-(#ثريد):
-حصل سمعتو بقصة الجبل الفي غرب السودان :
-جبل انتهت عندو احلام كثيرين منهم الكان بيحلم بتغيير حياتو منهم المشى محاولا تغيير الواقع ولكن؟
⭕ بيبدا السرد الساعه 11:30pm ⭕
.
.
⭕ رتويت ياعزيزي وقول للناس القصص الحلوة رجعت🔥⭕
-حصل سمعتو بقصة الجبل الفي غرب السودان :
-جبل انتهت عندو احلام كثيرين منهم الكان بيحلم بتغيير حياتو منهم المشى محاولا تغيير الواقع ولكن؟
⭕ بيبدا السرد الساعه 11:30pm ⭕
.
.
⭕ رتويت ياعزيزي وقول للناس القصص الحلوة رجعت🔥⭕
-تم تغير بعض ملامح القصة نسبة لرغبة الراوي. (الصور لا تدل على نفس المكان المحكي ف القصة وانما فقط للتقريب)
-نحن عايشين في منطقة في غرب السودان ومشهورة الحته ديك بالجبال وقصصها لكن من الجبال دي كلها فيها واحد فريد من نوعو؟ مع انو الباقيات خطيرات ومافي راجل بيقرب منهم. فيهم واحد أخطر منهم كلهم!
-الجبل دا ما مشهور زي باقي الجبال ومنسى حتى اعلاميا ما بيتسمع اسمو كتير زي جبل مرة وباقي الجبال في غرب السودان (قد يكون بسبب قصصو البتدور عنو).
-انا (بدر الدين) من ابناء ولاية دارفور كنا ساكنين ف قرية قريبة من المنطقة الحصلت فيها القصة.
-حصلت القصة دي قبل ١٠ سنوات بالضبط كنا في منتصف العشرينيات.
-حصلت القصة دي قبل ١٠ سنوات بالضبط كنا في منتصف العشرينيات.
-وطبعا زي ما انتو عارفين دائما الواحد في فترة الشباب بكون عايز يستكشف ويعرف اكثر فبيحاول يكسر المعتاد علشان يوصل للحقائق العايزها.
-كنا انا واصحابي بنعاني من (ازمة منتصف العمر) اللي هي كيف اوصل لدرجة الاكتفاء المادي الذاتي يعني لمتين اهلنا حيصرفو علينا لمتين حابدا اصرف على اهلي بدل ما هم يصرفو علي حالنا الحمد لله ماكان سيئ لكن الواحد بيفتش عن الزيادة زي ما بقولو.
-من زمان بنسمع بقصص (الكهف) الفي الجبل وكان في مجنون ف قريتنا القصة البتدور حول سبب جنونو انو حاول يمشي يدخل الكهف ورجع بالحالة دي لانو متذكرين انو في فترة من الفترات كان انسان واعي زينا وفجأة (جنى).
-حسب الاسطورة:
-انو في فترة السودان النوبي القديم استخدم الكهف دا كمعبد وانتهى الموضوع بي انو بقى قبر من قبور ملوك النوبة زمان فدفنو معاهو كل ذهبو ومقتنياتو الثمينة معاهو في غرفة نهاية الكهف دا.
-انو في فترة السودان النوبي القديم استخدم الكهف دا كمعبد وانتهى الموضوع بي انو بقى قبر من قبور ملوك النوبة زمان فدفنو معاهو كل ذهبو ومقتنياتو الثمينة معاهو في غرفة نهاية الكهف دا.
-ومع مرور الاف السنين والزمن اتهدم المعبد وبقى الجبل عبارة عن خرابة ف مدخل المعبد اتحول ل كهف صغير بالكاد يقدر يدخل شخص واحد وانو الكهف من جوة انسكن بالجن! بيحرسو الذهب دا وحتى الان مافي شخص قدر يدخل الكهف ويطلع بكامل قواهو العقلية او انو يطلع اصلا!
