ولدتني امي في خيمة بالبر وبعد كم سنة قرر ابوي وجدي نسكن في هجرة من هجر القصيم ، مايجون ١٠ بيوت اهلها من نفس القبيلة بس ماهم من نفس الفخذ ، بيت شعبي سقفة من خشب وفرحانيين فيه ، اقرب مدينة لنا تبعد حول ١٠٠ كيلو وفيه قرية عنا ١٥ كيلو درست فيها ابتدائي ومتوسط وثانوي .
#رحت_مع_العجة
#رحت_مع_العجة
في هالبيت معنا جدي وجدتي بس ، ابوي ماله اخوان ولا خوات ماتوا وهم صغار من وباء ، حتى ابوي اثر فيه ويده فيها اعاقة بسيطة من حرارة جاته بسبب هالوباء ، وتزوج جدي مرتين ع جدتي عشان يجيب عيال بس ماكتب الله وتركن جدي عشان هالشي .
#رحت_مع_العجة
#رحت_مع_العجة
فيه محطة تبعد عن هجرتنا كيلو ع خط سيد واحد يودي الطايف ومكة ودايم اروح لها وانا صغير ايام الابتدائي والمتوسط واتفرج ع الناس المسافرين وخاصة العوايل واتحسر ع حالتي اللي ابعد مارحت للقرية اللي ادرس فيها .
#رحت_مع_العجة
#رحت_مع_العجة
ابوي وجدي بدون وظيفة ماعندهم الا الغنم والحلال ويكدون فيها وحالتنا المادية زفت نفس حالة كل جيراننا بس راضيين وعايشين ، وبعد خلصت رابع في الاجازة توفى ابوي حادث واول مره اشوف اللي يقربون لنا عمان ابوي وعيال عمه جو يعزون وماشفتهم بعدها .
#رحت_مع_العجة
#رحت_مع_العجة
ابوي اكبر مني ب ٣٠ سنة وانا اكبر عياله ولي اختين اشقاء ، خطب كثير بس محد زوجه عشان حالتة وبدون وظيفة وتزوج امي اليتيمة من ولادتها ابوها متوفي وماعندها اخوان او خوات اشقاء وامها تزوجت ع طول وراحت مع زوجها وتركت امي عند جدتها ليين جاء ابوي وتزوجها وهي تقرب ل ابوي بس من بعيد .
توفى ابوي وانا عمري ١٠ وخواتي وحده ٤ والثانية ٢ ، وبعد وفاة ابوي بسمة تزوجت امي واحد وشرطت عليه اننا نبقى معها ووافق وجلست معنا بهجرتنا وهو عمله وشغله وبيته وعياله بالطايف، لكن بعد جابت امي منه بنت قال اباخذك تعبت من التردد وعيالك خليهم هنا مع جدانهم وامي رافضة .
بعد اصرار وهواش وصياح وبعد جدي اقنعها راحت امي معه ووعدتنا قالت ابجيكم كل شوي لكن راحت سنيين ماشفناها ، لكن ما اشرهه ع امي الحرمة ضعيفة والامور صعبة في ذاك الوقت ، بس من راحت امي اول مره اشوف جدي يبكي حتى في وفاة ابوي ماشفته يبكي ، تصعبت علينا الحياة وعليه .
بعد امي راحت عنا وانا ب اول متوسط كان كل افكاري وخيالاتي واحلامي اطلع من الديرة واروح للرياض واتوظف واخذ خواتي معي ، الرياض اللي ما اعرف عنها الا انها العاصمة وفي بالي اني ابعيش خواتي عيشة حلوه وهذا طموحي الاساسي .
انا مستواي الدراسي فوق المتوسط لكن خلاص ابي اخلص ثانوي وادخل عسكرية وكيل رقيب او عريف وماعندي اي رغبة اكمل جامعة حتى لو نويت اكمل صعبة واشوف صعبة مرره لا حالتنا المادية تسمح ولا فيه جامعة قريبة عندنا ، اقرب جامعة فوق ٢٠٠ كيلو عن ديرتنا .
ديرتنا صغيرة فيها كم بيت وكل بيت بعيد عن الثاني وبيتنا صغير فيه ٣ غرف وصالة ومطبخ وغرفة في الحوش - مجلس - لكن ما اذكر جاء لبيتنا احد وجدتي دايم تجلس لحالها وما تروح ل احد وبعد راحت امي صارت جدتي تهتم بشكل بسيط فيني وفي خواتي ، وجدي ماعنده الا هالغنم يكد فيها وهي دخله الوحيد .
جدي كان معه سيارة داتسن قديمة لكن وانا بثالث متوسط شرى سيارة جديدة داتسن غمارة بدون مكيف ٩٢ وكان اول مره اروح للمدينة اللي تبعد عنا ١٠٠ كيلو تقريباً نجيب السيارة وفرحان اني شفت المدينة اكثر من السيارة الجديدة ، كل همي اطلع من الديرة
الحياة كانت صعبة بوجود ابوي وامي معنا عاد كيف بدونهم ، حالة صعبة بيت بدون اثاث ومتهالك ولبسنا اكثره متقطع وعادي يبقى كم يوم علينا وجدي يكافح والعيشة صعبة ، سنوات الثمانينات ما احب استرجع ذكرياتي فيها .
ايام الابتدائي والمتوسط تلفزيون ماعندنا بالبيت ولا كان لي هواية فيه وانام بعد المغرب وماعندي اصدقاء مقربين وحتى زملائي بالمدرسة ومن القرية قليل اسولف معهم واجهل اشياء كثيرة ، لكن بعد جدي عطاني السيارة واروح للمدرسة فيها ومعي خواتي اوديهم لمدرستهم بديت اشري جرايد ومجلات واطلع .
بعد خلصت ثالث متوسط وبالاجازة نويت اشري تلفزيون بس مامعي قيمة جديد وفلوسي ١٠٠ ريال ورحت للقرية واشتري من الهندي راعي الخياط تلفزيون عادي ماهو ملون بعد ما ترجيته يخليه ب ١٠٠ والا كان يبغى ١٥٠ ، واشغله بالبيت ويفرحون فيه خواتي وما انسى فرحتهم ابد .
في اول ثانوي النصف الثاني جدي تعب مره وطاح بالبيت وديته لمستوصف القرية ونقلوه بالاسعاف للمستشفى في المدينة اللي تبعد عنا حول ١٠٠ كيلو ، رجعت لديرة واخذت جدتي وخواتي ورحنا للمستشفى واول مرة اسوق اروح للمدينة جدي كان يرفض خوف علي، وقالوا في العناية وفية جلطة لكن مستقرة حالته .
المدينة ترى اقصد مدينة من مدن القصيم
والقصة انا سميتها #رحت_مع_العجة
والقصة انا سميتها #رحت_مع_العجة
غبت ايام كثيرة عن الدراسة لاني اتردد كثير ع المستشفى وارافق مع جدي والغنم اكرف فيها لو اني ما احب اشتغل بالغنم لكن مافيه الا انا وعامل صعب نجيب مانقدر ع راتبه ، بقيت شهر كذا لين طلع جدي من المستشفى بس ماهو نشيط ومايقدر يتكلم مأثرة فيه الجلطة بشكل كبير .
مدير المدرسة عارف ظروفي ومتعاطف معي وساعدني كثير ، وجدي فترة تتحسن حالته وفترات يتعب ودايم اتردد للمستشفى عشانه وبقينا سنه ع هالحال ليين تعب مره وتوفى وانا ب آخر ثاني ثانوي قبل الاختبارات بكم اسبوع ، وماقصروا جيراننا خلصوا اوراقه وصلينا عليه ودفناه .
