الحدوتة التالتة
اللي فيكم اتفرج على فيلم "أولاد العم" أكيد فاكر الجملة اللي قالها «شريف منير» وهو بيتضارب مع «كريم عبد العزيز» عند المصنع المهجور في الكيلو 48، شريف وهو متفشخر قوي قال "يا ابني إحنا شعب الله المختار"، عندنا بقى على هذا الكوكب اللطيف في نوع تاني من الشعوب 👇

اسمه "شعب الله المحتار"، ودول بقى يا جماعة الخير يبقوا الأكراد.
الأكراد عبارة عن قومية لا لهم دولة ولا كيان سياسي موحد ولا حتى معروف مستقبلهم إيه رغم إنهم موجودين من زمان الزمان، يعني في عام 678 قبل الميلاد كانت فيه إمبراطورية كردية اسمها "ميديا" ودي كانت واخدة 👇

بالصلاة على النبي كده من أول باكستان لغاية تركيا مرورا بإيران والعراق.
بعد كده في ممالك كردية صغيرة ظهرت في مناطق من تركيا والعراق وسوريا وإيران، لكن دوما كان بيحصل معاهم الجلاشة وتيجي مملكة كبيرة تقولهم "يالا إمشي ياد من هنا روح إلعب عند بيتكم علشان هنرش مية وإلا والله👇👇

هنقطع الكورة دي"، فااا تلاقي العباسيين اضطهدوهم، والصفويين كرشوهم، والسلاجقة كهربوهم، والعثمانيين شقلطوهم، بالتالي مع الوقت ساحوا في بلاد الله الواسعة.
علاقة الأكراد بمصر بدأت في عهد الفراعنة، كلام كتير إن «نفرتيتي» زوجة الملك «إخناتون» أصلا كردية وتبقى 👇👇

بنت إمبراطور ميديا، كمان ظهروا الأكراد في عهد "الدولة الفاطمية" وطبعا أشهرهم عمنا وعم الناس «صلاح الدين الأيوبي»، والشيء بالشيء يذكر بقى... الأديب «عباس العقاد» وبسكوتة السينما «سعاد حسني» والشاعر «أحمد شوقي» والشيخ «عبد الباسط عبد الصمد» أصولهم كردية
منقول
من الطوبجي
@rattibha