-ايوة في حاجات غريبة ف العالم
-ايوة في حاجات غريبة ف العالم
-كنا دايما بنحب نتجمع بليل انا واصحابي في مكان بعيد شوية من القرية حقتنا بنولع نار ونتلما حوالينها ونتونس مع بعض وأي واحد يحكي يومو والحصل فيهو شنو.
-في اليوم داك طلعنا قرار و كان خاطئ جدا. لو الزمن رجع بي ما كنت حاسمح بحاجة زي دي تتنفذ او تحصل ابدا.
-في اليوم داك طلعنا قرار و كان خاطئ جدا. لو الزمن رجع بي ما كنت حاسمح بحاجة زي دي تتنفذ او تحصل ابدا.
-واحد من الشباب اقترح انو (نحن بس بنسمع عن قصة الجبل دا وبعدين نحن اصلا بي الخلا دا لاقتنا كمية كبيرة من انواع الجن حيكون في شنو هناك مثلا يخوفنا؟) ونحن كلنا كنا من النوع المحافظين يعني بنصلي كل صلواتنا في وقتها وكدا فبدينا نفكر ف الموضوع!
-بقى الموضوع بيدور في اذهاننا يوميا والفكرة كل يوم ماشة ترسخ اقوا واقوا لحدي ما حسمنا الموضوع في يوم وقررنا نمشي الجبل!!
-كلمنا اهلنا كلنا انو ماشين رحلة صيد لمدة ثلاثة أيام وجايين وكنا دابما بنطلع رحلات فما حاجة جديدة عليهم.
-كنا خمسة اشخاص جهزنا حاجاتنا وطلعنا بي عربية اتجهنا على الجبل وكان مسافة ساعتين من القرية.
-كنا خمسة اشخاص جهزنا حاجاتنا وطلعنا بي عربية اتجهنا على الجبل وكان مسافة ساعتين من القرية.
-وصلنا المكان على الظهرية كدة جهزنا خيمتنا عملنا حاجة اكلناها. كنا بناكل والجبال قدام عيونا!
-كلنا عشنا الدور بقينا بنتونس عن انو انا بحقي حاشتري ياتو نوع من العربات وحابني عمارة وين. (احلم فالاحلام ليست بنقود).
-كلنا عشنا الدور بقينا بنتونس عن انو انا بحقي حاشتري ياتو نوع من العربات وحابني عمارة وين. (احلم فالاحلام ليست بنقود).
-جهزنا حالنا وكانت الدنيا عصر قصر نمشي نستكشف الوضع ونجي الصباح بدري ندخل وفعلا مشينا المنظر كان أكثر من عادي بس الحاجة الغريبة كان قدام باب المدخل كمية كبيرة من (الغربان) ؟ مع انو نادر جدا ججا نوع الطيور دا يتواجد ف المنطقة دي ف عرفنا انو ديل ماغريان عادية وفعلا اول ماقربنا..
كل الغربان دي عاينت لينا في وقت واحد! وقفنا في مكاننا وبقينا بس بنعاين ونتلفت يمين وشمال مالقينا اي شي تاني بيجذب الانتباه فرجعنا. كلنا بنسال في بعض عن (هل شفتو الغربان دي ولا انا براي شفتها بتعاين لينا في وقت واحد؟)
-جا صباح تاني يوم ودا الوقت المحدد انو ندخل الكهف مشينا على الكهف وكنا جاهزين شايلين معانا كل المعدات المطلوبة حتى كمان شايلين معانا كشافات وسلاح للضمان.
جينا جمب الباب ولقينا الغربان كلها موجود لسة اول ما قرينا منها بدت تطلع صوتها كانو بيحذرو فينا ما ندخل وكنا كب ما نقرب بيهيجو زيادة وصوتهم ماشي اعلى و اعلى لحدي ما قربنا منهم بمسافة كلهم طارو ف اتجاهنا كان (سِرب) كبير جدا منهم واحد من اصحابنا صرخ لينا غطو عيونكم!