في عزاء جدي جات امي واول مرة تجي من بعد ما اخذها زوجها قبل ٥ سنين وجلست يوم ورجعت ، مظهرها متغير وبشرتها وشكلها وحتى ملبسها وواضح ماعاد تبي لديرتنا طاري ومعها حق مافي ديرتنا الا الشقى ، بعدها جزمت اني طالع طالع من الديرة وخواتي معي بس اخلص الثانوي واتوظف بالعسكرية .
اقول لجدتي بس اخلص هالسنة وبنروح للرياض ونسكن هناك ونترك الديرة ومافيها ، بس اتخرج واقدم ع العسكرية وناخذ بيت هناك وادرس خواتي هناك ونعيش بالعاصمة ، احسب الدعوة بالبساطة هذي .
في ثالث ثانوي انشغلت عن الدراسة مع الغنم لكن المدير ماقصر معي دايم يساعدني وحتى اخذني بيوم دراسي ورحنا للاحوال وساعدني اني اطلع بطاقة شخصية وسعى لجدتي ينزل لها شوون ( الضمان حاليا) ٨٠٠ ريال شهري ، ونجحت وتخرجت بتقدير جيد جداً ٧٩٪ .
قبل اتخرج من الثانوية بشهر قالت جدتي بيع الغنم انت بتروح للرياض والغنم كثيرة ومافيه احد بيهتم فيها واصلن انا ابي بيعتها مالي هواية بالغنم ابد ، وماقصر جارنا جاب زبون وبعناها ماخلينا الا كم رأس من المعزا لجدتي اذكر جابت حول ٣٥ الف واحتفظت جدتي بالفلوس .
تخرجت من الثانوية بداية ١٤١٦ ويوم رحت استلم شهادتي وملفي من المدرسة قابلت زميلي متخرج معي وقال الاسبوع الجاي بيروح مع اخوه الكبير -متوظف بالرياض وله شقة هناك مع اخوياه- قلت اخذوني معكم انا ودي اقدم ع الحرس او الامن العام ابي وكيل رقيب ما ابي اقدم ع الجامعة وقال ابشر تخاوينا .
متحمس كثير ع السفر واني ابروح للرياض ، اول مرة ابسافر شعور كنت ودي اجربة من زمان ، ابي الايام تمشي بسرعة اسافر واشوف الرياض واتوظف واجيب جدتي وخواتي عندي وانسى الديرة وايامها .
بعد مامات جدي صرت اجلس وانام بالغرفة اللي بالحوش ،غرفة متهالكة حتى اذا جاء مطر قووي يخر الماء من السقف بشكل بسيط والدريشة حقتها من حديد والهواء والغبار يدخل من كل مكان ، كانت اغراضي وكتبي وملابسي فيهاوطبعاً ماعندي دولاب كلها ع الارض واقول فترة واعيش نفسي وخواتي افضل من هالمكان .
جاء الوقت اللي اودع خواتي وجدتي كان عصر يوم جمعة وعطتني جدتي الف ريال واشوف انا انها كثيرة ، خواتي وحده بثاني متوسط ووحدة بسادس واول مرة ابسافر واتركهم مدة اشوف انها طويلة ، مروني ورحت معهم ومع الطريق علمني الاخ الكبير لزميلي عن كل شي من تقديم واماكن حتى خلاني اكتبها بورقة .
وصلنا شقتهم كانت بشرق الرياض شارع اكثره شقق عزاب ومعه خوياه ٧ بالشقة وجلست اسبوعين عندهم وصرت اتردد ع الحرس والامن العام واي مكان فيه عسكرية واكثرهم كلامهم واحد مافيه تسجيل ولا دورات الحين او اتركك ملفك وحنا نتواصل معك اذا فيه تسجيل ،عرفت ان الموضوع ماهو بالبساطة اللي كنت متصورها
كنت متوقع بما اني ثانوي وعلمي وجيد جداً راح القى عسكرية بسرعة وببساطة وخلال كم شهر وانا متوظف خاصة اني ابي وكيل رقيب او عريف ، حتى زميلي قال قدم معي جامعة ومتى مالقيت عسكرية اتركها لكن انا مالي خاطر بالجامعة وخططي مافيها شي عن الجامعة ابد .
رجعت لديرتنا بعد اسبوعين جلستها بالرياض ،اسبوعين مسحت كل الاحلام والافكار والخيال والامنيات اللي كانت متوقعها ، رجعت وانا فيني غصة وعرفت الامور صعبة وماراح تجي بسهولة والمعيشة بالرياض صعبة لا تنقل ولا مصروف ولا استقرار وخاصة مالي لا معارف ولا اقرباء هناك امون عليهم ولي علاقة معهم
بعد جلست اسبوع بالديرة قررت ارجع للرياض لكن هالمرة ع سيارة جدي داتسن ٩٢ ، ابحوم بشوارع الرياض وابعرف طرق الرياض والعرف الاماكن اذا قريت اللوحات وابقدم ع اي مقر او دائرة عسكرية يمكن اقبل وتتسنع اموري ، مشيت للرياض فجر السبت وانا بطبعي ما احب اكون علاقات لذلك مارحت لشقة اخو زميلي
من السبت للاربعاء وانا من الصبح الى العصر بالشوارع اسأل وابحث وادور عن تقديم عسكرية ، صح صيف وحر وسيارة بدون مكيف لكن انا متعود ومتأقلم حتى بيتنا ماكان فيه مكيفات وكنت مقرر بالليل انام بالسيارة،كان فيه مخطط قدام شقة اخو زميلي كله ملاعب كورة ابوقف سيارتي فيه وانام جايب فراش معي .
وكذا وضعي اسبوع بالديرة واسبوع بالرياض ، فتح تسجيل بالحرس وقدمت وسويت مقابلة وكشف طبي لكن ماطلع اسمي ، وفتح تسجيل بالجوازات يبغون ١٠٠ تقريباً والمقدمين ب الآلاف ولا طلع اسمي ، وقبل ما تدري عن التقديم والتسجيل الا اذا لك معرفة في نفس القطاع وانا ما اعرف احد ولو مارحت وسألت مادريت
اذكر مره ماشي مع طريق واشوف شباب مجتمعين معهم ملفات خضراء وقفت وسألت قالوا تقديم بالجيش ، صفيت معهم وقال المسؤول القبول فوري خلصوا اوراق الكشف الطبي والبصمات بسرعة الدورة بعد شهر بخميس مشيط،وقلت التعيين وين ؟ قال يالجنوب ياتبوك وانا انسحب واصلن الجيش مالي خاطر فيه ابد .
من كثر ما افرفر ب شوارع الرياض عرفت حي البطحاء وجازلي وحسيت انه يناسبني وصرت اتردد كل صبح ع بوفيه افطر فيها وبقالة في جنبها اقراء جرايد فيها وصرت امون ع العامل البنقالي بالبقالة ودايم اسولف معه ودايم يقول لي انت سيم سيم كفيل شبهه ميه ميه 😅
الصراحة استفدت من العامل اولها جاب لي رخصة سواقة لاني قلت اخذت مخالفة لان مامعي رخصة، اخذ بياناتي وصورة شخصية وبعد كم يوم جابها لي،وراح يجيب لي مشاوير بما ان سيارتي داتسن غمارة وحوض انقل اغراض واجيب اغراض والشغل كثير واطلع حول ١٠٠ ريال باليوم واحيانا اكثر .
