اللي معارض فكرة التطعيم هو إنسان حر، يعي الصح من الخطأ، ويستطيع وزن الأمور واتخاذ القرار
نكن لهم كل الإحترام
لكن اللي يخذل الناس بدون لايملك دليل علمي بين، بل يشكك بوجود المرض وإن المسألة ليست إلا مؤامرة، هذا النوع يجب أن يتقي الله في الناس ويتبين أنه بجهله المظلم يضر الخلق
واحد

من هؤلاء يجادل حتى في طريقة العلاج، ويعتقد، وأنا لا أشك أنه جازم بإعتقاده، أن المستشفيات هي سبب موت المرضى، ودليله أنه ماسمع عن أحد يموت في البيت
بالله عليك هذا شلون تناقشه
عمرك شفت أحد تصل فيه الأعراض والمرض لدرجة الإشراف على الموت ويقعد في البيت،
ياخي هذي أبجديات الإنقاذ،

تعب حيل، ودّه المستشفى
غريبه إني مضطر أشرح هالكلام في هذا العصر.
طيب تعب حيل وراح المستشفى وهو على آخر رمق ... شنو تتوقع يصير معاه
أكيد في الغالب مضاعفات المرض وحالته راح تكون متأخره
لكن أنت تتحمل مسؤولية هالعالم،
طبعا لا
أنت حدك تقعد على تويتر وتكتب هالخزعبلات اللي ماعليها أي

دليل وتناقش المختصين في تخصصاتهم.
طيب ياخبير زمانك شنو ردك على آلاف الحالات اللي تروح المستشفى في وقت مبكر من المرض وتتلقى نفس العلاج وتطلع البيت؟
طبعا ... خاموش ولا كأنه من أهل الأرض
وفي النهاية يقوللي
شنو البروتوكول اللي تستخدمونه في المستشفى؟
إذا أنت مو عارف تنتقد شنو بالضبط؟

ياصبر الأرض بس