سلسلة تغريدات " ثريد " عن قصص أطفال باللغة الانجليزية رائعة كمحتوى و أفكار و صور .. أكثر من ٣٠ خيار ❤️ !
لا أحد ينكر أهمية اللغة العربية بكل تأكيد ، لكن جميل الاطلاع على كتب بلغات أخرى إذا كان هناك محتوى يستحق . قمنا بشراء هذه الكتب على مدار سنوات وليست وليدة يوم وليلة✨❤️
بدأت بالقراءة لأطفالي باللغتين من أول ايامهم ، ولاحظت عليهم حبهم الشديد للكتب و الاستمتاع فيها و المحافظة عليها ❤️.. لو خيرت أن استمر على شيء واحد لاخترت قراءة القصص دون تردد ..
وقبل بدأ السلسة هذا رد سابق لي على انستقرام بشأن اختيار القصص ❤️.. و اغلب كتبنا الانجليزية اسردها لأطفالي سرد ثابت بالعربي لدرجة بعض الأحيان نقول القصة دون الحاجة للكتاب ✨أو نسمعها بالسيارة لتوفر كثير نسخ مسموعة 💘
قصة المشاعر ، اقتنيت كتب كثيرة لتوضيح مفهوم المشاعر للأطفال بس هذه مميزة ومختصرة ، طريقة وصفها و تقسيمها تلهمك حتى أنت الكبير .. الطفل ينمو عنده الذكاء العاطفي لما يتعرف على مشاعره ويقدر مع الوقت يوجهها بطريقة صحيّة amzn.to " رابط القصة "
كم مرة حسينا بالحزن ولا العصبية ولا الخوف ، وحسينا هالمشاعر غلط .. نبقى أحنا انسان بالنهاية و نمر بمشاعر كثيرة ومختلفة ، احساسنا فيها مو غلط ، معرفتنا فيها راح تخلينا نقدر نعطي كل شعور وحدوده .. amzn.to ..
ألف مثل أسد و باء مثل بطة ، بس هذا الكتاب حب يعرضها بطريقة مختلفة ، يربط الحروف الأبجدية بمفاهيم انسانية زي اللطف و المساعدة و تقبل اختلاف الآخرين .. الكتاب شوية عليه كلمة رائع ، اهدتنا ياه معلمة علي بالروضة و صرت ارشحه لكل أحد amzn.to < رابط الكتاب
صاروا ياخذون كل أسبوع كلمة و يسون عليها انشطة و يمارسونها الأطفال بفصله مع بعض ، هذه الانشطة تنرسل لنا بالبيت عشان نكمل دور المدرسة .. لاحظت اثر طيب على علي حتى في طريقة معاملته مع أخوه ، يقوله مثلا تصرفك هذا مب لطيف 😂❤️ .. amzn.to
" كن أنت " مقدام ، صبور ، لا تخجل من طلب المساعدة حين الحاجة ، مغامر ، محب .. مصطلحات كثيرة انوصفت بشكل رائع للأطفال ، دايم نتناقش عليها ، متى تحس أنك شجاع ؟ متى حسيت أنك مغامر ، رابط القصة : amzn.to
هذه القصة مدري من وين ابدأ ، لما جيت اصور الغلاف عبدالعزيز ما قاوم وسحبها ، قصة خيالية تتكلم عن الغيمة والشمس انهم اصدقاء وفي كل مرة يضمون بعض يصير القوس قزح ، وتزاعلوا بيوم واختفت الألوان من العالم ! amzn.to
هذه القص بالذات لو انشقت بشتري وحدة ثانية .. علي بعدها صار يركز على الغيوم و شلون يصير المطر و دخلنا بموضوع علمي تكون الرينبو وكنا نسوي تجارب على القزاز والماي وعزوزي حافظها تقريبا ويكمل معاي ، لما اقراها اقول شلون فكر فيها الكاتب ملهم ! amzn.to
قبل اكمال السلسلة إذا بعض الروابط ما اشتغلت تقدرون تلاقونهم مجمعين على صفحتي بأمازون✨💘 amazon.com
مستمتعين أكمل ؟ ❤️
اتوقع آثار الاصق ومحاولة انعاش القصة معبرة عن مدى الادمان 😂، هذه القصة مكتوبة بأسلوب سجع يخليها تنحفظ ، تتكلم عن شاحنات موقع العمل ، وكل واحد ووظيفته وشلون يروحون ينامون ❤️ amzn.to
فيها انفعالات لطيفة زي " اششش " و لما اقراها ابدي اوطي صوتي وكل ما قربنا على النهاية طفينا لمبة زيادة .. ونسوي معاهم حركات زي لما نشيل اشيا ثقيلة ولا نطلع دخان😂💘، تساعدني أنه عيالي يفرغون طاقتهم الذهنية قبل النوم✨ amzn.to .. حلوة حتى للي يطورون لغتهم
انه الطفل يشوف الاشيا و يتفاعل معاها طبعا أفضل من الصور ، بس هذه وظيفة الكتب أنها تنقلك تفاصيل العالم وتقدر تشوفها في بيتك لو ما قدرت تروح لها ✨.. سلسلة رائعة عن دورة حياة المخلوقات تصلح لكل الأعمار لوضوح الصور وبساطة المعلومات amzn.to
وباب جميل للتحدث عن عظمة الخالق و التأمل في مخلوقات الله سبحانه وتعالى .. وربط المواضيع بالآيات .. السلسلة تنباع كمجموعة ولطيفة جدًا وحتى رائعة لمعلمات العلوم كوسيلة amzn.to
القصة تتكلم عن البنت الي بتروح المدرسة و خافت !، بالرغم من أنه فيه مشاعر حماس بس في كل مرة تستحي ولا تتذكر التجربة يجيلها ألم في بطنها ، الاسلوب بتوصيل مشاعر اللحظات الانتقالية وكيف طبيعي نخاف بس لما نجرب يبدي الخوف يروح 🥺✨ amzn.to
علي كان متعلق فيني وما يبي يروح المدرسة ، قرينا هالقصة لسنة كاملة قبل لا يخوض التجربة ✨، وقلت له أول يوم تذكر الفراشات هذه ، الحين علي ما يبي البيت😂❤️ amzn.to .. < رابط القصة
صارت العاصفة بالليل وخافت الحيوانات من صوت البرق و الرعد ، وراحوا يركضون يبون يدخلون مع الشاحنة في مكان آمن ، بعدين كل أحد بدا يهدي الثاني 💘، amzn.to
القصة تقدرون تطلعون منها أهداف كثيرة ، اصوات الحيوانات ، انه الواحد يحتاج احبابه في بعض المواقف الصعبة ، وكل حيوان وين بيته ومكانه 💘
القصة مستوحاه من قصة حقيقية عن البنت الي تبي تصير رائدة فضاء و ضحكوا عليها وبتشجيع من أمها حققت حلمها❤️ amzn.to
ايرك من كتاب قصص الأطفال المشهورين ، بايع أكثر من ٥٠ مليون نسخة ، رسام و مؤلف ✨💘 عنده كتب كثيرة بحط مفضلاتنا منها .. كل قصصه بسيطة لكن معانيها جدًا رائعة ..