في منتصف شهر ٦ / ١٤١٦يعني لي ٤ شهور متخرج من الثانوي قوت علاقتي مع العامل وعرفني ع صديقة يدير مصنع بدائي لمواد التنظيف وشامبوات وصابونات وكلها تقليد في تقليد وكفيلهم واحد يعني صاحب البقالة والمصنع واحد اللي يقولون انه يشبهني ، وكنت اوزع ع سيارتي هالاغراض ع البقالات اللي يعرفونهم
اعجبني الشغل والصراحة ضغطت ع نفسي بكثر المشاوير لان مع كل توصيلة استلم حقي واحس صار معي فلوس حتى استأجرت غرفة في البطحاء ب ٦٠ ريال باليوم ، ولاحظت ان البنقالي بدأ يتقرب مني ويقدم خدماته لي وانا كنت متوقع اني معجبهم لاني شغييل واخدمهم .
في بداية شهر ٨ / ١٤١٦ جلس معي البنقالي راعي البقالة وصديقة اللي يدير المصنع وقالوا انت تشبهه كفيلنا وكفيلنا عنده ملايين في البنك ، نزور لك بطاقتة الشخصية ورخصة سواقته وتعلم كيف توقع مثل توقيعه ونقدر نسحب من حسابه اللي نبغى ، انا بدون تردد رفضت وقلت مقدر وصعبة وماراح اسويها .
جلست كم يوم وهم يحاولون يقنعوني وبعد شفت البطاقة والرخصة المزورة وانه الشبهه طبق الاصل ومحد ملاحظ وافقت،وبديت اتعلم اضبط توقيعه وكتابته ، واتفقنا نسحب ٤٠٠ الف لي ٢٠٠ الف ولكل واحد منهم ١٠٠ الف وراح نخطط اننا بنشتغل فيها ونفتح مشاريع لانهم ناويين يسحبون ع كفيلهم ويشتغلون معي .
انا بطبعي مب جريء او قوي قلب بالعكس فيني خوف وتردد وبعد كم يوم من اتفاقنا دخلني الخوف والشك والقلق اكثر واكثر وقلت لهم ماراح اسوويها وما اقدر ، يمكن يدقون ع تلفون بيته او بيجره يتأكدون لو البنك بكرى الرياض بالقصيم مثلاً يمكن اهون علي ، انا ادور اي كلام او اعذار عشان افتك منهم .
قالوا لي اجل هو دايم يتردد للشرقية الدمام والخبر عنده اشغال هناك ، رح للبنك هناك في الشرقية واسحب وقول نسيت الشيكات بالبيت بالرياض ومحتاج كاش الحين ، راح نزور كل شي البطاقة والرخصة واستمارة سيارتك واللوحات والتوقيع انت عارفه ومتقنه راح يقتنعون انه انت لانك شكلك نفسه ١٠٠٪
وافقت ع الخطة هذي واتفقنا وكان يوم اربعاء وقلت ابطلع للديرة الليلة وارجع الثلاثاء الجاي القى كل شي جاهز عندكم وحتى اكون صباح الخميس في الدمام والساعة ١١ ادخل البنك واسحب المبلغ ، قالوا كل شي بيكون جاهز وراح نشتري لك ثوب وملابس داخلية وشماغ جديدة وجزمات عشان مظهرك يكون مناسب ولايق
رجعت لديرة وانا بالي مشغول في هالخطة وعجزت ارتاح ولا انام زين،بس اقول في نفسي لازم اسويها مصلحتي ومستقبلي مع هالبنقالية لو اجيب هالفلوس واشتغل معهم في ٣ سنوات بالكثير ابكون غني ، في ٣ الشهور اللي جلست معهم عرفت انهم شاطرين في كسب الفلوس وبسهولة وبطرق واساليب مشروعة وغير مشروعة
جيت اودع جدتي وخواتي وكان عصر الثلاثاء نص شهر ٨ / ١٤١٦ تقريباً وكان ايام برد لكن ذاك العصر جات عجه قوويه وحتى جدتي قالت لا تروح الحين خل روحتك بكرى ، قلت ابمشي الحين وماعلي خلاف ان شاء الله وابجلس اسبوعين بالرياض عندي اشغال لكن ابصوم معكم ، ومشيت للرياض
#رحت_مع_العجة
#رحت_مع_العجة
وصلت الرياض وقابلت البنقالية كان يوم اربعاء وكان مجهزين الاوراق وكل شي يخص الخطة وابمشي الليلة لدمام لان لازم اكون صباح الخميس عند البنك لانه كان في ذاك الوقت يقفل البنك ظهر الخميس ولا يفتح الا صباح السبت،ادخل البنك١٠:٣٠واطلب سحب المبلغ لاني محتاج كاش وكذا وحتى مايكون هناك تدقيق
الدمام رحت له مرة قبل شهر تقريباً وديت بضاعة بسيارتي من مصنعهم مع سيارة ثانية تخص البنقالية لمستودع هناك بصد رد لاجلسنا ولا ارتحنا بس نزلنا البضاعة ورجعنا ع طول لكن عرفت الطريق لشرقية ولدمام وهناك ابسأل عن البنك وين مكانه وراح اكون من بدري بنفس الشارع حتى اكون مستعد وما ارتبك
بعد صلاة المغرب جابوا اللي البطاقة الشخصية ورخصة السواقة واستمارة سيارة ولوحات كلها مزوره وباسم كفيلهم حتى جابوا لي صورة من كرت العايلة حقته وبعض المستندات وايصالات فيه توقيعه حتى مايكون فيه مفاجئات او شي زيادة حرص يعني ،غيرنا اللوحات واخذت ملابسي الجديدة والجزمات حتى البسهم بكرى
اعطيت البنقالية شنطة دبلوماسية صغيرة كانت معي دايم بالسيارة (كانت لجدي الله يرحمة)حاط فيها ملفي وشهادتي الثانوية وصور الشهادة وصور شخصية واوراق لي عشان التقديمات بالعسكرية،ومرتبة المعاون كنت شاقها ع جنب خفيف احط فيها فلوسي وبطاقاتي (مخبأ سري)حطيت فيها بطاقتي الشخصية ورخصتي .
مشيت للدمام وانا كلي أمل ان هالفلوس راح تغنيني وهي اللي بتطلعنا من الديرة واعيش بالرياض وحتى فكرة اني اتوظف عسكري شلتها من بالي ، ابشتغل مع هالبنقالية عمل حر واكثر فلوس وبدون مسؤوليات أو التزام بوظيفة
وصلت الدمام آخر الليل كان برد الجو وحاولت انام بالسيارة ماقدرت وعيا يجين النوم،الصبح بدري رحت اشوف وين البنك وبعد ماسألت عرفت مكانه ورحت افطر في مطعم قريب منه ثم رحت ووقفت في شارع قريب من شارع البنك وغيرتي ملابسي وتكشخت وضبطت وضعي وجهزت الاوراق واعيد في نفسي الكلام اللي ابقوله
دخلت البنك الساعة ١٠ شفت انه زحمة شووي قلت ابدخل الحين حتى مايروح الوقت وانا ماوصلني الدور،كان ذاك الوقت تقف في طابور عشان تصل للصراف يخدمك، وانا واقف بالطابور الصراحة جاني خوف وارتباك واحس كل اللي في البنك كاشفيني وكم مره اقول في نفسي اطلع راح تنكشف راح تنكشف بس تشجعت وبقيت
وصلني الدور ووقفت قدام الصراف او المحاسب ، انصك حلقي وضاع الكلام وماقدرت انطق بكلمة ونسيت كل شي،اسمه ووش ابغى وبس رحت اطلع الاوراق والبطاقات وانظر في المحاسب وواضح بعيوني الخوف وعرقت بقوة ورحت التفت يمين ويسار بدون شعور وانا اترك الطابور واطلع من البنك وفي بالي انهم بيمسكوني
طلعت من البنك وانا ودي اركض وانحاش بس من الخوف والربكة ماقدرت الا امشي وبسرعة وبدون ما التفت وخايف انهم ينادوني ، ركبت سيارتي كنت موقفها شووي عن البنك وبسرعة طلعت من الشارع ومن الدمام ووقفت في محطة ع اول طريق الدمام الرياض،ورحت اهدي نفسي واللعن نفسي ع الضعف والخوف اللي فيني .
