واحد من اغرب الأحلام اللي شفتها: لقيت نفسي في فندق كنت ساكن به بنيويورك، جلست على السرير وبعدين انتبهت لحقيقة غريبة: ياخي أنا البارح نايم في الرياض وش اللي جابني لنيويورك؟، فزعت بغرفتي وقعدت أقول لنفسي : أكيد اني احلم، بس شلون اتأكد؟!
مباشرة دورت على شيء أقراه، لأني دائما في احلامي ما اقدر أقرأ النصوص والحروف تصير مبعثرة، فتحت شاشة التلفزيون والا والله أقدر أقرأ شريط الاخبار، فزعت وركضت للاستقبال بملامبسي الداخلية و قلت كلموا السفارة أنا مخطوف، ضحكت علي موظفة الاستقبال وقالت لي : ياحمار تراك تحلم
قلت لها مستحيل اني أحلم!
قالت لو انت ماتحلم شلون أنا اتكلم عربي زيك؟! وسوست وركضت برا الفندق الشارع زي المجنون وقفت تاكسي قلت له ودني القنصلية السعودية اخذ لفتين وقعد يسألني وش فيك؟ قلت له ياخي أنا نايم البارح في بيتي بالرياض وصحيت اليوم في نيويورك ولا ادري وش اللي جابني!
قالت لو انت ماتحلم شلون أنا اتكلم عربي زيك؟! وسوست وركضت برا الفندق الشارع زي المجنون وقفت تاكسي قلت له ودني القنصلية السعودية اخذ لفتين وقعد يسألني وش فيك؟ قلت له ياخي أنا نايم البارح في بيتي بالرياض وصحيت اليوم في نيويورك ولا ادري وش اللي جابني!
قعد يضحك ويقول : طيب يمكن انك تحلم، شرحت له انه مستحيل حلم لاني ماقدر أقرأ نصوص في احلامي، نزلني القنصلية وتهاشوت مع الاستقبال لأنهم يقولون ماتقدر تدخل بملابسك الداخلية قلت لهم أنا مختطف! ساعدوني! فجأه دخل الجبير وزير الخارجية وقعد يهدأني وقال لا تخاف بنرجعك السعودية
ركبوني غواصه ودخلت لقيت قبطانها زاقة معه شكلهم مصحينه قال لي : يابن الحلال تراك تحلم! اشغلت العالم! رح ارقد الله يلعنك وبترجع تصحى في الرياض، المهم شوي واذا الغواصة ترتفع وتشق ارضية غرفة نومي في الرياض، في البداية ماصدقت، طالعت مع الشباك والا والله اني في الرياض
شكرت القبطان وقال لي: ثاني مره مايحتاج ادق على أحد أرقد وبترجع مكانك، رقدت على السرير وفعلا صحيت من النوم، الزبدة: لا المخدرات ياخوان، مع اني ما اتعاطى مخدرات ولله الحمد.
جاري تحميل الاقتراحات...