متحمسة مره للحظة اللي ربي يجبر فيها قلوبنا لأن اختباراتنا اللي مرينا فيها كانت صعبة جداً جداً جداً و كان كل يوم يمر يأخذ من أعمارنا وقلوبنا قطعة من كثر ما اننا كنا شايلين هم ومتحملينه فلذلك احب اقول لكل مبتلى استمتع بكل لحظة جالسه تمر فيها رغم صعوبتها
استشعر أن كل بلاء تمر فيه بيقربك إلى الله ويخليك تدعي ترى الدعاء نعمة عظيمة جدا فلا تقول صارلي سنين ادعي وما تحقق شيء وش يدريك يمكن ربنا ادخرها عشان يفاجئك بالعرض العظيم مره وحده اللي روحك المنفية ترجع تنملا نور وسعادة
تذكر انه بيجي يوم تتذكر فيه هالدعوة وتسجد لله شكر انك حاليا عايش فيها وعايش جميع تفاصيلها الحلوه والمره والله حيجي اليوم اللي تصفى لك فيه الدنيا وترجع ترضى من جديد هيا كذا الحياة محطات وكثرة البلاء وشدته إشارة من ربي حبيبي إن فجرك قرب شروقه فـاستمتع بمحطتك اللي وصلت لهاايش ماكانت
لا تزعل لما تشوف الخلق اللي حولك كلهم وصلوا لمحطة الفرح وانت لسا تأكد زي ما ربي اسعدهم بيسعدك ومو سعادة بسيطة لا انت حتعيش ايام جمييييلة جدا ومن فرحتك حتى النوم ما حتنامه من كثر ما انك تبي تستمتع في عوض ربي 💗💗💗💗💗💗💗💗💗💗💗💗💗💗
ونسيت أضيف حاجة للي يحسوا أن الدعوة مو لهم وتركوا الدعاء بها ترى انتو في نعمه عظيمة أن ربي عرفكم بالشي اللي تتمنونه عشان ينطلق لسانكم بالدعاء بها مو عشان يخليكم تتحسروا عليها! ترى ربي احنننن مننا علينا بكثير مستحيل يخليك تدعي عشان يحرمك الله يحب الدعاء واللي وصل لمرحلة اليأس
حابه اقولك طبيعي جدا نيأس وتمر على أرواحنا ايام ما نقدر فيها حتى على نطق الدعاء ونكتفي بقول يارب انت اعلم ومو بس حنا اللي نيأس حتى الرسل جاتهم فتره يئسوا فيها {حَتَّىٰ إِذَا اسْتَيْأَسَ الرُّسُلُ وَظَنُّوا أَنَّهُمْ قَدْ كُذِبُوا جَاءَهُمْ نَصْرُنَا فَنُجِّيَ مَن نَّشَاءُ ۖ "}
غالبا يأسنا واللحظة اللي يحاول فيها الشيطان إنه يوهمنا أن الدعوة مهي لنا هي اللحظة اللي حيستجيب لنا فيها ربي وننول فيها مرادنا وحطوا فبالك انتو قطعتوا شوط طويييل فالدعاء تتركونه يوم قربتوا توصلوا خلاص؟ قوموا الحين افرشوا سجادتكن وادعوا وابكوا لله من عظيم الشعور اللي تحسوا به
ايوا ابكوا ترى البكى لله راحة حتلاحظوا كل الصور و الكلام اللي يقابلكم رساله من ربي لكم وكأنه يطبطب على قلوبكم فيها ترى انتو مو وحدكم ولو كل الناس تخلوا عنكم ترى الله معانا واللي معاه الله عمره ما يضيع{ أَلَا إِنَّ أَوْلِيَاءَ اللَّهِ لَا خَوْفٌ عَلَيْهِمْ وَلَا هُمْ يَحْزَنُونَ}
انا متأكدة أن فيه كثير من اللي بيقروا كلامي وصلوا لمرحلة ان القلب يبكي والعين جف دمعها ترى هاللحظة هي اللحظة اللي المفروض تعرفوا أن وقت الدعاء والفضفضه لله جاء فلا تروحوا للنوم بل قوموا صلوا الوتر وادعوا ترى المعجزات تتحقق بالدعاء تذكروا الايام اللي مرتكم قبل ربي يعطيكم دعوة من
دعوة من دعواتكم اكيد كل شخص فينا كان عنده حلم ولما تقرب لله ربي أكرمه به لا تخلي يأسك يضيق عينك ويعميها عن افضال ربنا عليك ترى دعوتك لك لك ماهي لغيرك ابد بس ربي اشتاق لصوتك فيبيك تدعيه عشان يحبك اكثر ويرفع لدرجة المضطر ويستجيب لك ويجيبها لك من الجانب اللي ما كنت تدري عنه ويفاجئك
وفالاخير أكثروا من هالدعاء " اللهم اني اسألك جبرا يتعجب منه أهل الأرض والسماء يليق بعظمتك وقدرتك ورحمتك وقوتك جبرا تنذهل له الأعين وتذكرك عليه الألسن وتنشرح به الصدور لم تؤته أحدا من قبلي انت وليه وأهله بكل خير ويسر وعافية يارب" 💗💗💗💗💗💗💗💗💗💗💗💗💗💗💗💗
انا متاكدة إن كلامي هالوقت رسالة لشخص يحتاجها لا تخلوا كلامي يمر عليكم مرار الكرام ترى ربي اللي خلاني اكتب هالكلام لأجل شخص يحبه ضايقة عليه الأرض حاليا وشوفوا كمان هالرساله اللي جاتني عمر الواحد ما حيشقى طول ما هو متصل بالله ثم الدعاء 💗💗💗💗💗💗💗💗💗💗
رتبها @rattibha
جاري تحميل الاقتراحات...