا مقدرتش ارتبط بشخصيته ولا بفلسفته مش بسبب عيب في الشخصية قد ما هو بسبب قلة ظهوره! مفيش تفاعل كبير بين شخصيته وباقي الشخصيات الثانية، مفيش أي مواجهة درامية حقيقية بينه وبين حد
كل حواراته كلام شاعري ومش قادر استشف منها أي حاجة عنه، المؤلف فعليًا كأنه جابلك ماضي شخص ما، ثم استعرضلك نتائج أفعاله وبيقولك انت افهم بقى هو بيفكر ازاي.. بل حتى ماضيه ده فضل يستعرض فيه جزء بجزء لحد آخر مشهد في العمل! يعني حتى مشفتوش كامل على بعضه جوا الانمي عشان استشف منه حاجة
قولوا عني سطحي براحتكم بس أنا فعلًا مش حاسس اني فهمت يوهان بالكامل ولا اقتنعت تمامًا بدوافعه، وده مش عيب في الشخصية نفسها زي ما قلت بس ده لاني مشفتش من الشخصية دي حاجة تُذكر.. محدش مثلًا سأله بشكل مباشر انت بتعمل كده ليه، ولا شفنا جوانب مختلفة من شخصيته عشان نتعمق فيها
هو نفسه بنفس شخصيته الباردة الخالية من المشاعر طول العمل اللهم الا انه بس صرخ مرة واحدة لما قرأ القصة المصورة..
عمومًا تجسيد الشخصية للشر بشكل عام كان متقن، مرعب وغامض وخالي من المشاعر وعنده فلسفةٍ ما للي بيعمله "حتى لو أنا مكنتش تشبعت الفلسفة دي تمامًا"
عمومًا تجسيد الشخصية للشر بشكل عام كان متقن، مرعب وغامض وخالي من المشاعر وعنده فلسفةٍ ما للي بيعمله "حتى لو أنا مكنتش تشبعت الفلسفة دي تمامًا"
باقي الشخصيات الأخرى الأكثر ثانوية كانت مكتوبة كويس برضه، سبق ومدحت ريتشارد، وكذلك مارتن كان رائع، وحتى روبيرت حبيت وجوده في العمل، هو كان التعبير عن رعب يوهان في الواقع وكل المواقف اللي بيظهر فيها كانت بتبقى مثيرة للتوتر، وكذلك المحامي والمحقق سوك وغيرهم كثير ممكن اكون ناسيهم
حتى الشخصيات الجانبية الكثير اللي ظهرت في النص الثاني أغلبهم كان رائع لان القصص الجانبية في النص ده كانت مندمجة مع القصة الرئيسية وشخصياتها أخذوا وقتهم في البناء..
وبشكل عام أقدر أقول إن ميزة مونستر الأكبر وعبقريته تكمن في كتابة الشخصيات وليس الغموض
وبشكل عام أقدر أقول إن ميزة مونستر الأكبر وعبقريته تكمن في كتابة الشخصيات وليس الغموض
يمكن في شخصية أخرى بجانب يوهان حاسس انها اتظلمت وهي شخصية فرانس بونابارت، أنا عجبتني الشخصية دي اوي وكان نفسي اشوف منه أكثر واتعمق في شخصيته زمان، لكن المؤلف جابه وهو كبير لما "تاب" مرة واحدة ومستمتعناش بشخصيته القديمة
مميزات عجبتني في القصة والحبكة: أولًا اعتمادهم على الأساليب الكلاسيكية الأساسية البسيطة في الساسبينس وزيادة الترقب، حاجات زي طريقة فتحهم للباب واصوات الخطوات ووضع الكادر "أو الكاميرا" في زاوية معينة عشان تخفي شيء معين وحاجات شبه دي ممكن تبان بسيطة لكنها بتضيف كثير للجو العام
ثانيًا ودي ممكن تكون أكثر حاجة أبهرتني في العمل ولغاية دلوقتي مش قادر الاقي أسبابها بالظبط وهي السوادوية المصاحبة للعمل على طول، من الحلقة الأولى وإلى الحلقة الأخيرة وانا حاسس بالسوداوية والكآبة في العمل في كل وقت، حتى أثناء اللحظات السعيدة القليلة لازلت بتحس السوداوية موجودة
الموسيقى التصويرية والألوان وطريقة الرسم والأحداث نفسها ويمكن غيرهم عوامل أخرى مش قادر أوصلها كلهم ساعدو في إضافة السوداوية، وده طبعًا مناسب جدًا للجو العام للعمل، يمكن لا أذكر أي عمل آخر شفته في حياتي قدر يحقق ده بنفس درجة مونستر غير الجزئين اللي شفتهم من مسلسل دارك
ثالثًا الطريقة الرائعة اللي مشت بيها أجواء العمل في النص الثاني زي ما قلت، الخطوط الكثير المتفرعة مع كذا شخصية بيتقاطعوا أحيانًا وكل خط مفيد في إبراز جانب معين من القصة، ورابعًا زي ما ذكرت برضه ارتباط الأحداث بتاعت العمل بأحداث تاريخية حقيقية
ده شيء يتطلب بحث ومجهود أهني ناوكي عليه بصراحة، دي مش كل المميزات طبعًا لكنها الحاجات العامة اللي مجتليش فرصة اتكلم عنها باقي الثريد
مشاكل أخرى في العمل بالإضافة للي قلته فوق (عدم منطقية بعض السيناريوهات، وأغلب السيناريوهات متوقعة خصوصًا في البداية والطريقة المملة اللي تحركت بيها الحبكة في البداية)، في أيضًا:
- أدوات غموض معينة المؤلف حلب أمها لغاية ما بقت في غاية الملل والتوقع، مثلًا +
