من زمان قوى , يمكن من طفولتى , وانا ملاحظ حالة (العداء النقدى) اللى بيظهرها كل جيل تجاه النمط الفنى السائد فى الاجيال اللاحقه , والسابقه كمان ... شايف فنه هو الاقرب للكمال , والاقدم متخلف ورجعى , والاحدث سطحى وتافه وبلا قيمه
مش بس الصراع دا قائم داخل اطار (زمنى) له علاقه بالاجيال المتعاقبه , دا كمان بيحصل بتقسيم (طبقى) و(جغرافى) و (ثقافى) ... فبتلاقى مثلا المجموع فى بلد معين , غالبا غير قادر على هضم الموروث الفنى لبلد تانى , والعكس ... شرحه داخل طبقات المجتمع الواحد ..
عن الموسيقى تحديدا أتكلم
عن الموسيقى تحديدا أتكلم
علشان كدا كنت دايما أسأل نفسى , هو فعلا (الاخر) هابط ومنحط ؟ أو رجعى ومتخلف؟ , وهل فعلا النمط المُتبنّى هو الاقرب للكمال؟؟
طب ليه ؟ وايه المعايير اللى بتحدد دا ؟ وليه ميكونش العكس ؟
طب ليه ؟ وايه المعايير اللى بتحدد دا ؟ وليه ميكونش العكس ؟
علشان أعرف إجابة الأسئله دى , كان لازم اخرج من سجن القولبه الفنيه , من انى اربط نفسى بنمط معين تبعا لجيلى او ثقافتى او طبقتى , انى اقتحم قوالب (الاخرين) واحاول ابحث فيها واستطعمها واشوف الحلو والوحش , بشكل موضوعى بعيد عن خلفياتى الفنيه , كأنى مخلوق فضائى لسه نازل الكوكب
كلشان كدا ومن زمان قوى , يمكن من ايام ابتدائى , وانا باسمع انماط متباينه جدا من المزيكا , مفيش اى ارتباط بينها وبين بعضها , وبمرور الوقت قدرت استوعب اغلبها , واتذوقها , واكون مرجعيه نقديه حره , مش مقيده بالخلفيات الجغرافيه او الثقافيه او الطبقيه او الزمنيه
عرفت أتذوق بلوز وجاز وروك وبوب وراب ... أوروبى من ايام مقطوعات ما قبل عصر النهضه مرورا بموتسارت وبيتهوفن , وانتهاء بالانماط الحداثيه الموازيه لنظيرها الامريكى مع نكهه أوروبيه ...
طبعا بشكل مختلف , وبتعمق مختلف برضه من نوع للتانى
طبعا بشكل مختلف , وبتعمق مختلف برضه من نوع للتانى
عربى .. من اول الموشحات الاندلسيه مجهولة الملحن .. والاهازيج الشعبيه الضاربه فى القدم ... مرورا بعصر الاسطوانه بكل زخمه , ثم قفزة الاربعينات والخمسينات بكل وجوهها الجديده وتمردها , ثم عصر الفرق الغنائيه وثورة الكاسيت ... ثم عصر الكليبات
اضافه لحصيله لا بأس بها من الموسيقى الاسيويه والافريقيه كمان ...
التنوع دا مع الوقت بيعمل قدره استيعابيه كويسه , اكبر بكتير من الى رابط نفسه بنمط واحد وماشى عليه , لانه مش هايقدر يتذوق غيره
التنوع دا مع الوقت بيعمل قدره استيعابيه كويسه , اكبر بكتير من الى رابط نفسه بنمط واحد وماشى عليه , لانه مش هايقدر يتذوق غيره
الحاجه الاساسيه اللى خرجت بيها هى ان مافيش معايير مطلقه للحلو والوحش , وان كل الادعائات والحروب الفكريه اللى بتحصل بين كل مجموعه مرتبطه بنمط معين والمجموعات الاخرى , حوالين مين راقى ومين هابط .. مجرد بلح غير موضوعى
اللى كان هابط فى زمنه بينظر له لاحقا انه تراث راقى , والجديد تافه بنظر القديم , والقديم فقير ومتخلف وميت بنظر الجديد ...
لو اخدنا نطاق دراسه واضح زى المجتمع المصرى مثلا ....
