اختيار و تقبل شريك حياتك ؟
---
شوف الـ Thread
---
شوف الـ Thread
١- اختيار شريك الحياة
---
مجتمعنا مجتمع قبلي او عشائري مش مجتمع فردي زي المجتمعات الغربيه ، عشان كدا الزواج في مجتمعنا مش عبارة عن فردين بس ، لكنه عبارة عن عائلة بتتجوز عائلة
---
مجتمعنا مجتمع قبلي او عشائري مش مجتمع فردي زي المجتمعات الغربيه ، عشان كدا الزواج في مجتمعنا مش عبارة عن فردين بس ، لكنه عبارة عن عائلة بتتجوز عائلة
- و عشان هو مجتمع عشائري فالزواج الطبيعي يكون خاضع للعادات و التقاليد في كل بيئة ، و البيئة في الزواج بتختلف من مكان لمكان ، بدايه من الشبكة و الاتفاق على متطلبات الزواج لحد بعد الزواج و العشرة نفسها
- فالطبيعي ان هتلاقي في اختلافات بين الطرفين تبعاً لكل ثقافه منهم ، مثلاً تلاقي الشبكة في القرى اغلى من الشبكة في المدينه ، تلاقي في مكان معين الاتنين بيجيبوا كل حاجة بالنص و مكان العريس بيجيب اكتر و مكان العريس بيجيب كل حاجة
- عشان كدا يفضل ان يكون الطرفين من بيئة متقاربه و ثقافه متقاربه ، عشان يكون الاتفاق موجود و يقلل حجم الاختلافات بينهم ، و دي حقيقة لازم تكون واخد بالك منها
٢- الاختلافات الاجتماعيه :
١- المستوى العلمي : بغض النظر شئت ام ابيت فده واقع موجود في المجتمع ، بغض النظر اني مش شايف ده حاجة صح لكن في بعض الاحيان بيكون له تأثير لان مجتمعنا له طبيعه خاصه
١- المستوى العلمي : بغض النظر شئت ام ابيت فده واقع موجود في المجتمع ، بغض النظر اني مش شايف ده حاجة صح لكن في بعض الاحيان بيكون له تأثير لان مجتمعنا له طبيعه خاصه
- فتلاقي ناس بتدور على كليه معينه ، الدكتور لازم دكتورة المهندس لازم مهندسه و هكذا ، دي وجهات نظرهم من وجهة نظري ده غلط ، لكن المستوى العلمي بيكون مؤثر في بعض الاحيان لو كان المستوى مختلف يعني حد معاه تعليم جامعي و التاني اقل من الجامعي
- وجهة نظري نابعه من مشاكل شوفتها بسبب ده خصوصاً لو الراجل مستواه العلمي اقل [ دبلوم .. ] ده بيأثر على نفسيته فيما بعد لان مجتمعنا مجتمع ذكوري فيبدأ الراجل يحس بالاهانه مع الوقت ان زوجته اعلى منه علميا خصوصا مع المشاكل الزوجيه
٢- المستوى الاجتماعي : الافضل زي ما قولنا ان المستوى يكون متقارب او يكون في فرق لصالح الراجل ، لان مجتمعنا مجتمع ذكوري الراجل مش هيقبل ان زوجته تكون اعلى منه مادياً و لو قبل ده في الغالب هيحس بعد الزواج بالاهانه حتى لو مفيش حاجة حصلت لكن ده بسبب الثقافه الذكوريه مش اكتر
٣- الاختلافات الشخصية : الاختلافات تكون في حدود المعقول ، كل ما زاد التشابه كل ما التفاهم بينهم زاد ، لكن في حاجات لازم يكون فيها اختلاف بس الاختلافات في حدود المتاح ميكونش الاختلاف بين واحد في الشرق و التاني الغرب
- العلاقات عكس الفيزياء ، كل ما طرفين متشابهين متجاذبين ، و لأن ده مستحيل في البشر تلاقي ٢ شبه بعض ١٠٠٪ فالطبيعي و الصحي يكون في اختلافات عشان تكملوا بعض بس لازم تكون في حدود المتاح
