(اتعب دلوقتي علشان ترتاح بعدين❌) لو افتكرت ان في مرحلة من حياتك فيها راحة مطلقة، أو ان اللي جي بالضرورة أفضل من اللي انت فيه، هتفضل طول حياتك منتظر، سُنِّة الحياة التعب، والراحة في الرضا
(انا بس اشتغل الشغلانة ده ومش عايز حاجة تاني❌) مفيش حد مبسوط في شغله ١٠٠%، اللي بياخد راتب قليل عايز اعلى واللي بياخد راتب كبير عنده مدير مطلع عينه وبرضو عايز اعلى، احنا بس اللي دايمًا بنبص للي في ايد غيرنا وشايفين وضع غيرنا دايمًا أفضل من وضعنا
(انا لو رجع بيا الزمن مكنتش عملت كده❌) انت لو رجع بيك الزمن ١٠٠٠ مرة كنت هتعمل كده ال١٠٠٠ مرة، علشان مينفعش تقارن تفكيرك دلوقتي بتفكيرك زمان، وانت عملت كده وقتها لحكمة ميعرفهاش الا ربنا، وبالمناسبة الزمن مبيرجعش مع احترامي لأينشتاين، فمتقساش على نفسك
(انا اخر همي الفلوس أو المناصب❌) اللي بيقول كده اما شبعان فلوس ومناصب او قليل حيلة فبيبرر قلة سعيه، لأن حبنا ليهم غريزة مش ممكن ننكرها، بس في اللي شايفها غاية ومستعد يوصلها بأي طريق مشروع بقى أو لا وقليل اللي شايفها وسيلة يخدم بيها نفسه واللي حواليه
(انا شغلي رقم واحد في حياتي❌) شغلك لو على حساب أهلك واسرتك يبقى مش رقم واحد، شغلك لو على حساب صحابك يبقى مش رقم واحد، شغلك لو على حساب صحتك النفسية والبدنية يبقى مش رقم واحد، هما دول اللي هيسندوك لو وقعت، شغلك لا
جاري تحميل الاقتراحات...