السلام عليكم... ثريد بتكلم فيه عن انقطاع كروت الشاشة بشكل خاص لأن تجيني اسأله متى تتوفر واسعارها تكون رسميه ! أحب اقول لك صديقي بين قوسين (معصي تشتريه بسعره الرسمي) على الاقل هالسنه. ما بتكلم عن امور تقنيه بتكلم بشكل اقتصادي واعلمك الأسباب
أول سبب رئيسي هو فايروس كورونا لأنه سبب شلل في الأقتصاد العالمي ما جت على كرت تشتريه عشان تلعب يا صديقي، المصانع ما تشتغل بقدرتها الكامله الصعوبه في الحصول ع الموارد مشاكل الشحن الأيدي العامله قلت بسبب ظروف الفايروس وهالمشكلة مطوله فوق ما تتخيل.
السبب الثاني مبدأ جداً بسيط في الاقتصاد هو العرض و الطلب... تخيل معي صديقي عندك خمس كروت شاشة واللي يبي يشتريها منك ١٠٠ شخص هل راح تبيعها بسعر التكلفه ولا بتجلدهم بالسعر وفيه من ضمن ١٠٠ شخص بيدفع ولا همه !؟ طبعاً بتحط سعر فلكي فا هنا صار خلل في التوازن بين العرض والطلب.
أصعب شيء تواجه الشركات هي تحقيق معادلة التوازن بين العرض والطلب لانه يدخل في تعقيدات كثيره في Operation Management غير الأمور الوجستيه. انفيديا تتحمل هالشيء لكن حسب الظروف الحاليه ما تتحمل الخطأ كامل بشكل تفصيلي لكن بشكل عام ! نعم تتحمل لانها مسؤوليتها توازن العرض والطلب.
الزبده مالكم في الطويله معك PC وكرتك تمام وتلعب و الأمور تمام انتظر لين ربك يفرجها. تبي تجمع الحين ومنحد حاول تجمع القطع حبه حبه بأقل سعر ممكن وتتابع المواقع كل يوم... انت مطنوخ وماهمتك الفلوس رح اشتر كرت 3090 بسعر ١٠ الاف ريال وعيش يومك👍🏻
جاري تحميل الاقتراحات...