٢- تقبل شريك الحياة
---
١- اهم حاجة لازم تفرق بين العادات و الطباع ، الطبع مستحيل يتغير ، الطباع هي عادات استمرت وقت كتير مستحيل تتغير او صعب جدا تغييرها
---
١- اهم حاجة لازم تفرق بين العادات و الطباع ، الطبع مستحيل يتغير ، الطباع هي عادات استمرت وقت كتير مستحيل تتغير او صعب جدا تغييرها
- فأنا بستغرب ان الناس تختار بعض بطباع هما مش بيحبوها و بعدين يضايقوا ، يعني مثلاً تلاقي واحد اتجوز واحدة مش محجبه و مصمم يحجبها بالعافيه ، طب انت ليه اتجوزتها كدا ؟ تلاقي واحد اتجوز واحدة بتشتغل بس يفرض عليها متشتغلش
- تلاقي واحدة اتجوزت واحد بيدخن و عايزاه يبطل تدخين ، او واحدة اتجوزت واحد عصبي و زعلانه انه عصبي ، كل دي طباع مستحيل تتغير و صعب تتغير و محاوله تغييرها بتسبب مشاكل انت في غنى عنها
- لو انت عايز تتجوز واحدة محجبه اتجوزها محجبه عايزها مش بتشتغل اتجوزها مش بتشتغل ، عايزه واحد مش بيدخن اتجوزيه مش مدخن ، عايزاه مش عصبي شوفي واحد مش عصبي ، لكن متعملوش العكس
- من الحاجات المهمة قبل الزواج ان الطرفين يقعدوا و يحطوا لبعض خطوط حمرا ، الخطوط الحمرا دي هي اللي كل واحد مستحيل يتقبلها يعني مثلاً الزوجة مستحيل تقبل التحكم او الزوج مستحيل يقبل قلة الاهتمام ...
- في حاجات مينفعش فيها تقبل محتاجة رفض و انهاء للعلاقه مينفعش قيها استمرار ، زي مثلاً ان طرف كذاب ، او الزوج بخيل او الزوجة مش نضيفه ، او مش مهتمه ببيتها دي حاجات مينفعش فيها تقبل لان من شب على شئ شاب عليه دي طباع مش بتتغير
- التقبل
--
اهم عامل في التقبل هو طريقه تفكيرك و فهمك طريقة فهم الطرف التاني ، لأن حياتنا من صنع افكارنا ، انت بتتصرف بناءاً على افكارك اللي بتتصورها و ده راجع بسبب التوقعات
--
اهم عامل في التقبل هو طريقه تفكيرك و فهمك طريقة فهم الطرف التاني ، لأن حياتنا من صنع افكارنا ، انت بتتصرف بناءاً على افكارك اللي بتتصورها و ده راجع بسبب التوقعات
- كل ما توقعاتك عن الزواج كانت اقل كل ما كنت هتقدر تتفهم شريك حياتك و تتقبله ، المصيبة ان الناس بتحط توقعات عاليه عن الزواج و تتصدم من الواقع فمتقدرش تتقبل التاني و المشاكل تزيد
- خلينا ناخد امثلة
---
١- الزوج متعود يفطر بدري قبل الشغل و الزوجة متعودة تنام و تفطر لما تصحى ، فتلاقي الزوج بسبب توقعاته عن الزواج و ان بقا زوجته هتقوم تجهزله الفطار فيلاقي عكس كدا بيحصل و افكاره تقوله ان زوجته مش بتقوم بواجباتها فتحصل مشاكل
---
١- الزوج متعود يفطر بدري قبل الشغل و الزوجة متعودة تنام و تفطر لما تصحى ، فتلاقي الزوج بسبب توقعاته عن الزواج و ان بقا زوجته هتقوم تجهزله الفطار فيلاقي عكس كدا بيحصل و افكاره تقوله ان زوجته مش بتقوم بواجباتها فتحصل مشاكل
- هنا الحل بسيط انك تفهم طريقه تفكير زوجتك ، دي حاجة انت اتعودت عليها و هي برضو اتعودت تصحى متأخر و تفطر لما تصحى ، فتبدأ تتفاهم معاها و توصل لحل يا اما تعمل فطار لنفسك مش هتخسر ايد ولا رجل يا اما تقنعها تفطروا سوا لكن متعملش مشكلة بدون سبب