هنلاقى الانماط الفنيه اللى كانت مستهجنه ومبتذله فى زمانها , اصبحت بينظر لها باحترام لاحقا , رغم انها متغيرتش
هنلاقى الانماط الفنيه اللى كانت مستهجنه ومبتذله فى زمانها , اصبحت بينظر لها باحترام لاحقا , رغم انها متغيرتش
طبعا مش هاقول كله زى بعضه ... فيه مؤشر بيتذبذب صعودا وهبوطا , مرتبط بكفاءة وقدرات العاملين بالوسط الغنائى ... فيه حاجات متعوب فيها وباين فيها إبداع أكتر , وفيه حاجات مسلوقه وخدت اكبر من حقها بسبب ظروف عصرها , وفيه حاجات مسلوقه وبتترجم بقسوه لانها مش محميه بزخم اجتماعى كافى
لكن ... مفيش حاجه مثاليه او تستاهل هيستيريا التقديس اللى اترسمت حولها من معجبيها فى قمة زمت إزدهارها ... ومفيش حاجه فاشله لدرجة استحقاقها للتجاهل التام ...
الحلو والوحش موجود فى كل حاجه بس بنسب متفاوته , وبتختلف من حاجه للتانيه
الحلو والوحش موجود فى كل حاجه بس بنسب متفاوته , وبتختلف من حاجه للتانيه
فمتخليش الوحش يعميك عن الحلو , ولا الحلو يخليك تتجاهل الوحش وتقول عليه حلو ...
وحتى الوحش نفسه , بيكون مرايه دقيقه جدا لحال زمنه ومجتمعه ... تمام زى طبقات الأرض اللى بيدرسوها فى الجيولوجيا وبيعرفوا منها تاريخ الكوكب وأحداثه القديمه
وحتى الوحش نفسه , بيكون مرايه دقيقه جدا لحال زمنه ومجتمعه ... تمام زى طبقات الأرض اللى بيدرسوها فى الجيولوجيا وبيعرفوا منها تاريخ الكوكب وأحداثه القديمه
ولكن ... فى الوقت اللى اعتقدت فيه انى قادر على (هضم واستيعاب) اى نمط مهما كان بعيد او غريب , لاقيتنى فجأه (عاجز) و (مصدوم) تجاه انماط جديده منعزله ومنفرده ظهرت مع جيل الشباب الجديد , او بمعنى أدق (المراهقين)
فشلت تماما انى اتذوقها او استوعبها .. او اهضمها بشكل موضوعى ...
هل الواحد موضوعيته اختلت واصبح اقل مرونه من الاول ؟!!!
ولا الانماط دى متطرفه فى التفاهه والتشوش لدرجه تعجزك عن استيعابها؟!!
ولا السببين مع بعض ؟؟
هل الواحد موضوعيته اختلت واصبح اقل مرونه من الاول ؟!!!
ولا الانماط دى متطرفه فى التفاهه والتشوش لدرجه تعجزك عن استيعابها؟!!
ولا السببين مع بعض ؟؟
ولا السبب ان (الفجوه) المره دى أوسع وأكبر بكتير من قدرة اى (عابر تقليدى للفجوات) على اجتيازها ؟؟؟
لكن فى كل الاحوال , دا مؤشر خطير بيدل ان الفاصل بين الجيل دا وغيره أكبر بكتير من الفواصل التقليديه بين الاجيال اللى سبقته وبعضها , وبالتالى ان الجيل دا اكثر انعزالا او منعزل بشكل كامل عن غيره , وان احتمالية التفاهم بينه وبين غيره هاتكون صفر
الكلام دا جه فى بالى لما لاحظت الضجه اللى معموله على الولد الرابر (مشوها رابر) اللى رجع والدنيا مقلوبه عليه , واتضح ان له معجبين .. بل ومهاويس بالملايين ...
رغم ان كفاءته كـ(رابر) معدومه يعنى , واظن ان إيمنيم مثلا لو سمعه ممكن تجيله سكته مخيه
رغم ان كفاءته كـ(رابر) معدومه يعنى , واظن ان إيمنيم مثلا لو سمعه ممكن تجيله سكته مخيه
جاري تحميل الاقتراحات...