هاحكيلكوا حكاية مش لطيفة كان ياما كان كان في دبلومة أمريكية امتحانها كان اسمه sat و اتلغي من مصر في صيف ٢٠٢٠ بسبب تسريب امتحاناتها بفعل فاعل و بعدين في نفس التوقيت تقريبا ظهرت شهادة تانية تعادل الأولي و دي اسمها ACT و دي امتحانها اصعب شوية.. ما علينا
الناس اشتكت ان امتحان ال Act غير مناسب للولاد اللي ذاكرت بقالها سنين منهج sat راح الغفير الهمام قالهم انا عملتلكوا مفاجأة و ألفت شهادة معادلة اسمها EST و دي سعرها نفس سعر الشهادة الأمريكية ١٠٠ دولار برضه😳 مش كده و بس لا دي شهادة est المصرية غير معترف بيها برة مصر 😡
و ماينفعش تدخل بيها اي جامعة خارج مصر ممكن تدخلك الحمام برة يا دوبك المهم الأهالي قالت لأ احنا مانضمنش الظروف افرض ولادنا جاتلهم فرصة يدرسوا في جامعات الخارج و سلموا بالواقع و رضيوا اغلبهم بشهادة act اللي مليانه مشاكل رهيبة بسبب الشركة الوسيط في مصر
و الناس يا عيني رضيت بالهم و بغباء و مشاكل الشركة و تعسف الحكومة برفضها الاكتفاء بأعمال السنة زي بقية الدول و زي امريكا ما لغت امتحانات السات و الاكت و اكتفت بأعمال السنة لدخول الجامعات بسبب ظروف الكورونا اومال السبوبة تروح منهم
و عشان السبوبة تكمل سيادة الغفير قرر ( مش قراره طبعا بحسب تصريحه) ان اي طالب ليس له دخول الجامعات الحكومية الا إذا امتحن السات المصري est و هذا القرار ساري ابتداء من تاريخ اليوم 😳 و النتيجة ان الأهالي الحاجزة لولادها في امتحان act القادم في ابريل مش عارفين يعملوا ايه
الخلاصة احنا لو بنسرق او لاجئين مش هايعاملونا المعاملة الحقيرة دي 😡
جاري تحميل الاقتراحات...