رتبها

كل عالم الكريبتو يتفاعل مع قضايا البلوكتشين والمشاكل الي فيه، مثل حملة التصويت لصالح تخفيض رسوم شبكة الايثيريوم EIP-1559، إلا المجتمع العربي، عايش بعالم ثاني، واشهر عبارة "عطني عملة موجودة في باينانس"!
اذا انت مكتفي بمنصة مركزية، انت مادخلت السوق! قاعد عند الباب وراضي بالقشور!

طالع من قيود البنوك وداخل في قيود المنصات المركزية! لا تعبت!🤦‍♂️
الي لازم تفهمه ان المنصات اللا-مركزية اسهل بكثييير من المنصات المركزية!
- ماتحتاج تسجيل!
- تشتري اي عملة تبي!
- تملك عملاتك امتلاك حقيقي!
- آمنة ولا يمكن اختراقها ابداً!

الكل يدري اننا بموجة ديفاي لكن الكارثة ان الاغلبية مايعرف يستفيد من ادوات الديفاي ويكتفي بشراء العملة! 💔
امتلاك مفاتيح عملاتك في محفظة خاصة:
- يمكنك من الستيكنغ والفارمنغ والاستفادة من كل ادوات الديفاي!
- لايمكن تشارك في اكتتاب او طرح اولي او ايردروب بدون محفظة تملك مفاتيحها!

اذا فتحت محفظة ايثيريوم، يعطيك مفاتيح الكلمات الي هي تشفيرة محفظتك.. تقدر تفتح محفظة إيثيريوم بأي تطبيق محفظة لا مركزي، وبشرح على تطبيق ميتاماسك MetaMask .. وصدقني بالنهاية بتدرك ان الموضوع بسيط وانت مستصعبه
رابط تحميل :
apps.apple.com
المسألة بسيطة وبشرحها بشكل مبسط

apps.apple.com/us/app/metamas…

اول ماتفتح التطبيق بيعطيك خيارين:
١- import a wallet استيراد محفظة (هذا للي عنده محفظة ايثيريوم من قبل يدخلها ويحط كلماتها وتفتح)
٢- create a wallet هذا الخيار لفتح محفظة جديدة
اختاره

فيه ثلاث خطوات..
١- الخطوة الأولى، تسجيل رمز سري عادي (رمز سري عادي يعني زي كلمة السر لأي حساب! مو مشفر"" وبتستعمله لتطبيق ميتاماسك فقط)

بعدها بيعطيك تنبيه ان الخطوات الجاية اكثر حساسية لأنه بيطعطيك مفاتيح المحفظة (كلمت المحفظة) seed phrases والي لازم تكتبها بورقة خارجية وما تعطيها احد ابداً!!!!
اضغط Start

٢- الخطوة الثانية بيفتح لك صفحة بخفية بالرمادي وتنبيه ثاني على ضرورة حفظ الكلمات بشكل جيد! (الموضوع مهم) اضغط View بعدها بتطلع لك ال١٢ كلمة تكتبها زي ماهي بنفس الترتيب على ورقة خارجية! هذا صك ملكية سري لكل العملات الي بتدخل المحفظة! لا تضيعها!!!! لا تعطيها احد!!!!

٣- الخطوة الثالثة بيعطيك اختبار، بيطلب منك ترتب الكلمات الي كتبتهم بورقة خارجية نفس الترتيب.. اذا رتبتهم صح بيظهر اخضر تحت، بعدها اضغط كنتنيو

الصفحة الاخيرة من الخطوات بيبارك لك نجاحك في فتح محفظة خاصة
اضغط Done

هذي واجهة محفظتك
فيها اداتين رئيسيتين موضحة بالاحمر، وبشرحهم بالتفصيل

لكن هنا وقفة ⚠️
انصح الجميع انه بعد مايسوي المحفظة، يسجل خروج ويعيد كتابتها حرف حرف نقل من الورقة الي كتبها!
لا تثق بدماغك واجد! ٩٠٪ من الي سجلوا اكتشفوا اخطاء بنقلهم! لذلك ضروري قبل تودع فلوسك فيها تسجل خروج وتدخل import wallet وتكتب الكلمات حرفياً، اذا مافتحت افتح محفظة جديدة

وقفة ثانية ⚠️
اذا عندك محفظة وانت هميلة مصور الشاشة مثلاً وماكتبتها على ورقة، ترا الحرامي مايسرقك على طول! يفتح محفظتك ويتفرج وينتظر تربح أو تدخل مبلغ كبير بعدها يصقعك على علباك 😂
تعوذ من ابليس وافتح محفظة جديدة واكتب كلماتها بورقة خارجية وانقل عملاتك لها👍

وقفة ثالثة! 😅⚠️
الكلمات ال١٢ الي كتبتها على ورقة، هذي مو كلمات ميتاماسك! هذي كلماتك انت! يعني لو تحمل تطبيقات زي ميتاماسك trustwallet او ShapeShift، وتضغط import a wallet (استيراد محفظة) وحطيت نفس الكلمات ، بتفتح لك نفس المحفظة!
يعني هذي مجرد تطبيقات مُشَغّلة لمحافظ البلوكتشين

قبل تروح تسوي سواب (تبديل عملة) لابد تضيف العملة الي تبيها اول..
تدخل add tokens
وبعدها بيطلع لك محرك البحث حق العملات

احط رمز او اسم العملة الي تبي، ناخذ $MLN مثال..
اذا ظهرت لك، تختارها، بعدها add token
ويتلقاها ظهرت على واجهة محفظتك

طيب لو كتبت اسم او رمز عملة وماظهرت لك! ناخذ API3 مثال!

