مرحبا ياأصحاب 🙋🏻‍♀️
في هذا الثريد راح أجمع لكم أهم مشاكل الإعلانات المموله اللي تواجها المتاجر الإلكترونية:

1/ضعف الميزانية مقابل صعوبة المنتج في البيع
فيه منتجات سهله في البيع وهي المنتجات اللي تعتمد على الشكل فقط أكثر مثلاً كڤر جوال/ شنطة/أكواب.
وفيه منتجات صعبة في البيع زي مثلاً المنتجات الغذائية أو التجميلية.
كل ماكان منتجك أصعب في البيع اون لاين كل ماصار يحتاج منك ميزانية أعلى.

2/عدم وضع خطة تسويق واضحه ومرتبه
الأغلب كل شهر في وقت نزول الرواتب يبدأ بنشر إعلانات في كل وسائل التواصل.
ويتفاجأ إن فيه زيارات بس مافيه مبيعات 🙃
طيب ليه؟
لأنك نشرت إعلانك في وقت كل الناس قاعده تعلن فيه ومن الطبيعي اذا اعلانك أول مره يمر ع الشخص ماراح يشتري منك فوراً.

3/ضعف وصف المنتج وصور المنتج في الموقع الإلكتروني وهذا الشي يخلي الأشخاص بس يرفعون الشاشه ويشوفون الصور ويطلعون من الموقع بدون أي تفاعل.

4/عدم الإلتزام بأهداف الحملة الإعلانية:
-التعريف بالمتجر
-جذب زوار وبيانات عملاء محتملين
-إعادة إستهداف
-المبيعات
حسب تجاربي مع عدة متاجر غالباً يبدأ الشراء بعد ثالث أو رابع استهداف في الإعلانات الممولة.