٢- مثال تاني : الزوج بيحب يخرج مع صحابه و زوجاتهم فياخد مراته ، فهي ممكن مرتاحتش في الخروجة ، فتبدأ تتخانق معاها انها كئيبه ... ، الفكرة ان دول صحابك عشان كدا بتحبهم لكن هي مش مطالبه تحبهم و تحب الخروج معاهم
- فالحل انكوا تتفاهموا والله انت تخرج لوحدك عادي ، او تخليها تتقبل الخروج معاك عشانك انت ، المهم توصلوا لحل وسط ، بس في حاجات لازم تتشال كـ credit يعني هي رضيت تخرج معاك عشانك فأنت لازم تشيل ده لما تطلب منك حاجة مش بتحبها
- موضوع التقبل و الوصول لحد وسط ده بيكون ان كل واحد يعمل اللي عايزه طالما مش بيضر التاني ، فمثلاً زوجتك معملتش فطار عشان مصحيتش بدري ده مش بيضرك موضوع انها متجيش معاك ده مش بيضرك ، لكن الغصب بيضر سواء انك تاخدها غصب عنك او انها ترفض انك اعمل اللي عايزه لوحدك و تنكد عليك
مثال ٣ : من التوقعات عند البنات في الزواج ان كل شويه فسح و خروجات ، فتلاقي زوجها بيتوتي فتتصدم انه كئيب بقا ، و ده مش صح هو طبيعته كدا ، فالحل انك تتفاعمي معاه فمثلاً انتي بتحبي الخروج كتير و هو لا فتتفقوا ان كل اسبوع تخرجوا
- فالتقبل من اهم عوامله هو التفاهم و التفاهم لازم كل طرف يتنازل و يضحي بحاجات عشان الدنيا تمشي ، التكيف بيجي بالتفاهم و ان كل طرف يتفهم و يتنازل شويه عشان يحقق مطالب التاني
- يعني لما تساعد مراتك في المطبخ ده مش هيقلل منك ، او لما تعملي حاجة زوجك عايزها مش هيقلل منك ، كل ما حاولت تفهم التاني كل ما حياتك كان سعيده و مرتاح في علاقتك
- في فرق بين التقبل و القبول ، التقبل مش معناه قبول ، التقبل ان كل واحد يعمل نشاطاته و اللي بيحبه بس مش بشاركك فيها و مش متقبلها ، بس بالمقابل مش برفض انك تعملها ، الامر كله up to you ، بس الحاجات المطلوب نعملها سوا نعملها سوا
- يعني زي ان زوجك ينزل على القهوة و انتي مش حابه ده ، هنا لازم تتقبلي ده و مترفضيش و تنكدي عليه ، او ان زوجتك تخرج مع صحابها حتى لو مش حابب لازم تقبل ده و مترفضش انها تخرج و تتخانق معاها دي حاجات مش بتضرك
- لكن اللي بيحصل في الزواج ان الطرفين بيحاولوا يلغوا شخصية بعض و حياة بعض و الحاجات اللي كل واحد بيحبها ، و ده غلط في حاجات هتتغير فيها بمزاجك و حاجات مستحيل لانها بتسعدك كل واحد له حياته و خصوصيته و مساحته الشخصية
- التقبل و المشاركة لازم تعمل حسابك ان فيها credit يعني انك تعمل حاجة عشان مراتك فهي لازم تشيل ده ليك لما تطلب منها انك تعمل حاجة هي مش حاباها ، و العكس ، لازم تقدر و تشيل تضحيات و تنازلات شريك حياتك
- اخيراً : حياتك من صنع افكارك ، افكارك عن شريك حياتك هي اللي بتتحكم في تصرفاتك ، قلل توقعاتك و حاول تفهم و تتقبل الاخر عشان ترتاح
مقصودة
اعملوا لايك لبيدج الفيسبوك و ظبوطني شير كدا
facebook.com
facebook.com
جاري تحميل الاقتراحات...