نصيحتى لدفعه 19 نصيحه ملقتش اللى يقولهالى . فكك من الاسطمبات ف حوار التخصص يعنى مش معنى انك خدت غرزتين انك هتبقى جراح فاجر ومش معنى انك مبتحبش المذااكره وصنايعى تجرى تاخد عضم . اقعد مع نفسك شوف انت حابب ايه وشوف امكانياتك الماديه ايه . وعشان تبقى ع بلاطه عمرك ما هتعرف تكمل ف تخصص
مهما كان حبك ليه وانت فقير وبائس ومتأخر ف حياتك الاجتماعيه ووصلت للاربعين من غير جواز . الا لو الموضوع دا مش هيقلب معاك بسيكبه وتكره نفسك والناس . فكر ف التخصص ماديا ونفسيا واجتماعيا وللامانه كل تخصصات الطب صعبه وهتنحت ف الصخر لو عاوز تبقى دكتور محترم . ف لو انت ع دراعك اختار
تخصص يجيبلك فلوس بدرى وتعرف تعيش منه كويس لانه لو خدت مخ واعصاب مثلا وعشت لحد سن ال 45 مش لاقى تحلق ف انت كدا مستفدتش حاجه غير انك ضيعت عمرك . وصدقنى احنا بنمارس الطب عشان نعيش عيشه كريمه وعشان ننفع نفسنا وغيرنا ف لو مش هتلحق تنفع نفسك من تخصص ابعد عنه وعيش حياتك
جاري تحميل الاقتراحات...