القصة الأولى من الرأس إلى أصابع القدم ، قصة حركية ، نقلد حركاتهم والمطلوب منها ، وكل صفحة بعنوان تقدر تسوي كذا ؟ ، تخلي الطفل يتأمل بجسمه وقدراته و أنه ممكن يسوي اشيا ما تخطر على باله ، وطبعا تضحك😂❤️.. amzn.to ، حلوه حتى لجمعات الاطفال مين يضبط الحركة أكثر ؟
الرسام الي رسم حصان لونه أزرق ، لأنه الفن ماله قوانين✨ ، ولما نتخيل نقدر نتخيل كل شي بكل الألوان ، رائعة لتنمية الخيال ، .. amzn.to
قصة الغيمة بسيطة جدًا و أيضا للخيال أنه الغيوم تتشكل ✨| قصة الدودة الجائعة الي تحولت لفراشة ، تشرح دورة حياة الفراشة بطريقة جميلة ، و كتبه تنباع أيضا كمجموعات بسعر أقل amzn.to
نحن هنا ، تشرح للطفل وجوده على الكرة الأرضية ، وايش المخلوقات الي تعيش معنا ، وحجم الأرض لباقي الكواكب ، كل صفحة عن قصة ! ، الكتاب رائع جدًا وعميق ❤️ amzn.to
كل فترة علي يطلب قصص لهالقط اصداراتهم كثيرة ، عبيط و يضحك ، القصص تعتبر فكاهيه و نهاياتها سعيدة وكل مرة يتورط بشي يلاقي حل ، مافيها سلوكيات خطأ البتة و انصح فيها❤️ amzn.to
وصلني هدية وكل مرة افتحه اسال نفسي لما شفته ليه ما شريته ، كل ما حسيت نفذت افكاري بالمواضيع الي نسولف فيها فتحته، مواضيعه حلوه وكثيرة ويستاهل كل ريال❤️ amzn.to ..
الشاحنة الصغيرة جات بتشتغل مع الشاحنات الكبيرة ، بس قالوا لها أنتِ صغيرة وش تقدرين تسوين ، لما تورطوا و احتاجوا مساعدتها ، رسالة لطيفة لنا أحنا الأهالي انه ما نستصغر من قدرات الي اصغر منا و بالعكس حلو التعاون على جميع الأعمار 💘 amzn.to ،
القص رائعة وتحث على العمل الجماعي و التعاون و الاجتهاد بالعمل ، وكيف النتيجة النهائية يصير الواحد فخور ومبسوط منها ، قيمة مهمة جدًا ❤️.. amzn.to
بس أنا ما أعرف ارسم إلا نقطة ! ، ولما شجعته معلمته سوا من هالنقطة معرض كامل بأشكال كثيرة ، الابداع ماله حدود ، القصة تشجع الطفل ما يخجل من قدراته و أنه يجرب بطريقة ثانيه حتى لو يعتبره خطأ أو بسيط ✨❤️ amzn.to ..
نختم السلسة بهذه المجموعة اللطيفة ، تمرر قيم جميلة ومهمة ، زي ثمرة الانتظار والصبر ، ولا كيف نطلب بطريقة مؤدبة .. amzn.to
أو كيف لما أحد يهدينا شي واحيان ما يناسبنا أو مو ذوقنا ، نتقبل الهدية لقيمتها المعنوية مش لماديتها 💘.. القصص قصيرة بس ترسخ بالمخ بشكل جميل .. ينبعاون بشكل منفصل وأحيان كمجموعة amzn.to
أتمنى أنه السلسة كانت لطيفة وهادفة و استفدتوا منها ، إذا اعجبتك مررها لغيرك تكرما لا أمرا .. و فيه خيارات عندنا أكثر و نحبها جدًا موجودة على هالرابط و ممكن ارجع اتكلم عنها بالتفصيل amazon.com .. تمت ❤️
جاري تحميل الاقتراحات...