بدال search اضغط custom تلقاها فوق، وهذي تعني ادخال بيانات عملة يدوياً..
بيظهر لك ثلاث فراغات، انت يهمك الفراغ الاول، وهو عنوان الايثيريوم حق العملة!
والباقي يتعبى ذاتياً اذا جبته....

الطريقة الي تجيب فيها عنوان الايثيريوم بسيطة جداً
بس اكتب في Google رمز العملة مع كلمة price
مثالنا API3 price
تظهر لك مواقع البيانات، ادخل اي واحد منهم
تلقى ضمن بيانات العملة contract
انسخه! هذا عنوان العملة!
وبدايته 0x…

تروح ميتاماسك، تحطه بالفراغ الاول، بعدها تتعبى باقي الفراغات ذاتياً.. لا تغير شي هي تتعبى صح!
وبعدها تلقاها على واجهة محفظتك مضافة👍

الان السواب، تبديل لعملات..
اذا اودعت ايثيريوم في محفظتك، تروح للخيارات فوق..
بتفتح لك قائمة الادوات
بتلقى انك في صفحة المحفظة
بتلقى browser الي هو متصفح المحفظة!
تدخله وهو زي سفاري تحط رابط اي تطبيق سواب تبي ثم تضغط connect wallet وتحط فوق Eth وتحت رمز عملتك الي تبي وتضغط سواب

ناخذ مثال يونيسواب.. المفروض يظهر لك connect wallet تحت اول مايفتح، لكن انا ضغطتها قبل اصور بالغلط 😂🤦‍♂️
المهم سهلة مايبي لها مهندس!🏃‍♂️

اذا بتسوي فارم لعملاتك، ادخل تطبيق الفارم الي تبيه ونفس الشي connect wallet وبمجرد تربطه التطبيق يمكنك من الايداع والسحب ..
راري كابيتال مثال👇

ربط المحفظة ماعليه رسوم، لكن وصول التطبيق لعملة يحتاج اثبات verify بعملية عليها رسوم! وهي اذا اول مرة تسوي سواب للعملة .. والسواب عليه رسوم.. وكل حركة نقدية للفارم عليها رسوم.. السنابشوت اذا عندك عملة عليها ايردروب ايضاً عليها رسوم

ورسوم الايثيريوم مرتفعة جداً للأسف وماتناسب اصحاب رؤوس الاموال الصغيرة!
لذلك احرص دائماً، سواء صاحب راس مال كبير او صغير، ترجع لمواقع البيانات وتبحث عن المنصات المركزية الي فيها العملة الي تبيها.. وتسجل وتشتري وتسحبها للمحفظة الخاصة بكذا مايحتاج تعرف اذا المنصة امنة ولا لا!

ملاحظة مهمة⚠️
اذا مالقيت عنوان contract للعملة الي تدور من مواقع البيانات، فغالباً عملة مو مبنية على الايثيريوم!! يعني ماتقدر تودعها بمحفظة ايثيريوم ، لازم تبحث عن محفظة لشبكتها
مثلاً $dot $ksm عملات مبنية على بولكادوت مو ايثيريوم، تحتاج محفظة Polkawallet او fearless

❌ لا تعاند في هالمسألة! لأن عادي تلقى رمز $dot مبني على الايثيريوم وهمي !! تحول عليه تختفي عملاتك!! اذا مالقيت عنوان contract ايثيريوم يبدأ بـ0x بمواقع البيانات، لا تعاند وتبحث وتطيح بعنوان وهمي!

طيب..
الحين معاد يحتاج تسأل اي منصة تنصح!
انا ماتهمني اي منصة، وربي ما اعرف منصة ماسجلت فيها! لاني اتبع العملات مايهمني اي منصة! امنة مو امنة .. تتهكر ماتتهكر.. في كلا الحالتين بشتري وبطلع عملاتي منها بنفس الوقت..

المفروض الحين:
-معاد تسأل "اي منصة تنصح"
-تعرف كيف توصل للعملات الي تبي
-تعرف كيف تأمنها
-تعرف كيف تسوي ستيكنغ وفارمنغ
-تعرف تشارك بالإيردروب اذا تمتلك عملة عليها ايردروب

@CryptoAbuNaif @qcaxLKUk3nzKFkT @sarabl7mr الفارمنغ لتوفير سيولة lending هذا حرام صريح ، لكن التعميم ولي يرحم والديك اعفنا منه، تحريم ما احل الله او تحليل ماحرم الله كبيره عنده وتألي عليه، عط الخبز خبازه وخل الفتاوى الرسمية تصدر افضل.

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة