المشكله ان محدش بيفكر في الاستثناءات بقي يعني انا بقالي عشر سنين بند العربيه بيتصرف عليها اقساط وده خراب عظيم اهي اترمت وبقت ميراث قوم يتدفع فلوس الورثه علشان يخرجوا واملكها انا والبنات وادفع تراخيص الوفات وادفع للرخصه الفات طب هو انا عندي دخل يغطي ده؟ لا انا بقيت لوحدي

تعالي اسالني بيعي العربيه اقول حرام فلوسها هتتصرف والبنات هتتبهدل فضلت مصلحة البنات علي بيعها انا قدام الحكومة مواطن معاه سيارة هاتوه ابن المقتدر ده في الواقع انا يادوب ع باب الله جيبي ممكن ميكونش فيه الهوا ومعاش ابوهم 😀 2000ج عملوا لي ايه بقي الحكومة 😄فكروا ياخدوا ايه مش العكس

حط بقي معاهم اي حاجة جايه بنفس المقياس لو لابسه كويس يبقي معايا غلي الهدوم غلي البنزين ضريبه علي التنفس طب انا كمان عايزه حياة كريمة علي فكرة انا كنت عايشه يادوب كريمه حتي الحلم ده خلص والشغل مضروب بسبب كورونا ومصاريف مدارس ومش عاوزه احكي ع مصاريف البنات لانهم في رقبتي وبس

اول مره افكر انقل البنات من المدرسه بجديه النهاردة لان مش متخيله ان هقدر اكمل خاص وساعتها انا اللي هتكسر لان هكون مقدرتش احميهم كويس مع ان الأعباء دي معايا من زمان بس كانت بتبقي ماشيه حاليا وقفت وبيكملوا يوقفوها زياده

انا زعلانه وتعبانة وزهقانة وغامقة غامقة غامقة جدا بصراحة.. احنا عارفين ان الدنيا دار ابتلاء وعارفين ان عندنا نعم كتير نحافظ عليها بس انا تعبت انا بجري بقالي سنين بدون توقف انا تعبت يا مصر.. انا رفضت فرص الخروج من الدايرة وشلت مسئولياتي من سنين بس اقسم بالله انا تعبت