أحد الباحثين رجع البيت بعد يوم طويل سأل مامته طابخلنا أيه يا ست الكل؟ قالتله عاملة سبانخ. بص في الأرض وتمتم كان نفسي في ملوخية! قالتله: "يابني السبانخ مليانة حديد وهتديك طاقة زي البطارية". سرح شوية وبعد شهور خرج باختراع جديد:بطاريات فيها سبانخ بالفعل! تعالوا نشوف القصة😁
التطور اللي عايشينه محتاج بطاريات كتير.من انواع البطاريات Metal-air cell ودي عبارة عن مواد لما بتتعرض للهواء بتأكسد (زي الحديد لما بيصدي). العملية الكيميائية دي ممكن تولد كهربا بس محتاجة محفز Electrolyte Catalyst ينشط التفاعل الكيميائي ما بين المادة وما بين الاوكسجين اللي في الجو
العلماء ولو أني معتقدش أن الالهام جالهم من القصة اللي ذكرتها، إلا أنهم اكتشفوا أن السبانخ محفز قوي لخصائصها اللي مليانة حديد ونيتروجين ونشروا ده في بحث شرحوا فيه كيفية طبخ السبانخ لتحويلها لـ Nanosheets كمحفز في البطاريات Metal-air
pubs.acs.org
pubs.acs.org
موضوع استخدام السبانخ (أو النباتات عموما) تطور من حد استخداماتها الكيميائية لاستخدامتها كنظام شامل. حقول زرع السبانخ دي عبارة عن شبكة من الزرع فوق الأرض بتتفاعل مع الهواء والشمس وتحت الأرض من الجذور بتتفاعل مع المياة والتربة.
ومن يومين توصل علماء في MIT لاستخدام جديد لحقول السبانخ في التعرف على الالغام، بتكنولوجيا plant nanobionics قدروا يحولوا النبات لـ Sensor عن طريق كاميرا بتراقب تغير خصائصه في حالة وصول الجذور لماية فيها بقايا مواد متفجرة. وكمان السبانخ هتبعتلك إيميل! in.mashable.com
على طرافة الموضوع، إلا أن الحوار ما بين النبات والبشرية وتقدمها بيتطور خاصة في التواصل مع نباتات حية بتعمل في نظام طبيعي ممكن نستفيد منه في تطبيقات كتير. وأحنا في مصر كحضارة زراعية قدست النباتات أكيد نقدر نساهم في ده! الصور لموسم حصاد السبانخ :))
altreeq.com
altreeq.com
وأخيرا، لو أنتي أم وقريتي الثريد ده قد يكون من المناسب أنك تبعتيه لإبنك أو بنتك اللي مش بيحبوا السبانخ يوم لو فكرتي تطبيخيها وحسيتي أنهم بيفضلوا ياكلوا همبورجر! الأم المصرية دايما على حق لما قالت: "السبانخ مفيدة وفيها حديد كتير"😁
جاري تحميل الاقتراحات...