عرفت ان هالامور والاشياء تبغى واحد قلبه قوي وجامد وثقه ولايخاف من وش بيصير لو اكشفوه ، تدربت ع الوقفه قدام الصراف عشرات المرات وحسيت انه سهل مره بس بالواقع ضاعت علومي وما قدرت حتى اتكلم وبغيت اعلم ع نفسي من شدة الخوف والربكة
مير الله ستر
مير الله ستر
ابرجع للرياض وابعلم البنقالية اني فشلت وماقدرت اسحب الفلوس ، بعد صلاة الظهر عبيت السيارة بنزين ومشيت للرياض وكان الجو بارد وانا للحين الخوف فيني وبعد تعبان ومرهق وما نمت واول مرة بحياتي اكون مواصل ٢٤ ساعة وما تعودت على السهر اصلن ولا السواقة وانا مواصل ولا راح يجيني نوم اصلن
وبعد مامشيت بحوالي ١٥٠ كيلو او اكثر شوي الظاهر اني غفيت ونمت او دخت ما ادري وش صار الصراحة بس المهم ان السيارة طلعت عن الخط والمسارات وتقلبت كم قلبة (الى الحين ما اذكر هالموقف)بس من شاف السيارة بعد الحادث قال هذا مستحيل يعيش اكيد ميت
الحادث كان يوم الخميس ٢٠ / ٨ / ١٤١٦
الحادث كان يوم الخميس ٢٠ / ٨ / ١٤١٦
جاء الاسعاف ونقلني لمستشفى الدمام وكنت في غيبوبة تامة وحالتي خطرة ودخلوني للعناية المركزة والغيبوبة استمرت معي ٦ شهور ماصحيت ابد من ٢٠ /٨ الى ٢٢ / ٢ / ١٤١٧ وصحيت لكن اخذت يمكن ٣ ايام ما ادري عن اي شي لا اسمي ولا اتذكر شي ابد لكن ادري اني بالمستشفى وفيني شي .
المستشفى يوم السبت بعد الحادث بيومين بحثوا عن رقم اللي انا اخذ اسمه ولقو رقم تلفون بيته ودقوا عليه وبالصدفة رد نفس الشخص (كفيل البنقالية) وقالوا هذا بيت فلان الفلاني وقالهم نعم بيته،قالوا اجل ترى صاير عليه حادث وهو في غيبوبة الحين،قالهم انا فلان الفلاني ومافيني الا العافية
قالوا المستشفى بطاقته الرسمية عندنا اسمه فلان بن فلان الفلاني وسجله المدني كذا وتاريخ ميلاده كذا ورقم الحفيظة كذا وصاير عليه حادث له يومين وفي غيبوبه ، قال صح هذي بياناتي كلها بس بطاقتي الشخصية معي وموجودة عندي ولا ضيعتها واكيد فيه خطأ
كفيل البنقالية سافر لشرقية ع طول وراجع المستشفى والمرور وامن الطرق واكتشفوا اني مزور كل شيء والسيارة عرفوا انها ب اسم جدي من هيكل السيارة طلعوه لكن ماعرفوا من انا لان جدي متوفي وماعنده عيال وتوقعوا السيارة مسروقة وانا بعد توقعوا اني اجنبي من مخالفين انظمة الاقامة .
بعد ٣ ايام من صحيت من الغيبوبة بديت استرجع الذاكرة واتذكر الاحداث واعرف اسمي وكل شي تقريباً بس ما ادري ليش انا منوم بالمستشفى ، احياناً اقول مصدوم او مضروب او صاير لي شي وجاء ع بالي جدتي وخواتي وابسأل عنهم بس ما اقدر،فمي فيه لي وراسي مثبت وجسمي مثبت مافيه الا عيوني بس تتحرك
جدتي وخواتي كنت موعدهم اصوم معهم لكن تأخرت جيتي لهم وانتظروا وانتظروا وصار عيد الفطر ماباقي عليه الا ايام ، وراحت جدتي تستفزع بجيراننا وتقول محمد له شهر ما جاء ، قالوا لها وين ندوره بالرياض ؟ ماراح نلقاه وترى يمكن داخل دورة عسكرية مالنا الا ننتظره وعسى الله يجيبه .
بعد ١٠ ايام تقريباً فكوا عني الاجهزة وقالي الدكتور بكرى راح ننزلك لقسم التنويم والحمد لله حالتك مستقرة كان عندك ضربة بالرأس وكسور بالضلوع وكدمات بجسمك لكن تشافيت ومع الوقت راح تتحسن وتقدر تمشي ، وانا ابحاول اتكلم ماقدرت لساني ثقيل وبس احرك عيوني وحواجبي ابسألهم عن جدتي وخواتي .
من طلع الدكتور وانا بس اصيح واصيح وانهرت توقعت ما اقدر اتكلم او امشي وبعد ذبحني الهم ابسأل عن جدتي وخواتي وماقدرت ، نزولني تحت لقسم تنويم الجراحة وفيه بالغرفة معي ٤ مرضى غيري وانهرت بعد رحت اصيح ويحاولون بعض المرافقين يهدوني ماقدروا عجزت امسك نفسي وجات الممرضه وعطتني ابرة مهديه
انا ما اقدر اتحرك ابد ولا احرك يديني ولا رجولي واصابعي متشدده ومتشنجة ورقبتي عليها حامي ولازم الممرضات يخدومني لكن بعد كم يوم خف التورم بلساني وبديت اتكلم خفيف وازعجت الممرضات ابي مسؤول او سعودي ابكلمة لازم لازم وبعد ما ازعجتهم بقوة جاء ممرض سعودي عندي وبيشوف وش ابغى .
