يوم الإثنين ٨ مارس ، لا زلت مصاب بالرشح من ثلاث أيام . والجميع كان خائف من أن اكون - متكرون - بس ظهر الحق وزهق الباطل فالاعراض مجرد انفلونزا عادية . لكن صابت العدوى بنتي الصغيرة وصدرها لايحتمل والآن هي في المستشفى للعناية والحمدلله بخير ونعمه لكن المستشفيات هنا لا تتمناها لعدوك
لو تنومت في مستشفى لا يمكن ان تعرف كم راح تكون فاتورتك لأن حسابهم للفاتوره يكون حسب احتياج المريض ونوع الغرفه المحجوزه . ولأننا في زمن كورونا حجزنا غرفه خاصة سعرها اليومي ١٠٨ ريال . وكل علاج او ضماده او كمامه او قفازات او ابره سعرها سيكون حسب قيمة الغرفه يعني مريض في غرفه مشتركه
قيمة الغرفه ٧٠ ريال يكون سعر الابره مثلًا ١٧ ريال واذا كنت في غرفه سعرها ١٠٨ ريال فسعر نفس الابره راح يكون ٣٧ ريال . وقيس على ذلك . كل شي راح تدفع قيمته لو الممرض لابس كمامه راح تدفع قيمتها لو وصلت قطن راح تدفع قيمتها . سلملي عالسعودية الله يعزها ويعز حكومتنا وربي نعمه كبيره
البيت فاضي زوجتي وبنتي ماهم موجودين فقضيت وقتي كله لحالي وصارت فرصه وجلست مع - بياو - يعني رحيمي اخو زوجتي . اسمه آريس . هذا الطف انسان شفته محترم جدا وخجول وعنده مشكلتين في حياته . الأولى يعشق شي اسمه بيره 😂 يخربها وقت اجازته لدرجة الاغماء يشتغل في سيفن إليفن شفتات هذا الاسبوع
شفته يبدأ الساعه ١٠ م .وقبل يروح دوامه تصير فرص ندردش مع بعض فسألته عن مشكلته الثانية في الحياة وهي البنات . عمره ٢٦ سنة وللان ما صار عنده حبيبه . قلت: هاه يابو رحم عندك حب ولا لا . فقال: اه يابرو فيه وحده معاي في الدوام مره كويسه بس انا خربتها وصدمتها بالطريقه اللي قدمت نفسي لها
قلت ايش صار ؟ قال : انا وهيا شفتنا مع بعض يقول ادلعها وقت تنضيف المحل اخليها تجلس على الكاشير وانا انضف المحل واشيل الاغراض هيا بس على الكاشير بس المشكله ما اعطيتها اي تلميحات ويوم الفلانتاين جبتلها ورد وشوكلاته ودبدوب 😂 وعلى فكره هذي اقدم طريقة لتقديم نفسك للبنت بشكل محترم في
المجتمع الفلبيني . واكثر شي تقدره البنت للرجل . يقول : البنت انصدمت بشكل غريب ماكانت متوقعه اني مهتم فيها . يقول أخذت الورد والشوكلاته والدبدوب وراحت مع صاحباتها وتركتني 🥲 قلت : ايش سويت انت بعدها ؟ قال رحت الثلاجة حقت سيفن اليفن واخذت ٥ بطول بيره وسكرت للصباح ونمت في المحل 😀
انا انصرعت من الضحك وهو فتح الجوال وطلع صورة البنت يقولي شوفها . آريس طلع عنده ذوق في البنات بس خجله ما يخليه يعرف يتصرف . قال : بس ماراح اوقف راح احاول مره ومرتين لحد ما اكسب ثقتها واصير حبيبها . وهي والله خسرانه الولد مرره محترم اذا بيتزوج يوم من الأيام راح ارقص ديسكو فلبيني
بوداست رقصه مجنونه في الفلبين احتاج اتمرن قبل زواج آريس 😅 لأن تحتاج الرقصه لياقة عاليه . بدأت فعلا آكل عشان أعيش هذا اسم الدايت حقي كل عشان بس تعيش وتنحف من ربنا 🤣 انتظروني كل يوم مذكرات يومية من حياة كاموستا . ريتويت وفلو يامدير عشان نستمر ❤️😘 تصبحون على خير
جاري تحميل الاقتراحات...