ثريد
قصتي مع #الاكتئاب والقلق والسواس :
قصتي مع #الاكتئاب والقلق والسواس :
١- بسم الله الرحمن الرحيم
مدري من وين ابدا بالضبط لكن خلوني ارجع بالسنين شوًي ورا واعلمكم عن تجربتي الي ماتوقعت ولا ١٪ بالمية ان يصيريلي أكتئاب او قلق او حتى وسواس وماكنت اظن اني بمر بهالمرحلة
مدري من وين ابدا بالضبط لكن خلوني ارجع بالسنين شوًي ورا واعلمكم عن تجربتي الي ماتوقعت ولا ١٪ بالمية ان يصيريلي أكتئاب او قلق او حتى وسواس وماكنت اظن اني بمر بهالمرحلة
٢- ترددت كثير اني اكتب هالثريد لكن تشجعت وقلت اكسر حاجز الخوف واعبر بداخلي من كلام لعل احد يقرا هالكلام ويتشجع مثلي ويعالج نفسه بنفسه ويقًوا شوي
٣- بدايتي كانت بتاريخ 2015 وبالتحديد يوم الجمعة الساعه 1 في الليل كنت جالس اللعب بلاستيشن واموري تمام وجدا مروق فجئة سمعت صوت صراخ بالشارع شخص يستنجد ! نزلت بسرعه وانقز عتبة الدرجة بلحق بشوف من الي يصارخ لقت واحد ( سكران ) يستهبل ويطقطق :) ومن بعدها تغًير خالد ١٨٠ درجة
٤- طلعت لغرفتي حسيت بزي الي انتزع روحي ودخلت روح جديدة ماقدرت أنام هذيك الليلة ، صحيت الصباح فعليا احس كل شي بلا معنى كل شي باهت كل شي مو مهم ، وظيفتي ، سيارتي ، شكلي ، انا كلًي مو مهم
٥- جلست تقريبا ٤ سنوات مادري ان فيني إكتئاب ولا ادري ان فيني قلق ، سافرت ولفيت العالم واحس ماني قادر انبسط او استانس في شي جالس بداخل صدري
٦- كنت اتصنع اني سعيد واخر الليل أبكي من الوجع ، مهما صليت احس ماني خالد الي مثل قبل في شي تغير بحياتي وللاسف للاسوء
٧- سنة ٢٠١٧ كانت تجيني محاولات او افكار انتحار وان الحياة سيئة او بلا معنى وفيه حياة افضل من الي انت فيه وفعلا صرت امسك طريق خريص امشي بسرعة ٢٨٠ وما اصدم
٨- صرت اسافر لحالي ووقت السفر أحب اضيع عشان اموت وحيد ( يارب لاتجعل انسان يمر بالي مريت فيه ) كلها افكار وكلها من الاكتئاب والهواجيس وماكنت ادري ان معي هالاشياء
٩- قلت باخذ عمره ويمكن تتغير حالتي والله اخذت عمره وماني قادر استمتع حتى بشعائر الله ، معقوله خالد تغير للاسوء ؟ الى متى بيكون كذا ؟
١٠- ٢٠١٧ خلصت البكالوريوس وماني قادر حتى استمتع بطعم فرحة التخرج استلمت الوثيقه ورميتها بالسيارة وكانها ولاشي بلا معنى بختصار
١١- سنة ٢٠١٩ تركت تويتر بحسابي القديم لعل اسوي شي جديد واستمتع بعيد عن تويتر لان كان يزيد علي الهم والغثى من المقاطع او من بعض افكار الناس الهمجية فا كنت اتاثر بزياده ويزيد عندي التعب النفسي ويمكن متابعيني يتذكرون ( جلد ذات وداد سيري هههه )
١٢- ابتعدت عن تويتر ومهما سافرت او رحت احس في شي بداخلي اكل هرمون السعاده ماني قادر اكون سعيد ماني قادر اكون سعيييييد لدرجة اصارخ وابكي بالغرفه كاني مجنون انا وش الي غيرني وش الي صار فيني معقوله موقف بنص الليل حوًل خالد ١٨٠ درجة
١٣- من أنسان أجتماعي وماسك الجلسة سواليف الى أنسان إنطوائي وكل اتصالات خوياي اسحب عليهم يا ما ارد او اصرفهم او اقولهم مشغول في مشروع وكهلا تصريفات تمشي عليهم الا واحد منهم ماقدرت تمشي عليه
١٤- كل مايتصل فيني اصرفه الين جاني عند باب البيت شاف شكلي قالي والله كنت حاس انك تغيرت ياخالد وهو يدخل بدون اذن للمجلس قال تعال ياتعلمني وش فيك ولا والله يايصير علم ثاني