قلت ابسألك عن جدتي وخواتي يعرفون عني شي ويدرون اني هنا،قال اول شي حنا خن نعرفك عنك شي ، لك ٦شهور منوم عندنا وفي غيبوبة ومسجل مجهول،قلت انا فلان الفلاني واثباتاتي بالسيارة ،قال لا ماهي لك الاثباتات مزورة،قلت صح اللي في ثوبي ومعي مزورة لكن اثباتاتي موجودة بالمخبأ السري بالمرتبة
على التعب والاسقام اللي فيني وحالتي الصعبة لكن اكثر شي ذبحني كثر التفكير في جدتي وخواتي ، ابي اطلع او ابي احد يروح لهم ويطمني عنهم ما ابي شي ثاني ، وكل مافكرت فيهم انهرت ورحت اصيح واصيح حتى المرضى اللي في نفس الغرفة راحوا يتشكون من ازعاجي ، كنت في موقف ضعف لا احسد عليه
مع الايام بديت اتحرك واقوم بمساعدة احد من الموجودين واخدم نفسي وكل شوي حالتي افضل وكل يوم افضل وافضل وقدرت امشي لكن بصعوبة وما خليت احد من المرافقين او الزوار ما طلبته او ترجيته يطمني عن جدتي وخواتي وكلهم يتعذرون لان الديرة بعيدة ولا يعرفون احد بالقصيم حتى يقدرون يخدموني
بعد اكثر من شهر ونص من صحيت من الغيبوبة قدرت امشي بصعوبة ووقت بسيط وارجع لسرير لان ظهري يذبحني الالم قوي ، وكان وقت اجازة(العطلة الطويلة)وكان كل عصر جمعة يجون المحتسبين للاجر لزيارة المرضى وكنت اقولهم عن موضوع اهلي وانهم مايدرون عني ولا عن حادثي ولالهم غيري في الدنيا احد
في عصر جمعة بعد شهرين يعني شهر٤ كان فيه اثنين من الشباب مطاوعة يزورون المرضى يحتسبون الاجر مروني وتحمدوا لي بالسلامة وقلت اجلسوا ابيكم بفزعة تكفون وعلمتهم بسالفة اهلي وودي اتطمن عليهم ولو اني اقدر امشي كان طلعت ورحت لهم لكن انا لي ٨ شهور ما ادري عنهم شي واكيد مايدرون اناحي اوميت
قالوا حنا كنا طلاب بجامعة الامام في بريدة ونعرف شباب هناك راح نقولهم السالفة وان شاء الله بيخدمونك ، واخذوا رقم المستشفى وتحويلة الغرفة وقالوا اذا لقينا احد بيخدمك خليناه يتصل عليك وتفاهم معه،وبعد ٣ ايام جاء اتصال لتلفون الغرفة ويبغاني ورحت اكلمه قال انا من بريدة تبغى اخدمك بشيء
علمته بالسالفة وقلت ديرتي كذا تعرفها،قال اعرفها اكثر من ١٥٠ كيلو عنا وابروح هاليومين لديرتك وابشوف اهلك واطمنهم عنك واعلمهم ب اللي صار لك واذا رجعت راح ادق عليك واعلمك وش صار،قلت الله يجزاك خير والله شلت هم كبير عن صدري ،راح انتظر اتصالك.
(طبعاً ماعلمت احد عن سالفة الخطةوالتزوير)
(طبعاً ماعلمت احد عن سالفة الخطةوالتزوير)
صار الوقت بطيء بطيء واليوم احسه طويل واحس بتوتر وقلق ومع كل رنة تلفون افز حتى لو يدق التلفون بالغرف الثانية اللي قبل لو يدق ٢٤ ساعة ما اهتميت لاني عارف محد داق عشاني او يسأل عني ، اتعبني التفكير في جدتي وخواتي ابي اتطمن عليهم ماعاد فيني صبر ابد
بعد ٤ ايام او ٥ ايام دق علي اللي من بريدة وقال ابشرك جدتك وخواتك بخير ومافيهم الا العافية ، رحت لديرتك ولقيتهم في البيت وحالتهم زينة وامورهم طيبة و علمتهم عن اللي صارلك وطمنتهم عنك وقلت لهم اذا طلع من المستشفى بيجيكم ويرجعلكم بالديرة ، ورحت اتشكره وادعيله وانا ابكي .
الاثنين المطاوعة تعاطفوا معي ومع سالفتي وان مالي احد بالشرقية وصاروا يزوروني باستمرار ويسولفون معي ويضحكوني و يحدثون علي ويقرون قرآن عندي وبعض المرات يجون معهم اصدقائهم مطاوعة مثلهم واستانست معهم وحبيتهم وحبيت جوهم وجلستهم وساعدوني وخدموني وجابوا لي اشياء احتاجها وماقصروا معي ابد
مر على الوضع كذا شهر او اكثر وحالتي تحسنت جسدياً ونفسيا لكن كنت خايف من التحقيق ومن الشرطة وكيف زورت البطاقات ووش اسمك لان للحين انا بالسجلات الرسمية للمستشفى مسجل(مجهول)لكن الممرضات والدكاترة وبعض المرافقين يعرفون اني محمد وقلت للمطاوعة عن مكان بطاقاتي واني ابيهم وماقصروا جابوها
قبل يومين من اقول للمطاوعة عن مكان بطاقاتي والمخبأ السري في سيارتي المنقلبة والموجودة في حجز المرور جاني زاير في الصبح وقت الزيارة فيه ممنوعة وتوقعته من المرافقين بالغرف الثانية ولا ركزت فيه رغم انه يشبهني كثير لكن مع كثرت اسألته وتحقيق معي عرفت انه كفيل البنقالية
يقول ليش منتحل شخصيتي ومزور بطاقاتي وش كنت ناوي عليه ومن معك اكيد البنقالي فلان ووش كنتوا ناوين عليه ابيي اعرف ؟
قلت لا اعرف البنقالي ولا زورت شي ولا اعرفك ولا اعرف شي عنك
قال وش جاب اثباتاتي معك ؟ انا ما ابي شي منك وابتنازل عنك بس ابي اعرف ليش ؟
قلت ما اعرف شي واطلع برا
قلت لا اعرف البنقالي ولا زورت شي ولا اعرفك ولا اعرف شي عنك
قال وش جاب اثباتاتي معك ؟ انا ما ابي شي منك وابتنازل عنك بس ابي اعرف ليش ؟
قلت ما اعرف شي واطلع برا
قال راح اسحبك للشرطة والمحاكم واسجنك وماراح اتنازل عنك ، قلت ترى اعرف كل شي عنك وعن عمالك وعن مصنعك المخالف وعن كل اشغالك
لكن اطلع لا انادي الموجودين عليك واقول يهددني ، وطلع من عندي وعرفت اني لازم اطلع من المستشفى هالوقت لو على مسؤوليتي حتى ما ابتلش بتحقيق الشرطة واكيد ابنسجن
لكن اطلع لا انادي الموجودين عليك واقول يهددني ، وطلع من عندي وعرفت اني لازم اطلع من المستشفى هالوقت لو على مسؤوليتي حتى ما ابتلش بتحقيق الشرطة واكيد ابنسجن
قلت للمطاوعة بعد ماجابوا اثباتاتي اني ابطلع اليوم من المستشفى لو على مسؤوليتي ، وقالوا مايصلح لازم الطبيب يكتب لك خروج ويسمح لك،قلت انا بخير وماعاد فيني صبر ابرجع للديرة وانا خلاص طالع طالع ، قالوا انتظر لبكرى وراح نطلعك ونحجز لك بالنقل الجماعي يوديك لبريدة والعيال يستقبلونك هناك
طلعت من المستشفى وبدون ما احد يدري من ادارة المستشفى او الممرضين وكان المطاوعة حاجزين لي في النقل الجماعي وعطوني ٢٠٠ ريال وكان هذا بالاسبوع الاول من شهر ٦ / ١٤١٧ وقالوا ترى كلمنا الشباب في بريدة وراح يستقبلونك هناك ، صح كان ظهري يوجعني وبصعوبة امشي لكن كنت فرحان اني ابرجع للديرة
ركبت ومشينا على النقل الجماعي وابي اوصل لبريدة بأسرع وقت(بريدة ماجيتها ابد حتى المطاوعة استغربوا من القصيم ولاجيت بريدة)والنقل الجماعي بطيء ومافيه ديرة بالطريق مايمرها وتأخرنا بالرياض في موقف لهم بالبطحاء اللي اعاد لي ذكرياتي فيها وتمنيت ماعرفت البطحاء ولاجيت الرياض
ووصلت بريدة
ووصلت بريدة
استقبلني في بريدة شاب مطوع نفس هيئة الشباب المطاوعة اللي بالدمام
بعد رحب فيني وركبت معه بالسيارة توقعت نمشي ع طول لديرة قال الحين بتريح عندنا باستراحتنا وبعدين نودييك ديرتك
والصراحة انا النقل الجماعي ذبح ظهري الآلام زادت وما ارتحت والمسافة طويله واحس حتى ما اقدر اوقف وامشي ٥دقايق
بعد رحب فيني وركبت معه بالسيارة توقعت نمشي ع طول لديرة قال الحين بتريح عندنا باستراحتنا وبعدين نودييك ديرتك
والصراحة انا النقل الجماعي ذبح ظهري الآلام زادت وما ارتحت والمسافة طويله واحس حتى ما اقدر اوقف وامشي ٥دقايق
وصولي لبريدة كان بعد صلاة العشاء ورحنا لاستراحتهم
مليانه شباب واكثرهم مطاوعة وجلست عندهم اتسمع بسوالفهم وتعليقهم ومزحهم ع بعض وانا بطبعي لا اعرف اسولف ولا اعرف اتعرف بسرعة فيني خجل واستحي وبس مستمع وان سالتني جاوبت ع قدر سؤالك وبعد ماتعشينا قلت للي استقبلني مشينا ودني الديرة
مليانه شباب واكثرهم مطاوعة وجلست عندهم اتسمع بسوالفهم وتعليقهم ومزحهم ع بعض وانا بطبعي لا اعرف اسولف ولا اعرف اتعرف بسرعة فيني خجل واستحي وبس مستمع وان سالتني جاوبت ع قدر سؤالك وبعد ماتعشينا قلت للي استقبلني مشينا ودني الديرة
قال ديرتك بعيدة وحنا اللي عنده دوام واللي عنده دراسه اجلس يومين للخميس ونوديك لديرتك واللي عنده يقولون منت رايح الحين ومافيه احد بيوديك الا الخميس عشان اجازة
عاد جلست وكانت اطول يومين في حياتي مشتاق لجدتي وخواتي ١٠ شهور ماشفتهم
حبيت الشباب اخلاقهم عاليه ومزوحين وكرماء وماينملون
عاد جلست وكانت اطول يومين في حياتي مشتاق لجدتي وخواتي ١٠ شهور ماشفتهم
حبيت الشباب اخلاقهم عاليه ومزوحين وكرماء وماينملون
صبح الخميس مروني ٢ من الشباب وبنمشي لديرتي ومع الطريق سوالف وكذا ويسألوني انت بالجامعة قلت لا
علمتهم بوضعي وطموحي وان اموري ووضعي ماتسمح اني ادرس واني ادور عسكرية وودي اطلع من الديرة
قالوا اجل حنا ندبرك وبنساعدك وبنخليك تسكن في بريدة انت واهلك وتتوظف وتدرس الجامعة وامورك بتزين
علمتهم بوضعي وطموحي وان اموري ووضعي ماتسمح اني ادرس واني ادور عسكرية وودي اطلع من الديرة
قالوا اجل حنا ندبرك وبنساعدك وبنخليك تسكن في بريدة انت واهلك وتتوظف وتدرس الجامعة وامورك بتزين
ما اخذت كلامهم بجديه لانهم شباب بعمري وسني وطلاب جامعة وبيوظفوني وكنت مشغول اصلن بالتفكير في شوفة جدتي وخواتي
وصلنا الديرة وكان قبل ظهر الخميس ودخلت بيتنا وسلمت ع جدتي وخواتي
الشباب رفضوا يدخلون وقالوا بنتمشى ونجييك بعد المغرب
وجلست مع جدتي وخواتي وناخذ اخبار بعض ونتطمن ع بعض
وصلنا الديرة وكان قبل ظهر الخميس ودخلت بيتنا وسلمت ع جدتي وخواتي
الشباب رفضوا يدخلون وقالوا بنتمشى ونجييك بعد المغرب
وجلست مع جدتي وخواتي وناخذ اخبار بعض ونتطمن ع بعض
قبل المغرب مروني الشباب وقلت لهم جدتي جهزت العشاء وحلفت تتعشون عندنا وقالوا تم
وجلست وسمرت مع الشباب ذيك الليله واستغربوا ان معلوماتي بالكورة والاندية والاغاني والفنانين والتلفزيون والبرامج (صفر )وان ماعندي هواية او شغف فيها ابد
قالوا بمزح اجل انت مطوع وتصلح مطوع
وجلست وسمرت مع الشباب ذيك الليله واستغربوا ان معلوماتي بالكورة والاندية والاغاني والفنانين والتلفزيون والبرامج (صفر )وان ماعندي هواية او شغف فيها ابد
قالوا بمزح اجل انت مطوع وتصلح مطوع
الصراحة اني ودي اصير مطوع والتزم واحافظ ع صلاتي وفي بالي هالشيء
بعد ماتعشوا قالوا بنمشي ودك ترجع معنا ، قلت انا ابجلس هنا والاسبوع الجاي ابجيكم ، وقالوا تبغى نجيبك الاسبوع الجاي قلت انا ادبر نفسي ماعليكم
واخذت رقم تلفون بيتهم اذا جيت بريدة دقيت عليهم
وشكرتهم ع اللي سووه لي
بعد ماتعشوا قالوا بنمشي ودك ترجع معنا ، قلت انا ابجلس هنا والاسبوع الجاي ابجيكم ، وقالوا تبغى نجيبك الاسبوع الجاي قلت انا ادبر نفسي ماعليكم
واخذت رقم تلفون بيتهم اذا جيت بريدة دقيت عليهم
وشكرتهم ع اللي سووه لي
اهل الديرة سوو لي عشاء واحتفال عشان سلامتي وعودتي
وبعد ٥ ايام من رجعتي لديرة قالي واحد من شباب ديرتي انه بيروح لبريدة قلت اخذني معك ونزلني هناك
ورحت لبريدة معه ودقيت ع الشباب المطاوعة وجوا واخذوني وجلست عندهم تقريباً شهر في استراحتهم وصرت رفيق لهم واخاويهم في مشاويرهم وطلعاتهم
وبعد ٥ ايام من رجعتي لديرة قالي واحد من شباب ديرتي انه بيروح لبريدة قلت اخذني معك ونزلني هناك
ورحت لبريدة معه ودقيت ع الشباب المطاوعة وجوا واخذوني وجلست عندهم تقريباً شهر في استراحتهم وصرت رفيق لهم واخاويهم في مشاويرهم وطلعاتهم
شلة شباب مطاوعة وملتزمين ومالهم مطمع بالدنيا ابد ، طلاب علم ودراسة وجلسات ذكر وحلقات تحفيظ وحضور محاضرات دينية ومجالسة مشايخ وعلماء
شهر معهم تأثرت فيهم تأثر كبير وحبيت هالحياة وابيها وعندي رغبة اتطوع
واصلن بان علي الالترام والتدين وحاب ارافقهم في هالشي .
شهر معهم تأثرت فيهم تأثر كبير وحبيت هالحياة وابيها وعندي رغبة اتطوع
واصلن بان علي الالترام والتدين وحاب ارافقهم في هالشي .