-فعلا سمعنا كلامو وقفلنا عيونا بي يدينا والسرب دا كلو دخل فينا انيابهم كانت حادة شديد! بعد ما صوت السرب دا اختفى ملابسنا اتشرطت بطريقة غريبة ويدينا اتجرحت بس ما جروح عميقة.
-واحد من اصحابنا بدا يخاف وكان بيقول انو عايز يرجع ينتظرنا جمب الخيمة كلمناهو انو نحن محتاجين اكبر كمية ممكنة من الناس فما ترجع. هديناهو شوية واقتنع مشى معانا......
⚠️--هنا جات اللحظة! - - ⚠️
-بقينا نحن الخمسة واقفين قدام مدخل الكهف المدخل كان بدايتو فيها نور بس ما معروف نهايتو لحدي وين؟ كان عميق شديد ومظلم بطريقة غريبة سامعين من جوة صوت صرير الحشرات وصوت حركات زي كنو في حيوانات بتمشي جوة وبتضغط على التراب.
-بقينا نحن الخمسة واقفين قدام مدخل الكهف المدخل كان بدايتو فيها نور بس ما معروف نهايتو لحدي وين؟ كان عميق شديد ومظلم بطريقة غريبة سامعين من جوة صوت صرير الحشرات وصوت حركات زي كنو في حيوانات بتمشي جوة وبتضغط على التراب.
-قرينا كم ايه من القرآن واتحصنا وجبنا معانا موية اتوضينا حتى دخلنا واحد ورا التاني وشغلنا الكشافات!
-بقينا ماشين والمدخل الضيق ماشي اوسع واوسع لاقانا في الممر كمية كبيرة من الحشرات السامه زي ام ٤٤ وافاعي كتيرة اشكال والوان لكن كنا مصرين انو نعرف النهاية وين.
-بقينا ماشين والمدخل الضيق ماشي اوسع واوسع لاقانا في الممر كمية كبيرة من الحشرات السامه زي ام ٤٤ وافاعي كتيرة اشكال والوان لكن كنا مصرين انو نعرف النهاية وين.
فجأة! الممر فتح في منطقة واسعه شديد. واسعه جدا جدا تضاريس الجبل من جوة كانت غريبة كانت كلها زي السنن النازلة لتحت والخفافيش كتيرة جدا معلقة بالمقلوب والريحة كريهه جدا ممكن تخنقك كان في رطوبة غريبةة ف الجو بتديك شعور غريب شديد بيجيب ليك قشعرير!
-ونحن ماشين وبننور بالكشافات حقتنا يمين وشمال واحد من اصحابنا عفص حاجة كان قايلا حجر فسمعنا صوت حاجة اتكسرت حرفيا عملت (طق)! لمن نورنا ف الارض اتخلعنا كلنا؟
-كانت جمجمه حقت انسان!!! مرمية ف الارض بس مافي باقي العظام حقتو؟ واحد من اصحابنا (لا مؤاخذة يعني) ما استحمل المنظر واستفرغ في لحظتها. (اصلا الريحة كانت مساعدة جدا).
-بدينا كلنا نتناقش بصوت عالي والصدا حق صوتنا كان بيتردد في كل مكان البيقولو نكمل والبيقولو نطلع انا واحد من الناس كنت من البيقولو ارح نكمل ما نحن اصلا دخلنا ما نرجع خايبين دا بكون ضيع طريق المرقة وفي نص حوارنا حصلت اغرب حاجة ف الكون بالنسبة لينا!! خلتنا كلنا نسكت!
-فجأة في عز الجوطة حقتنا الكنا عاملنا سمعنا اصوات صرخات كتيرة واصوات ضحك اصوات ناس بتأن كنها بتتعذب مجموعه مجموعه من الاصوات!! جاية في اتجاهنا بقينا اي واحد بيجري في اتجاه جرينا على المكان الجينا منو بس هنا كانت الصدمة!!!
