اليوم بتكلم لكم بثريد عن الامن السيبراني طبعا انا مبتدئه فيه وثاني ترم جامعي فيه لكن بقولكم المعلومات اللي اعرفها واللي اكتسبتها بهالمجال وانشاءالله تفيدكم
اولاً بتكلم لكم عن تخصص الامن السيبراني ومجالاته..طبعاً الامن السيبراني تابع لكليه الحاسب الآلي والامن السيبراني يعني الامن المعلوماتي يعني امن الكتروني زي مو موجود بالواقع جرائم مثل سرقه قتل سطو يوجد جرائم معلوماتيه مثل الابتزاز الاختراق القرصنه الالكترونيه
واذا انت/ي حابين تدخلون الامن السيبراني لازم تتعلمون قبلها البرمجه او الشبكات او تتعلمونهم كلهم لانهم اساسيات الامن السيبراني ومعتمد عليهم
مجالات الامن السيبراني بالصوره👇🏻
والامن السيبراني يهدف لحمايه بيانات الشخص الالكترونيه حمايه معلوماته حساباته بالسوشل ميديا حمايته من الاختراق والتهكير والتلصص وحمايته من الابتزاز او التشهير
واساسيات الامن السيبراني زي ماقلت لكم سلفا هي(البرمجه-الشبكات) بتكلم لكم عن تخصصي اللي هو الشبكات بعدين اقولكم المعلومات اللي اعرفها عن البرمجه✅
طبعاً انا شبكات لكن ادرس بعض مواد البرمجه بس التركيز الاكثر على الشبكات وطلاب البرمجه كذلك
تدري ياعزيزي القارئ انو جوالك ممكن يتهكر عن طريق الواي فاي اللي انت متصل فيه ؟ لنفرض انك بمكان عام وجاتك شبكه مفتوحه اكيد بتشبك عليها اذا ما معاك نت وبتقول بينك وبين نفسك من هالسبك اللي فاتح شبكه للكل😂😭؟
لكن بالحقيقه هو هكر وفاتح الشبكه متعمد عشان يسحب معلومات جهاز من صور وارقام وكل شي بجهازك ف انتبهوا لاتشبكون على اي شبكه تجيكم...بالنسبه للبرمجه هي عمليه كتابه تعليمات واوامر لجهاز الحاسب ومن خلال البرمجه نقدر نطور البرامج ونعدل عليها ونكتشف الثغرات
طبعاً الحاسب له لغه نتواصل معاه فيها مثله مثلنا يالبشر وهي لغات البرمجات تلاقونها بالصوره👇🏻
وللمعلوميه الامن السيبراني تخصص جديد اول دفعه تخصصوه لسى ماتخرجوا وذا يعني ان مستقبله الوظيفي بيكون جميييييل جداً وراتبه كويس كون انه مطلوب من كل الجهات حكوميه او خاصه شركات معاهد مدارس مصانع كل شي يعتمد على الانترنت
بذكر لكم بعض وظايف خريجين الامن السيبراني👇🏻👇🏻
(أخصائي أمن معلومات تقني_ أخصائي اختبار الاختراق_ مختبر اختراق التطبيقات_محقق جرائم الحاسوب_ مدير قطاع الأمن_محقق جرائم/خبير أدلة جنائية في أمن المعلومات_ ضابط حماية البيانات_مطور برامج الأمن الذكية) وفيه غيرهم كثير وايضا تقدر تتوظف بشركات الاتصال مثلSTC وموبايلي وزين
وفيه مواقع كثير موثوقه تقدم لكم دورات تفيدكم بهالتخصص وانا شخصياً جربت موقع سديم يشرح لكم الدكتور ويعطونكم اسأله عليها انصحكم فيه✅✅
وصلنا لنهايه الثريد وحابه اقولكم ان تخصصات الحاسب الآلي كلها مطلوبه بسبب اعتماد الكل على التكنولوجيا وان شاء الله تكونوا استفدتوا وشكراً لكم.
جاري تحميل الاقتراحات...