الشباب اللي اجلس معهم بالاستراحة عارفين وضعي وكلموا لي مشايخ وناس واصلين عشان يساعدوني بوظيفه او سكن
وبشروني وقالوا فيه مسجد بيفتتح قبل رمضان بكم يوم بتصير انت مؤذن والمسجد هذا فاعل الخير اللي بانييه باني بيت للامام وبيت للمؤذن وبيكون بيت المؤذن لك وجيب اهلك فيه
وبشروني وقالوا فيه مسجد بيفتتح قبل رمضان بكم يوم بتصير انت مؤذن والمسجد هذا فاعل الخير اللي بانييه باني بيت للامام وبيت للمؤذن وبيكون بيت المؤذن لك وجيب اهلك فيه
كان باقي ع رمضان شهر تقريباً والنصف الاول الدراسي لذييك السنه ينتهي اول اسبوع من رمضان
صرت مؤذن واستلمت مفتاح البيت واول ماخلصوا خواتي الاختبارات وعطلوا رحت وجبتهم لبريدة وسكنا بالبيت وكان اول اسبوع من رمضان ١٤١٧
ما اخذنا شي من بيتنا بالديرة لان اصلن مافيه شي الا اغراض بسيطة
صرت مؤذن واستلمت مفتاح البيت واول ماخلصوا خواتي الاختبارات وعطلوا رحت وجبتهم لبريدة وسكنا بالبيت وكان اول اسبوع من رمضان ١٤١٧
ما اخذنا شي من بيتنا بالديرة لان اصلن مافيه شي الا اغراض بسيطة
البيت مكان فيه الا مكيفات لكن اهل الخير ماقصروا اثثوا البيت وجابوا اغراض واجهزة ومؤونه للمطبخ
وفي رمضان يكثر المتبرعين واللي يبغون الخير وحتى فلوس يعطوننا لان جدتي وخواتي يصلون التراويح والحريم اللي معهم يشفقون على حالتهم
على فكرة اول مرة اصلي تراويح لكن كان احلى رمضان يمر علي
وفي رمضان يكثر المتبرعين واللي يبغون الخير وحتى فلوس يعطوننا لان جدتي وخواتي يصلون التراويح والحريم اللي معهم يشفقون على حالتهم
على فكرة اول مرة اصلي تراويح لكن كان احلى رمضان يمر علي
صرت متشدد بالدين والصلاة وضغطت ع خواتي وخليتهم يحضرون محاضرات دينية ويسجلن بحلقات تحفيظ ويحضرن صلاة التراويح والقيام
وانا تقوت علاقتي مع الشباب المطاوعة وصرت احرص ع خوتهم والاستفاده من معرفتهم ب اماكن المحاضرات ومجالس الذكر والمشايخ وصار هذا همي الوحيد
وانا تقوت علاقتي مع الشباب المطاوعة وصرت احرص ع خوتهم والاستفاده من معرفتهم ب اماكن المحاضرات ومجالس الذكر والمشايخ وصار هذا همي الوحيد
في ٢٥ رمضان قالوا لي بعض الشباب المطاوعة اللي بالاستراحة بنروح يومين لمكة نعتمر اذا بتخاوينا قلت معكم
وبعد ماتزهل امام المسجد بالآذان رحت مع الشباب لمكة وكان اول مرة بحياتي اروح لمكة واعتمر واصلي بالمسجد الحرام
شعور لايوصف خلاني اكثر رغبة بالالتزام وحبيت الشباب اكثر واكثر
وبعد ماتزهل امام المسجد بالآذان رحت مع الشباب لمكة وكان اول مرة بحياتي اروح لمكة واعتمر واصلي بالمسجد الحرام
شعور لايوصف خلاني اكثر رغبة بالالتزام وحبيت الشباب اكثر واكثر
بعد عيد الفطر رحت انقل واجيب ملفات خواتي من مدرستهم بالقرية جنب ديرتنا لان الفصل الدراسي الثاني بدأ
خواتي وقتها بالمرحلة المتوسطة،الكبيرة بثالث متوسط والصغيرة ب اول متوسط
وكان من رجال الخير والكثر في بريدة عطاني سيارة(تايوتا تيرسل)مستعملة وقال تخدمك داخل بريدة وتقضي عليها مشاويرك
خواتي وقتها بالمرحلة المتوسطة،الكبيرة بثالث متوسط والصغيرة ب اول متوسط
وكان من رجال الخير والكثر في بريدة عطاني سيارة(تايوتا تيرسل)مستعملة وقال تخدمك داخل بريدة وتقضي عليها مشاويرك
اخذت ع هالحال شهور من المسجد للبيت للمحاضرات الدينية وحلقات التحفيظ وكنت حريص ومجتهد حتى ع خواتي وسجلتهم بحلقة تحفيظ
وكنت مرتاح نفسياً وحاب هالعيشة لو ان ظهري كان يوجعني دايم بس حنا طلعنا من الديرة ولقينا حياة ثانية بعيد عنها هان علي كل شي لو ان جدتي ضاق خلقها وطفشت من جلسة البيت
وكنت مرتاح نفسياً وحاب هالعيشة لو ان ظهري كان يوجعني دايم بس حنا طلعنا من الديرة ولقينا حياة ثانية بعيد عنها هان علي كل شي لو ان جدتي ضاق خلقها وطفشت من جلسة البيت
في شهر ٣ / ١٤١٨ وكان وقت اجازة(العطلة الطويلة)اخذت جدتي وخواتي لمكة بنعتمر وكان اول مرة بحياتهم يسافرون
وكانت اختي محتفظة برقم تلفون بيت امي عطته امي لها في آخر مره جات عندنا وكان في عزاء جدي قبل اكثر من ٤ سنوات
وفي طريق رجعتنا رحنا ل امي بالطايف وجلسنا عندها يوم ورجعنا لبريدة
وكانت اختي محتفظة برقم تلفون بيت امي عطته امي لها في آخر مره جات عندنا وكان في عزاء جدي قبل اكثر من ٤ سنوات
وفي طريق رجعتنا رحنا ل امي بالطايف وجلسنا عندها يوم ورجعنا لبريدة
في هالفترة قال لي احد الشباب ليه ماتسجل بجامعة الامام قسم شرعية او اي تخصص وتدرس معنا
قلت شهادتي واوراقي ضيعتها بالحادث(شهادتي اخر عهدي فيها بالشنطة اللي عطيتها البنقالي قبل اروح لشرقية)وقال عادي تطلع بدل فاقد ونصيحة لك كمل دراستك وقلت ان شاء الله وانا الصراحة مالي خاطر بالدراسة
قلت شهادتي واوراقي ضيعتها بالحادث(شهادتي اخر عهدي فيها بالشنطة اللي عطيتها البنقالي قبل اروح لشرقية)وقال عادي تطلع بدل فاقد ونصيحة لك كمل دراستك وقلت ان شاء الله وانا الصراحة مالي خاطر بالدراسة
واستمريت ع هالحال والوضع ٧ سنين تقريباً وانا ما اترك المحاضرات الدينية والندوات ومجالس الذكر ومصاحبة المشايخ وحلقات التحفيظ وحفظت اجزاء كثيرة من القران الكريم وتثقفت دينياً وحريص مايفوتني شيء
وكان اخر همي الوظيفة والفلوس والامور الدنيوية ومكتفي براتب المؤذن وراضي بحالي ووضعي
وكان اخر همي الوظيفة والفلوس والامور الدنيوية ومكتفي براتب المؤذن وراضي بحالي ووضعي
في حج ١٤٢٤ حجينا لاول مرة انا وجدتي وخواتي مع حملة خيرية مجانية
وفي اثناء الحج تعرفت ع شباب مطاوعة مثلي من مدن قريبة منا وصار لنا تواصل وعلاقات وعزايم بعد مارجعنا للقصيم
