يعني ايه قائد ؟
---
شوف الـ Thread
---
شوف الـ Thread
- يمكن دور القائد هو الدور الاكثر أهمية و المفتقد بشكل كبير في المجتمع العربي ، لان الانسان الحديث بيحتاج القيادة لبناء مؤسسات ناجحة و مرنه و متكاملة ، و القيادة هي اساس من اساسات التربيه و التعلم
- دور القائد موجود في كل مكان في حياتك من اول الشغل او الدراسه لحد البيت نفسه ، اي مؤسسه او علاقه او مشروع عشان ينجح بيحتاج لقائد مش بيحتاج لمدير لان في فرق كبير بين الاتنين خصوصاً لو بتتعامل مع الناس
- الفرق بين القائد و المدير هو ان القائد بيتخذ اسلوب الاقناع للي حواليه لتحقيق النجاح فيأثر في الناس ، لكن المدير بيشتغل بأسلوب الأمر ، القائد هو اللي بيعرف يطلع من اللي حواليه احسن نتيجة
- مؤسسة زي الزواج الراجل فيها في الاسلام هو اللي عليه دور القوامه لأن اي مؤسسه لازم تكون بقائد واحد بس و الا هتفشل ، المركب اللي له ريسين هيغرق ، لكن هل الزواج في مصر الزوج بيكون فيه قائد ؟
- نسبه كبيرة من الرجالة في مصر عندها فكرة عن الزواج ان زوجته دي هيتحكم فيها و انا سي السيد و كلامي هو اللي هيمشي ، و كل قرارته هي اللي هتمشي و يتعامل بنرجسيه و ده الحقيقة نابع من التربيه في الاساس يعني دور سي السيد هو ثقافه مصريه من زمان
- القوامه مش معناها اوامر انت متجوز مش شاري جارية بتتحكم فيها ، و بما انك القائد في مؤسسة الزواج فأنت لازم تلغي جو الاوامر ده من قاموسك لو عايز بيئة صحية و زواج ناجح ، القائد هو اللي بيحاول الاقناع و يخلي اللي معاه مقتنع و بيحب اللي بيعمله
- الزوج الشاطر هو اللي يقدر ياخد اللي عايزه من مراته و هي مبسوطه ، اصل مفيش اسهل من القوة و انك تفرض عليها اللي انت عايزه ، بس وقتها العلاقه هتتحول من زواج لعلاقه عبد بسيده ده غير طبعا انها هتكرهك و مش هتكون طايقاك يعني
- التربية هي من اهم الادوار اللي دور القائد فيها لازم يكون موجود ، لأن التربيه انت بتزرع جوا ولادك معاني و مبادئ و اخلاق معينه ، و مفيش حاجة بتتزرع بمجرد الاجبار و انك جايب ولادك تتحكم فيهم و تحقق رغباتك فيهم و احلامك اللي معرفتش تحققها
- اي فضيلة عشان تكون موجودة داخل البني ادم لازم يكون مختارها بحريته ، لان الحرية هي اللي هتخليه يقتنع بيها مش محرد حاجة مفروضة عليه و اول ما اللي فارضها يختفي هيتخلى عنها
- ده غير ان اجبار ولادك على شئ معين ده بيزرع جواهم كبت ، و كدا كدا الحرية لازم هياخدوها في يوم من الايام لان سنة الحياة بتقول انهم هيبعدوا عنك او انك هتموت ، و اي حرية بتيجي بعد الكبت بتكون كارثه ، لان الانسان بيتحول من اقصى اليمين لاقصى الشمال و يتطرف في افكاره
- فمثلاً اجبار بنتك على الحجاب خصوصاً مع الجيل الجديد ده غلط ، انت قائد بتأثر في الناس مش مدير ، دورك انك تقنعها بالحجاب مرة و ٢ و مليون ، أما الاجبار و الفكرة السائدة عن النربية دي بتربي منافقين ، بتربي ناس بتهتم بالظاهر لكن من جواهم مش مقتنعين بده
- فأنت لما تموت او بنتك تبعد عنك اول حاجة هتعملها انها هتخلع الحجاب و ترميه او ابسطها هتلاقيها حاطه صورها بشعرها على الميديا او بتبعت نودز او او .. ، الانسان لما يكون حر في اختياره و مقتنع بيه مش هيكون ظاهره زي باطنه
- نقطة مثلاً زي موضوع اختيار الكلية ، فتلاقي الاهالي بتفرض على ولادها لا لازم تدخل طب او هندسه ، و ابنهم يدخل الكليه كاره حياته و معندوش شغف عشان يحقق اللي اهله نفسهم فيه و يبقى عايش حياة مش حياته ، دورك كقائد و مربي انك تخرج افضل نتيجة من ولادك مش النتيجة اللي انت عايزها
- القائد في الشغل هو اللي يقدر يخرج من الـ Team بتاعه افضل نتيجة ، و افضل نتيجة مستحيل هتيجي بالاوامر حتى لو جت النتيجة اللي انت عايزها هتكون على حساب ان الفريق ده يكرهك و يكره الشغل كله
- دور القيادة ان تقدر الناس اللي حواليك و تفتكر انك بتتعامل مع بشر ، و العلاقات الانسانيه مهمة في شغل و اي علاقه مهما كانت ، و وقت ما تقدر الناس كويس تقديرك ليهم هيخليهم يبذلوا طاقه فوق طاقتهم عشان بس يرضوك
- الانسان لما بيحس انه بيتم تقديره بشكل مناسب له بيقدم أكثر من المتوقع ، سواء التقدير ده كان في علاقة ، شغل .. ، التقدير بيحفزك و بيديك طاقة عطاء غير طبيعية ، أما قلة التقدير بتقفلك من اللي قدامك
- القائد دوره موجود في ابسط المواقف بغض النظر عن الاختيار و المسار اللي بيختاره الشخص في حياته ، الانسان اللي بيزرع الطاقه الايجابيه في صحابه في اوقاتهم الصعبه و تقومهم ده قائد
- انا مش بتكلم عن القائد بشكل عام ، بتكلم عن مجموعه صفات معينه فيه بس
وبس
جاري تحميل الاقتراحات...