يوم الأحد ٧ مارس . بدأت اتعود انام الساعه ١١ م و أصحى الفجر على شقت النور . مع العصافير . لا تزعلون من شيبانكم اذا قاموا من بدري ، ترى نوم الليل مريح تقوم شبعان نوم ومخك فااااضي اي شي ممكن تحط خشمك فيه . ماعلينا ، اليوم راح اعطيكم قصة فرانسيس ولد العم روكي . تابع
اذا كنت من متابعين كاموستا راح تتذكر قصتي مع رقية الكلب بيرلس وكيف تعافى الكلب وصرت انا طبيب شعبي بالغلط في القرية 😂 و يوم من الايام تعب فرانسيس صابته وشره ، يعني فلسع ، و جاني ابوه يبغاني اقرأ عليه عشان يطيب . المهم انه صرفت الموضوع لأنه مريض مسيحي وقرآن وكاموستا مررره غلط 😂
بعد مارجعت للقرية قبل اسبوع فرانسيس يتكلم كثير اذا شافني برى البيت يجي ويقول hay whatsapp man 😂 ويجي عندي يتكلم ثلاث لغات في وقت واحد . لغة بامبانقا ولغة تقالو وانجليزي . في كل المواضيع يتكلم مره سألني قالي في السعودية تشوف وجه البنات ؟ هيا كيف تفهم فرانسيس موضوع معقد جدا زي كذا
قلت له عادي الآن تقدر تشوف وجه البنت عادي ، قال لي : كيف حلوين ؟ 😂 قلت : فرانسيس كل الحريم حلوين . سكت شويه وقال : ماقاندانق دوون سا ديزرت 😂 يعني الصحراء عندكم حلوه . قلت : مررره حرر وفي الليل مررره برد . قال : سراب ملاميق ، يعني حلو البرد . طبعًا فرانسيس اشتغل مخه بس ما يفصل
آخر محادثة بيننا اليوم جالس اتقهوى وامخمخ وفرانسيس قدامي ساكت جاتني فكره انه اخليه يستفيد من حياته واعطيه جرعة تحفيز . فكلمته عن التعليم الذاتي وكيف انه تستفيد من اليوتيوب وانه لازم يمارس اللغة الانجليزية معاي دام انا موجود . صدمني فرانسيس صدمني طلعت رصيف قال جملة بلغة مافهمتها
سألته بالتقالو ايش تقول ؟ قال فيه اشياء سيئة في اليوتيوب !قلت كيف ؟ زي ايش ؟قال : شفت فيديو كيف تصنع قنبله وفيديو يعلمونك الخلاعة انا فكيت ضحك مع غصة حزن . قال فرانسيس آخر شي انا بقدم على شغل حارس أمن بعدها احتاج حرمه 😂 هنا انا استسلمت عرفت ان فرانسيس راح يبقى فرانسيس ما حيتغير
فرانسيس شاب لطيف سبب مشكلته ابوه هم عائلة من بنتين وولدين والأب مهتم كثير بالبنات وجاحد عياله طلع فرانسيس من المدرسة عشان يوفر المصروف اللي يحتاجه فرانسيس ويعطي مصروفه للبنات يكملوا دراستهم . فرانسيس كان مشروع انسان و الفقر دمر هذا المشروع
جاري تحميل الاقتراحات...