لو مافيه هالحملات الخيرية كان ماقدرت احج او احجج جدتي لان الامور المالية عندي ضعيفة ولاعندي مقدرة مالية ابد
وفي اثناء الحج تعرفت ع شباب مطاوعة مثلي من مدن قريبة منا وصار لنا تواصل وعلاقات وعزايم بعد مارجعنا للقصيم
لو مافيه هالحملات الخيرية كان ماقدرت احج او احجج جدتي لان الامور المالية عندي ضعيفة ولاعندي مقدرة مالية ابد
في صيف ١٤٢٥ تزوجن خواتي في خلال شهر واحد وكان بسبب صديقاتهن وخوياتهن بحلقات التحفيظ ودّور القران اخطبوهن لاقاربهم
زواجهم كان خاص ومختصر وبدون تكاليف كثيرة ، وبقيت انا وجدتي لحالنا في البيت وجدتي ذاك الوقت كانت مب نشيطة واصلن من جينا لبريدة وهي كل سنة صحتها اقل من السنة اللي قبل
زواجهم كان خاص ومختصر وبدون تكاليف كثيرة ، وبقيت انا وجدتي لحالنا في البيت وجدتي ذاك الوقت كانت مب نشيطة واصلن من جينا لبريدة وهي كل سنة صحتها اقل من السنة اللي قبل
صارت جدتي تتعب باستمرار ودايم اوديها للمستشفى واستمريت ٣سنوات كذا حتى انشغلت وانقطعت عن الشباب واغيب عنهم كثير وقليل اروح لاستراحتهم
جدتي مافيه الا انا اللي اقوم فيها واخدمها لان خواتي انشغلن مع ازواجهم وبيوتهم وقليل يجون عندنا
وفي عام١٤٢٨تعبت جدتي كثير وتوفت في رمضان بالمستشفى
جدتي مافيه الا انا اللي اقوم فيها واخدمها لان خواتي انشغلن مع ازواجهم وبيوتهم وقليل يجون عندنا
وفي عام١٤٢٨تعبت جدتي كثير وتوفت في رمضان بالمستشفى
في الفترة اللي كانت فيه جدتي تعبانه قالي احد الاخوة اذا لي رغبة بالزواج انه بيتوسط لي عند قريبة له بس شرطها بتروح ابتعاث لامريكا وانه فرصة لي زواج وابتعاث ودراسة
قلت مايصلح ياشيخ اخلي زوجتي تدرس برى واجانب واختلاط وثاني شي جدتي تعبانه وما اقدر اخليها ورفضت واصلن ماجازلي كلامه
قلت مايصلح ياشيخ اخلي زوجتي تدرس برى واجانب واختلاط وثاني شي جدتي تعبانه وما اقدر اخليها ورفضت واصلن ماجازلي كلامه
بعد توفت جدتي بفترة قصيرة تركت الآذان وسلمت البيت ورحت اطلب اللي لي معهم علاقة ومعرفة يدورون لي وظيفة
وتوظفت ببداية ١٤٢٩ في احد المدارس مراسل ع بند الاجور وكنت ساكن ب استراحة الشباب المطاوعة اللي تفرقوا اكثرهم
اللي تزوج واللي توظف برا القصيم واللي انشغل في اعماله الخاصة
وتوظفت ببداية ١٤٢٩ في احد المدارس مراسل ع بند الاجور وكنت ساكن ب استراحة الشباب المطاوعة اللي تفرقوا اكثرهم
اللي تزوج واللي توظف برا القصيم واللي انشغل في اعماله الخاصة
بقيت موظف ع بند الاجور اكثر من ٥ سنوات والصراحة كان عندي رغبة اتزوج بس الراتب قليل ونصه راح ع قسط سيارة
تركت استراحة المطاوعة ورحت مع استراحة زملاء لي بالمدرسة وكان وقتهم مكاشيت وسهر ولعب بالوت وبرامج تلفزونية وسفريات
وتغير وضعي مع هالشلة وانقطعت عن خوياي القدماء ونادر اكلمهم
تركت استراحة المطاوعة ورحت مع استراحة زملاء لي بالمدرسة وكان وقتهم مكاشيت وسهر ولعب بالوت وبرامج تلفزونية وسفريات
وتغير وضعي مع هالشلة وانقطعت عن خوياي القدماء ونادر اكلمهم
وزاد وضعي انحدار وانتكاسة طلعت البلاك بيري و الايفون
صار وقتي ضايع كله في التعارف والسوالف والبرامج والمشكلة حبيت هالشيء
عادي اجلس ساعات طويلة عشان اسولف مع بنت واندمجت وانسحرت ع هالاشياء وصار همي اتعرف واسولف
تركت المحاضرات والتحفيظ ومجالس المشايخ ونسيتهم وخففت لحيتي
صار وقتي ضايع كله في التعارف والسوالف والبرامج والمشكلة حبيت هالشيء
عادي اجلس ساعات طويلة عشان اسولف مع بنت واندمجت وانسحرت ع هالاشياء وصار همي اتعرف واسولف
تركت المحاضرات والتحفيظ ومجالس المشايخ ونسيتهم وخففت لحيتي
بعد ما ترسمت ع المرتبة الخامسة بفترة اخذت قرض كامل وكان عام ١٤٣٥ عشان افتح محل
اخذ المحل شغال سنتين تقريباً لكن ماوفقت فيه وخسرت وما استفدت منه ابد
وكنت ساكن لحالي باستراحة بعد ماتفرقوا شلتي الاخيرة ولكن مع كثر الديون علي والاقساط ما قدرت ع آجار الاستراحة لحالي فتركتها
اخذ المحل شغال سنتين تقريباً لكن ماوفقت فيه وخسرت وما استفدت منه ابد
وكنت ساكن لحالي باستراحة بعد ماتفرقوا شلتي الاخيرة ولكن مع كثر الديون علي والاقساط ما قدرت ع آجار الاستراحة لحالي فتركتها
عام ١٤٣٩ بعد ماضاقت فيني نفسي وماعاد اقدر اعيش في بريدة من الديون وحالتي بعد النفسيه طلبت نقل لمدينة ثانية اللي تتبعها القرية اللي فيها مدرستي اللي درست فيها الثانوية
وجاء الموافقة على نقلي ونقلت وهناك ارسلوني للمدرسة اللي درست فيها الثانوية حسب رغبتي انا وطلبي
وجاء الموافقة على نقلي ونقلت وهناك ارسلوني للمدرسة اللي درست فيها الثانوية حسب رغبتي انا وطلبي
انا رجعت وسكنت في بيتنا بالديرة بعد ما تركته قبل ٢٠ سنه ، الغرفة او المجلس اللي بالحوش رممتها بالكامل ، حطيت شينكو وعازل فوق عن المطر وبويات وسقف مستعار ومكيف ولمبات ودريشة زجاج
ولي سنتين الحين في البيت والديرة وكل يوم استرجع ذكرياتي فيها واسترجع طموحي واحلامي وامنياتي
ولي سنتين الحين في البيت والديرة وكل يوم استرجع ذكرياتي فيها واسترجع طموحي واحلامي وامنياتي
الديرة مابقى فيها احد الا شايب كبير بالعمر رافض يطلع ويروح مع عياله وباقي عند حلاله وغنمه
لكن المشكلة قبل فترة جاء قرار إزالة لكل بيوت الديرة ومنها بيتنا لانها مخالفة وبدون صكوك
وهذا انا جالس انتظر متى يجون يهدون بيتنا
( انت تريد وانا اريد والله يفعل مايريد )
لكن المشكلة قبل فترة جاء قرار إزالة لكل بيوت الديرة ومنها بيتنا لانها مخالفة وبدون صكوك
وهذا انا جالس انتظر متى يجون يهدون بيتنا
( انت تريد وانا اريد والله يفعل مايريد )
جاري تحميل الاقتراحات...