ليه بناء الانسان أهم من الانسان نفسه ؟
—
شوف الـ Thread
—
شوف الـ Thread
- الثريد ده تكملة لثريد الانجاب ، هوضح في الثريد ده الفرق بين بناء الانسان بناء سليم و بين انجابه و كثرة العدد و خلاص
- اول كلمة نزلت في القرآن هي كلمة إقرأ ، إقرأ بترمز لحاجات كتير ، أهمها الثقافه ، ثقافه الانسان و تأسيس وعيه وفكره انه يكون فكر حر ، اغلب الناس اللي عندها فكرة ان العيل بيجي برزقه ، فده معناه هو الاكل و الشرب بس و دي مش فكرة مظبوطه ، لحد ما وصلنا للجيل ده
- أمة إقرأ ، اللي نزل عليها اول كلمة في الوحي هي إقرأ ، فيها ٧٠ مليون امي اغلبهم من النساء و الاطفال ، ناس بتمنع بناتها من التعليم بحجة انه حرام و البنت ملهاش الا بيتها ، و ناس بتمنع ولادها من التعليم عشان ينزلوا يصرفوا على نفسهم
- الثقافه و العقليه العربيه عموماً و المصريه خصوصاً هي عقلية إعتماديه و تواكليه ، بترمي المسؤوليه من على نفسها عشان متحسش بالذنب و ترمي المسوؤوليه على الله ، و في اعتقادهم ان ده ايمان بربنا ، لكنه ايمان زائف
- للاسف فالعقليات العربيه عقليات جامدة ، عقليات مازلت عايشه في الماضي بدون اي تطوير او تقدم عقلي ، الناس لسه عايشه في الجاهليه اللي الاسلام نزل فيها عشان يذم عادتهم ، و مع ذلك بنتوارث العادات دي و تقفيل المخ و هي مش من الدين في شئ
- بداية بقا من اوساط الاسلاميين و السلفيين خصوصاً بدعواتهم التواكليه ان عشان نحرر القدس لازم عدد المصليين في الفجر يساوي عدد المصلين في الجمعه و كلام من العينة دي ما هو الا تجارة بالدين و تأصيل للثقافه التواكليه في عقول الناس
- لو مؤمن بالله ايمان حقيقي فربنا موعدش المتواكلين بالرزق ، ربنا قال خد بالاسباب ، في اسباب بينك و بين الغيب انت بتمشي في طريقها عشان تحققها ، عمر الحاجة دي ما هتتحقق بدون سعي او الاخذ بالاسباب
- لو انت مؤمن بالله فعلاً هتعرف ان عشان تحرر القدس مش هتحررها بالصلاة و الايمان بالله فقط ، في اسباب كتير لازم تعملها عشان تحرر القدس ، مستحيل تعمل صاروخ بالدعاء مستحيل ، مستحيل تتفوق عليهم علمياً بالصلاة ، في اسباب لازم تعملها
- في غزوة احد المسلمين كانوا الاكثر ايماناً بالله و بيحاربوا كفار ، لكنهم خسروا المعركة عشان مخدوش بالاسباب ، عشان اهملوا الاسباب فكانت النتيجة انهم خسروا المعركة ، لو مؤمن بالله فعلاً هتعرف ده كويس ، مش هتتاجر بالدين و تزرع في دماغ الناس ايمان زائف
- دكتور مصطفى محمود بيقول [ اذا نزل مؤمن وكافر الي البحر فلا ينجو الا من تعلم السباحه ، فالمسلم الجاهل سيغرق ، والكافر المتعلم سينجو ] ، الاخذ بالاسباب و السعي هو اللي بيخليك توصل للي انت عايزه و توصل لرزقك
- المشكلة ان الناس بتخلط بين حاجتين ، بين الايمان بالله و التدين و بين تحقيق الاهداف في الدنيا و الرزق ، الايمان بالله ده علاقتك بينك و بين ربنا هتتحاسب عليها في الاخرة و ملهاش اي علاقه بتحقيق اي اهداف دنيويه