لقينا المكان مافي؟؟ كانو الجبل دا ماكان مفتوح ف المكان دا؟ عبارة عن صخرة واحدة كبيرة جدا مافيها ولا حتى نص شق؟؟ كلنا فقدنا اعصابنا البقى قافل اضانو من صوت الصدى البقى بيبكي ف الارض في البقى بيدق راسو بالحجر فقدنا المنطق لانو كنا معلمين الشارع ب ستاند بتاع حديد فوق ليهو شمعه!
-طيب الاستاند قاعد! والشمعه منورة! ونفس معالم الطريق والتضاريس! لكن المخرج مافي كيف؟؟
-بعد شوية اختفت الصرخات وطلع صوت اكعب منها! بقينا بنسمع صوت زئير أسد! على اسا هي ناقصة يعني؟ بقينا محبوسين مع جن وحيوان مفترس كمان. لكن كلنا كنا عارفين انو الجن ممكن يعمل الحاجات دي كلها علشان يخوفك فكنا متصبرين شوية. اي نعم كنا خايفين بس ما للدرجة البتخليك مشلول ماقادر تفكر.
-واحد من اصحابنا قال (هي اصلا خربانة خربانة) ارح نكمل بقينا بنقرا اية الكرسي وماشين ف اتجاه الصوت لحدي ما رجعنا المكان الكنا فيهو اول جمب الجمجمة! الصوت كان بيجي من جميع الاتجاهات حتى من ورانا؟ بعد شوية الصدا بقى بينادي باسامينا واصوات اهلنا؟
-والله اتذكر حتى الان انو مرة الصدى ناداني بصوت امي (بدر الدين يا بدر الدين الجابك شنو؟ الليلة حتموت هنا دا!! ) الجمله دي كانت كفيلة انو تنشر الرعب في اطراف جسمي كلها بقيت ماقادر اتحرك.
-حصلت اغرب لحظات حياتنا ونحن جوة الكهف دا واحد من اصحابنا صرخ ووقع ف الارض مسك رجلو لمن شفنا لقينا انو (اتلدغ من عقرب؟) ولمن ركزنا لقينا انو في كمية كبيرة شديد منها محاصرانا؟؟ما كنا عارفين نعمل شنو بقينا واقفين وبنقرا اعوذ بكلمات الله التمام من شر ما خلق وبنرددها
-فجاة كشافاتنا ال٥ طفو؟؟؟ بقت الدنيا عبارة عن ظلام دامس!!
-سامعين اصوات رجول ناس كتيرة شديد جارية في اتجاهنا وفجاة حسيت انو زي في انسان ضخم ضماني بيدينو فجاة سمعت واحد من اصحابنا بيصرخ بدر الدييييين وبعديها سمعت صوت تهشيم بتاع عظام؟؟؟؟؟؟ بقيت بصرخ باسمو لكن ما كان بيرد؟؟
-سامعين اصوات رجول ناس كتيرة شديد جارية في اتجاهنا وفجاة حسيت انو زي في انسان ضخم ضماني بيدينو فجاة سمعت واحد من اصحابنا بيصرخ بدر الدييييين وبعديها سمعت صوت تهشيم بتاع عظام؟؟؟؟؟؟ بقيت بصرخ باسمو لكن ما كان بيرد؟؟
-فجأة حسيت بضربة قوية شديد من ورا راسي فقدت بعديها الوعي.
-حسيت بس بحرارة شديدة لمن فتحت عيوني لقيت انو انا برا والحرارة دي اشعه شمس؟
-فجاة قمت بسرعه بقيت بفتش في بافي اصحابي لقيت واحد جمبي والتاني بعيييد ماشي وبيعرج بقيت بكفت في الراقد جمبي ابا يصحى؟ لقيت خشمو اتملى زبد؟ اتذكرت انو قبيل اتقرص من عقرب! بقيت بحاول اسعفو لكن للاسف اتخرت.
-فجاة قمت بسرعه بقيت بفتش في بافي اصحابي لقيت واحد جمبي والتاني بعيييد ماشي وبيعرج بقيت بكفت في الراقد جمبي ابا يصحى؟ لقيت خشمو اتملى زبد؟ اتذكرت انو قبيل اتقرص من عقرب! بقيت بحاول اسعفو لكن للاسف اتخرت.
