ياريت نركز ومعلش على التطويل :)) بخصوص خسيس المعادي المتحرش . وازاي تحمي ابنك او بنتك طب المفروص نعمل ايه ..انا هنا مش هقدم حلول لأمهات بيقعوا كتير فى نفس المشكلة وهي انفصالهم عن اولادهم . دورك مش بس تأكلي واشربي وتكسي وتذاكري. ليكي دور اهم وهو بنايه نشأ👇👇
فاهم وواعي ومتافعل مع احداث حياته بشكل سليم فياريت نركز معاهم كويس وجه سؤالك لطفلك الصغير وقوله إزاى تقدر تعرف إن اللى قدامك شخص سىء ؟ طبيعة الاجابات هتكون فطرية عند طفلك أو هى مجرد صور للى بيدور حواليه هتلاقيه مثلًا بيقولك " إن الشخص السىء عنده سنان كبيرة - او👇👇
عيونهم حمرا وابتسامتهم شريرة - إنه شخص بيشرب سجاير وبيشتم اوإنه ريحته وحشة وهكذا اللى عليك فى اللحظة دى انك تغذيه باالفكرة السليمة اللى هى إن أهل الشر مش لازم يكونوا بالاوصاف دى ’ ده ممكن يكون ريحتهم حلوة ووسيمين جدًا وبيلبسوا كويس اوى وبيعرفوا يهزروا ويضحكوا --👇👇
وكمان بيجيبوا حاجات حلوة زى الشوكولاتة ’ وبكده أنت بتخليه محتار والسؤال اللى هيطرحه عليك هو إنى أزاى افرق بقى ؟؟ .. وده اللى المفروض يعرفه منك عن طريق تعليمه شوية دروس زى درس الامان !! وإزاى يحافظ على نفسه من خلال رسمة بسيطة لأنسان توصفله خلالها أن فى منطقة فى جسمه اسمها 👇👇
" الاعضاء الخاصة " وبتختلف من البنت للولد فى أماكن معينة -- والمناطق دى بتتسمى خاصة عشان مينفعش حد يشوفها وتديلوا مثل بسيط إنه وهو نازل البحر بيعرى منطقة من جسمه لكن فى مناطق بنغطيها وهى دى المناطق الخاصة -- فلو فى يوم حد شاف اعضاءك الخاصة دى او حاول يوريك اعضائه فده 👇
اسمه " خطر الرؤية " ولو حد كلمك عن اعضائه الخاصة فده اسمه " خطر التحدث " ولو حد لمس اعضاءك الخاصة اوطلب منك تلمس اعضائه فده اسمه " خطر اللمس " يعنى محدش ينفع يتكلم او يلمس او يشوف اعضاءك الخاصة ’ واللى يشوف ده بس هو ماما أو بابا اثناء الاستحمام ولحد سن معين من بعده👇👇
لازم الطفل يتعود على ده بنفسه !! كمان لازم نفهم الاطفال إن ممنوع طول ما هما لوحدهم يأخدوا هدايا او يقبلوا شىء من حد غريب ’ وإن تواجدهم فى مكان لوحدهم مع حد غريب ده اسمه " خطر الوحدة " وإنهم لو حصل ده لازم بسرعة يروحوا مكان فيه ناس كتير ’ ومينفعش ابدًا إنهم يسمحوا 👇👇
لحد أن يحضنهم او يبوسهم وإن ده لو حصل بيتسمى " خطر الامساك " وإن فى حاجة اسمها حلقة الحب ودى عبارة عن قائمة بنديها للولاد بالناس اللى ممكن تعمل كده زى الخال او العم او الجد . الجدة او الدكتور مثلاّ ونبدأ نطرح عليهم أسئلة زى مثلًا هل مسموح أن حد غريب يلمس صدر فتاة ؟👇👇
هل مسموح أن رجل يخلع ملابسه أمام فتاة ؟ وهل مسموح إن امراة او بنت تقول لبنت إنها صدرك جميل ؟ وهل مقبول أن واحدة تاخد بنت وتلعب معاها فى مكان فاضى ؟ وهل مقبول أن تعرض امرأة لفتاة صور عارية لولد ؟ وهل مقبول أن رجل غريب يمسك ولد ويبوسه ؟ كل دى اسئلة لازم أعرضها على طفلى 👇👇
عشان اتأكد من وصوله وفهمه لكلامى أخيرًا أطفالكم أمانة فلازم تكونوا قد المسؤولية !! احتووهم كويس ووجهوهم ومتسيبهمش لغدر الزمن ولناس ظاهرهم أبرياء لكن بواطنهم مليانة سوء -- فهمومهم ووعوهم كويس !!..
@rattibha
@rattibha
جاري تحميل الاقتراحات...