- الانبياء اللي هما أكثر الناس ايماناً بالله ، كانت رسالتهم صعبه و اغلبهم كفر بيهم اقوامهم و في اللي اتعذب و فيه اللي اتصلب ، الايمان هو اللي بيخليك تكمل في السعي ملوش اي علاقه بتحقيق الهدف ، الايمان اللي بيخليك تصبر و تتحمل كل اللي بتشوفه
- الحياة و الرزق و الاهداف بتمشي بقانون السعي و المحاولة ، الغرب الكافر اللي اغلبه ملحدين اتقدم بالاخذ بالاسباب ، اتقدم بالتعليم ، اتقدم بالعقليات و تطويرها ، اتقدم برفع مستوى الانسان ، لكن الايمان مكنش سبب ، اغلبهم كفار ميعرفوش يعني ايه ايمان
- مشكلتنا سواء وطنياً او دينياً اننا بنهتم بالوطن و تفشخ المواطن عشان الوطن ، و تهتم بالدين و المظاهر و تردد حديث النبي [ تكاثروا فإني مباه بكم .. ] و تظرب ٢٠ عيل عشان ترفع شأن الاسلام و تنسى بناء المسلم نفسه او تهمل بناء المواطن و الرفع من قيمته
- فتلاقي الشيوخ للاسف بتزرع في الناس ثقافه ان العيل بيجي برزقه و متقلقش من الانجاب ، المصيبة انهم فاهمين ان العيل بيجي برزقه معناها انه ياكل و يشرب بس ، الفرق بين الانسان و الحيوان هو العقل ، لو الرزق بالنسبالك اكل و شرب فمفيش فرق بينك و بين الحيوانات
- رزق الانسان مش اكل و شرب بس اقسم بالله ، رزق الانسان بيشمل بيئة صحية و تعليم كويس و ثقافه و تطوير و بناء عقليه ، الرزق مش معناه اكل و شرب بس ، مفيش فرق بينك و بين الحيوان لو بتفكر كدا
- لو انت رزقك ١٠٠٠ جنيه و عارف ان المبلغ ده يكفي تجيب طفل بس و تربيه كويس و تهتم بيه و بتعليم و تعيشه في بيئة صحية ، هات ياعم الطفل و خد بالاسباب انك تحاول تنجبه ، لكن ميكونش المبلغ مكفيك بالعافيه و تروح تجيب طفل تفشخه و تفشخ نفسك ، ده مش حرام ولا منع رزق ده اخذ بالاسباب
- من الثقافات المنتشرة في المسلمين هي ثقافه بناء المساجد و تفخيمها و صرف مبالغ هائلة في بنائها ، و للاسف الشديد و دي حقيقة محدش ينكرها المساجد كلها فاضيه و مش بتتملي الا في المناسبات ، احنا بنبني مساجد و ننسى بنبني اهم حاجة بننسى الانسان
- طبعاً محدش ينكر فضل بناء المساجد ، لكن الكلام عن بناء المساجد و اهمال بناء الانسان اللي هيعمر المساجد دي و الاهتمام بيه عقلياً و فكرياً و نفسياً ، بناء الانسان اهم من بناء المساجد ، المسجد هيعمره الانسان مش العكس
- وكم كلّف بناء مساجد في بلاد غربية وعربية الملايين من الأموال ، و ده مش مذموم ، لكن لو كان على حساب اللي أهم منه فلازم إعادة النظر فيه ومراجعته، الاهم أننا نبني أيضاً المسلم الواعي المدرك اللي يقدر يعيش الحياة بشكل كويس ، وإلا هـ نبني المساجد ولا مش هنلاقي حد يعمرها
- و فيه كام طفل مسلم موجود في الدنيا ضايع نفسيا و فكريا و عقليا و عايش في بيئة غير ادميه ، فالضروري بناء الطفل نفسه مش انجابه ، الانسان عشان يفيد نفسه و مجتمعه و دينه و وطنه لازم يكون له قيمة و قيمته بتكمن في بناءه مش في وجوده
احب اختم بالفيديو ده
جاري تحميل الاقتراحات...