١٥- اول ماقال كذا الا انا بكيت لاشعوريا وصرت مثل الطفل ما تسمعون الا شهاقي واحس ارتحت وانا ابكي وعلمته بالسالفة قالي تدري ياخالد انا مريت بحالتك ولا اسوء منك وابشرك تعالجت ، قلتله يرحم امك كيييف انا بعرف وش فيني بس
١٦- قال علاجك مركز مطمئنة روح لهم وراح تدعيلي ، قلتله من جدك شايفني مريض نفسي ؟ قال اي انت تعبان نفسيا روح لهم ولا وديتك انا بنفسي
١٧- والله ورحت لهم وكانت أصعب تجربه بحياتي رجولي ماتقدر تشيلها الارض مابي احد يشوفني او يدري عني او وش يقولون لو شافوني ، وهل الي بالعيادة بيفضحوني الزبدة كلام كثيرررررررر براسي وكنت خايف
١٨- رحت للعيادة واتذكر سئلني حق الاستقبال قال وش اسمك قلت بصوت واااااااااطي خالد قال ارفع صوتك قلت خالد ، قال خالد ايش ( بصوت عالي ) قلتله تكفى ارخص صوتك لحد يدري ، ضحك قال وش فيك خايف انا اسمي محمد واتعالج عند الدكتور عصام عادل عادي ، انا انصدمت كيف كذا وش الجراءة الي عنده
١٩- دخلت عند الدكتور وكانت رجولي ماتشيلي من الارتباك واول ماجلست عنده وابو خلود يهًل السبحة ، شخًص حالتي وقالي انت معاك إكتئاب حاد وقلق جدا ووسواس
٢٠- والله مانسى فضلك مادمت حي للدكتور محمود عطية @Dratiaattaky في مركز مطمئنة عالج حالتي النفسية الي ضيعت من عمري ٤ سنوات بدون حل
٢١- استمريت اخذ حبوب وعلاجات وفرقت حالتي وتحسنت بنسبة ٩٠٪ بعد شهر من العلاج صرت انام كويس وصرت اطلع واجي واغير جو ومازلت اتعالج عنده واخر جلسة كانت قبل اسبوع عنده 😀
٢٢- ذهب عني الاكتئاب بنسبة ٨٥٪ ،، ذهب عنب القلق بنسبة ٨٠٪ اختفى تماما الوسواس مني والحمدالله
٢٣- طرق ساعدتني في علاج نفسي بنفسي ، لأزمت الاستغفار بحيث اتحدى كل يوم نفسي اهم شي اكثر من ١٠٠ مره باليوم
صرت محافظ على سورة البقرة يوميا قبل النوم والله يافضلها عجيبيييييييب وتشوفون بركتها بحياتكم
صرت محافظ على سورة البقرة يوميا قبل النوم والله يافضلها عجيبيييييييب وتشوفون بركتها بحياتكم
٢٤- اخيرا الانسان جدا ضعيف بيوم وليلة ممكن يكون من حال الى حال ، فا اللهم يامثبت القلوب ثبت قلبي على دينك وطاعتك وهذا الي عندي وصلى الله وبارك على محمد ،، اي سوال تحت امركم
للي يسئل بالخاص ممكن انك عاطل بفترة الاكتئاب :
لا ياخوان انا موظف مهندس ومخلص الماستر بتخصص الكهرباء + معي دورات في تخصصي كثر شعر راسي فا الموضوع ابدا مو مرتبطت بمنصب او مكانه ، ربك اذا كتب سبحانه الابتلاء ، أبتلاك
لا ياخوان انا موظف مهندس ومخلص الماستر بتخصص الكهرباء + معي دورات في تخصصي كثر شعر راسي فا الموضوع ابدا مو مرتبطت بمنصب او مكانه ، ربك اذا كتب سبحانه الابتلاء ، أبتلاك
الحمدالله وقفت العلاجات تماما + وقفت جلسات السلوك والحمدالله بخير وعافيه ويارب ديمها علي ، تواصل معي الان دكتوري الخاص في جلسات السلوك يتطمن علي لاني لي فترة ماجيته وهذا كان ردي الملاحظة الصوتية : يجب عليك ان تاخذ جلسات لو كل اسبوع مره عشان ماتنتكس حالتك ، فا بستمر معاه من اليوم
هذا حسابي سناب شات بساعدكم بالي اقدر عليه بخصوص الاكتئاب ، ماعندي شي اقدم غير هالموضوع ❤️🌹
يقول طبيب نفسي عن مهنته: "أُخيّط جراحًا لا تَرونها." #الاكتئاب
جاري تحميل الاقتراحات...