رتبها

- ثريد تجربتي في القدرات وكيف ذاكرته
في البداية هذي الطريقة للمحوسب اذا بتختبر ورقي احفظها لبعدين
ملاحظة باحط الروابط نهاية الثريد.

في البداية اهم شي بتسويه و بدونه ما راح تحس بمتعة الانجاز وهذا الي بيعطيك الحافز للاستمرار
انك تحط لك جدول او اهداف يومية على حسب مقدرتك واستطاعتك ووقتك

مثلا تحط من اهدافك 50 سؤال و ٣ نماذج لفظي تخلصهم اليوم ان حسيت نفسك تبغى تذاكر زيادة ذاكر بس لازم تحقق هدفك الي حطيته وبعدين لما تتعود تدرج لين توصل اكبر عدد تقدر تحل فيه...

🛑 لاتحط هدف فوق قدرتك
🛑لا تحط هدف يخليك تزهق وما تستمر
لان الفايدة من الهدف هو الاستمرارية ويعطيك احساس انك انجزت

والحين نروح ل طريقة المذاكرة وكيف نذاكر
^ اول قاعدة واهم قاعدة انك تذاكر مذاكرة اول اختبار وآخر اختبار تختبره

ثاني شي
الاساسيات
الاساسيات
الاساسيات
مايصير تذاكر التجميعات بدون اساسيات خصوصا في الكمي ولو ذاكرت بدونها بتكون مذاكرتك متعبة بزيادة وبتاخذ دبل الوقت.

عندك في الكمي
تأتسيس فهد التميمي ( يوتيوب )
تأسيس عماد الجزيري ( يوتيوب )
تأسيس كتاب المعاصر (كتاب )
🛑الروابط باحطهم تحت

وعندك في اللفظي
قناة ايهاب (تأسيس )
بس اللفظي في المحوسب اذا تحس ماعندك وقت ما يحتاج تتأسس لانك بتحفظه في النهاية او طالع لك بس كم مقطع يعطيك نظرة عامة يكفي

ثالث شي
التجميعات رتبتهم من الاهم ل المهم
١- عندك 105 اهم واحد
٢- التكميلية ٧ ايهاب
٣- كهف الفيلة
٤- النوتة
٥- المنصف
٦- رابح
🛑 انا عن نفسي ذاكرت بس 105 (٨٥ سابقًا )والتكميلية 7

رابع شي
كيف نذاكر التجميعات في البداية بتكلم عن اللفظي بعدين الكمي حق 105
كلنا عارفين ان اللفظي بيجي نفسه ف على شان كذا قلت ما يحتاج تتأسس بس المفروض تحفظه نفس اسمك

بتقولي كيف واجد والخ...
اغلب النماذج متشابهة ف مع التكرار بتحفظ وبعد تحتاج تعيد عليه مرة ولما تخلص
لازم تحل الاختبارات الالكترونية حق موقع الحوت ( باحط الرابط في النهاية ) هم نفسهم بس ع شكل اختبار وخيارات اكثر
ولا تنسى تذاكر اللفظي حق التكميلية ٧ ع السريع لان يمكن يجيك

🛑 في اسئلة ونماذج عليها خلاف واجوبتها تختلف من تجميع ل تجميع يقفلونهم ويناقشونهم في قنوات التلجرام ف لازم تروح تشيك عليهم
🛑 اللفظي مهم تخلصه كامل وتحفظه نفس اسمك لان بيجيك نفسه

والحين مع الكمي حق 105
الكمي مو مهم انك تخلصه كامل المهم انك تفهمه وتفهم القوانين والافكار
ومهم يكون عندك دفتر تحل فيه وتسجل رقم السؤال والصفحة ع شان اذا جتك نفس الفكرة ترجع لها
والسؤال الي تحس انه صعب أشر عليه ع شان ترجع له في المراجعة

+ حاول تحل بنفسك قد ماتقدر واذا استسلمت روح شوف شرح السؤال في اليوتيوب (قناة 10 دقائق قدرات انصح فيها )
وعندك التكميلية ٧ حق الكمي لازم تذاكرها لان يجي منها واجد وهي مذاكرتها بسيطة ما تاخذ يومين

خامس شي
قنوات التلجرام كنز لازم تستفيد منها وتسأل وتشوف تقفيلات النماذج منها
t.meقدرات اكادمية الحوت
t.meالملفات المهمة حق اكادمية الحوت
t.meقدرات سحاب تنزل تجارب الي اختبروا في نفس اليوم
t.meمنارة

t.me/Acdh_Gd

قدرات ثانوي - أكاديمية الحوت

أكاديمية الحوت التعليمية التطوعية ترحب بكم هذا القروب يهتم في القدرات @Acdh_Qutp :قناة الورقي ◈ @acd...

t.me/Acdh_Qutc

t.me/qadrat_a2

t.me/Sahab_q1

وهذا نموذج من ترتيبي لوقتي وجدولي واهدافي وقت مذاكرتي ل القدرات 🌚

قنوات اليوتيوب
youtube.com فهد التميمي اساسيات
عماد الجزيري اساسيات
youtube.com
ايهاب عبدالكريم اساسيات لفظي
youtube.com
قناة عشر دقايق قدرات
youtube.com