رفعتو وبقيت راجع على العربية وبنادي في صاحبنا التاني كان كانو ما سامعني مع انو رجلو شكلها متضررة لانو ما بيقدر يرفعا؟
-وصلت العربية وختيت صاحبي ومشيت على التاني اتصدمت انو ما بيودي معلومة ولا بيجيب معلومة بتكلم معاهو وكل الكان بيقولو بلسان تقيل (أسد - عقرب-النور)؟ ؟
-وصلت العربية وختيت صاحبي ومشيت على التاني اتصدمت انو ما بيودي معلومة ولا بيجيب معلومة بتكلم معاهو وكل الكان بيقولو بلسان تقيل (أسد - عقرب-النور)؟ ؟
العربية حالتا كانت غريبة مغبرة شديد كانو حصلت عاصفة رملية ف الفترة النحن كنا برا فيها وابت تدور بقيت بلز فيها وبحاول حتى دورت. رجعت قجام مدخل الكهف تاني وبقيت اصرخ انادي على الاتنين الباقين بس مافي اي رد بنادي وبنادي وانا ببكي.
سمعت صوت صدى مبحوح جاي من جوة الكهف قالي (ارجع مكان جيت منو) بقيت بكورك معاي منو؟ فحأة الصوت بقى تخين شديد وغليط وبأسلوب بتاع نهرة (ارجع) !!! انا قلبي وقف من الخوفة وفعلا رجعت وانا ماقادر اعاين قدامي من الدموع بمشي واقع واقوم لحجي ماوصلت العربية قلت اجري سريع اجيب ناس واجي.
رجعت القرية في غضون ساعه ونص ولانو كنت حاري بالعربية بسرعه شديدة اول ما وصلت ناس القرية انصدمو من منظرنا ناس القرية جو جارين علينا وقالو لي كنتو وين انتو ليكم ٣ شهور مفقودين؟؟؟؟؟
بقيت ماقادر استوعب كيف ٣ شهور يعني؟ راسي اتشطب ما قجرت افهم اي شي!
كلمو الكبار ف القرية ركبو العربات ومشو على الجبل مالقو اي اثر للاتنين الباقين. صاحبي الكان جمبي مات مسمم. والتاني بقى ما على وعيو وما بيقول حاجة غير الاسد-العقرب-النور...
-من اليوم داك حتى انا ماقادر اعيش حياتي طبيعية حاسي بتأنيب ضمير حاسي خذلان حاسي بمشاعر كتيرة كل ما اتذكرها
-من اليوم داك حتى انا ماقادر اعيش حياتي طبيعية حاسي بتأنيب ضمير حاسي خذلان حاسي بمشاعر كتيرة كل ما اتذكرها
بقعد ابكي زي الطفل واترحم على روح اصحابي وبقول ياريت لو كنت معاهم.. ولا ياريت ماكان جبنا الفكرة (الغبية) دي.
انتهت القصة وللاسف نهايتها كانت مأساوية وحزينة نسأل الله لهم الرحمة والمغفرة ولكل المسلمين. يارب🤲🏻
ولحدي هنا انتهى الثريد بعتذر عن الاطالة وياريت نكون اتعلمنا انو بعض الامور قد يصعب تصديقها. واتذكرو
⭕ (كل شيء غير اعتيادي قد تعتاد عليه ف النهاية) ⭕
⭕ لو ماعملت رتويت فضلا يا عزيزي ارجع فوق وسوي علشان يوصل لكل الناس⭕
.
.
كونو بأمان🙏🏻
.
بحبكم❤️
⭕ (كل شيء غير اعتيادي قد تعتاد عليه ف النهاية) ⭕
⭕ لو ماعملت رتويت فضلا يا عزيزي ارجع فوق وسوي علشان يوصل لكل الناس⭕
.
.
كونو بأمان🙏🏻
.
بحبكم❤️
جاري تحميل الاقتراحات...