- أدوات غموض معينة المؤلف حلب أمها لغاية ما بقت في غاية الملل والتوقع، مثلًا +
حركة المسدس اللي كل ما حد ييجي يطلق تقوم الكاميرا طالعة برا المبنى ثم بعد عدة مشاهد "أو الحلقة اللي بعدها" نيجي نكتشف إن شخص ثاني اللي أطلق.. يعني استخدمها مرة واحدة أوك بس طول العمل يا ظالم! أولًا الحركة بقت مزعجة بصريًا إن كل ما حد ييجي يطلق تحصل +
وثانيًا الحركة بقت متوقعة، وبقيت في كل مشهد فيه إطلاق نار عارف إن ده اللي هيحصل ومتوقع انه مش هو اللي أطلق ولا حاجة والحركة بقت كليشيه جدًا، كذلك ويندرج تحت نفس المشكلة برضه حركة تكرار الكلام من أجل انه يسبب رعب أو احساس معين عند المشاهد وترقب +
تم استخدامها بكثرة مفرطة خصوصًا مع نينا وكانت أحد العوامل اللي خلت خطها ممل أكثر ما هو
- أخيرًا فيه بعض الخطوط اللي حسيت إن تعامل العمل معاها كان غريب ومش مناسب لها، على سبيل المثال الشخصية دي قاتل عنده 100 ضحية على ما اتذكر، يعني أسوأ من يوهان! بس كل اللي حصل انه ظهر مرة واحدة+
- أخيرًا فيه بعض الخطوط اللي حسيت إن تعامل العمل معاها كان غريب ومش مناسب لها، على سبيل المثال الشخصية دي قاتل عنده 100 ضحية على ما اتذكر، يعني أسوأ من يوهان! بس كل اللي حصل انه ظهر مرة واحدة+
ثم اختفى كأنه شخصية عادية وهو يمكن يكون أشر واحد ظهر في العمل، وكذلك فيه بعض الشخصيات اللي تم بناءها بشكل رائع ووضعت ضمن الشخصيات الأساسية لفترة لكن في النهاية تراجعت بدون ما تقدم حاجة مهمة أوي للحبكة في النهاية زي المحقق سوك والمحامي
وأيضًا ازاي يوهان قتل ريتشارد؟ السؤال ده اللي الآن بلا إجابة ومش واضحلي ازاي اجبره انه يشرب لغاية السكر ثم ينتحر!
الجوانب الانتاجية كانت بشكل عام رائعة، رسم ملامح الشخصيات والأداء الصوتي والخلفيات، والساوندتراك كان مناسب للجو وإن كنت حاسس ان المقطوعات نفسها قليلة ومفيش تنوع
الجوانب الانتاجية كانت بشكل عام رائعة، رسم ملامح الشخصيات والأداء الصوتي والخلفيات، والساوندتراك كان مناسب للجو وإن كنت حاسس ان المقطوعات نفسها قليلة ومفيش تنوع
وكان فيه عندي سؤالين مش عايز اعتبرهم سلبيات لان ممكن تكون مشاكل في تركيزي أنا..
- ليه المحامي كان بيتضايق من أغنية قوس قزح دي أيًا كانت؟ وهل اتذكر في الانمي؟
- نينا قالت ليوهان انها مسامحاه على ايه؟ ورده عليها ده يقصد بيه ايه؟
- ليه المحامي كان بيتضايق من أغنية قوس قزح دي أيًا كانت؟ وهل اتذكر في الانمي؟
- نينا قالت ليوهان انها مسامحاه على ايه؟ ورده عليها ده يقصد بيه ايه؟
مونستر انمي ثقيل جدًا على مستوى الأفكار والشخصيات، غموضه في بعض الأحيان كان رائع جدًا وطلع منه أشياء مذهلة وفي أحيان أخرى كان جيد لكنه بشكل عام كان أقل مما توقعت بكثير وفيه مشاكل بالهبل أفسدت متعتي.. تقييمي المتواضع له هو 7.5 / 10
أعتذر على إني طولت، وأنا رغم كل ده مقلتش كل اللي كان في نفسي أقوله.. لو فيه حاجة مش واضحة أو غامضة من النقاط اللي قلتها تقدروا تستفسروا عادي وانا اشرح قصدي، وأي حد عنده اعتراض على نقطة معينة حقه يقولها عادي ونتناقش، ومتنسوش إن الموضوع أذواق في النهاية..
اعذروني على الأخطاء لو جدت، وآسف على قلة الصور بس الموضوع خد مني وقت أطول مما توقعت.. شكرًا على القراءة
~~انتهى الثريد~~
~~انتهى الثريد~~
@kahledanas @rattibha الله ينور عليك كنت لسه هسألك ايه البوت اللي بيرتب ده😂
@6_sa9 صحيح تاب عن أفعاله لكن يظل قاتل محترف هارب، مينفعش يظهر ويختفي بدون عقاب، "العدالة الدرامية" زي ما البعض بيقولوها
@6_sa9 هرد على منشناتك كلها بكرا إن شاء الله يا طلال عشان داخل انام🤝
@tejehad مع اني مش عارف ايه اللي مفهمتوش بالظبط بس عمومًا تمام يا صاحبي كل واحد ورؤيته للقصة
@iSoophySama لكن مينفعش مثلًا ييجي في الحلقة 345 ويقول إنها حلقة سيئة بسبب استخدام التنكر، لا يا عزيزي غوشو مقدملك التنكر وقايلك أنه ممكن من البداية وارسى قواعده.. عكس ناوكي اللي فجأة أظهر القدرة دي من العدم لما احتاجها بدون أي بناء مسبق لها
جاري تحميل الاقتراحات...