قدمت لجوء قبل سنة وشهرين تجربة مريرة ما ادري كيف طالت كان المفترض بها تكون اقصر لكن قدر الله وما شاء فعل خرجت من الكابوس وبحاول الخص لكم تجربتي القاسية جدا تحت هذه التغريدة #الرياض_الان #جدة_الأن #اجمل_اكله_عند_البنات #جازان_الان #العلاقات_المؤقته #القصيم_الان #نجران_الانᅠ
لا أدري من فين أبدا لكن خلوني ابدا معكم بصدمتي اول يوم،قبل مجيئي بشهر حذرتنا إحدى اللاجئات اللي كنا نتابعها (الشيميل ريري)من اللاجئين العرب وكيف ان صديقتها اللاجئة كانت تتقاسم فلوسها مع لاجئ لبناني ومع ذلك غدرها واتفق مع أهلها على تسليمها لهم مقابل مبلغ مادي وف اول يوم عرفت ان
عرفت ان اللبناني قواd وشغّل البنت معه عاهرة لشلة من ٨ قطريين ولما رفضت تقاسمه الفلوس بعدين اتفق مع أهلها على تسليمها لهم، صدمتي كانت كبيرة لان بنات الحrام ما قالوا مصدر الفلوس من فين ومن يومها قلبي ما تطمن وعرفت انه فيه اشياء سيئة تنتظرني وانهم اكيد كذبوا علينا في اشياء ثانية
اول٣ايام كانت ف لندن في هوستيل كبير للاجئين كله قذارة مر عليه الوف مؤلفة والاكل كان سيء حتى الحيوانات ماراح تتقبله ورجعت لسندويشتي قبل يومين من مطار الملك خالد بعدها رحلت لليفربول وسط المدينة الحال افضل أسواق زحمة وناس لحين نقلي لبيت الرعب الذي سيكون محطتي القادمة لسنة كامله💔
في هذي المرحلة تموت نفسيا من سوء الظروف,يحطونك ف قرية بعيدة عن المدن م تعرف فيها احد لحين موعد المقابلة والفلوس مو مكفية والي زاد كل الهم الافريقيات الي عشت معهم خلقو لي مشاكل لاتنتهي وحملوني فوق طاقتي(اغلب اللاجئين يعانون امراض نفسية)وف هذي العزلة تبدأ تكتشف واقع البلد الكئيب
الجو كئيب بارد والشمس غايبه اغلب الوقت,الناس اشبه بمنحوتات شمع لا حياة لا روح عرفت ان ظريطانيا أسست وزارة للوحدة للتعامل مع"الواقع الحزين للحياة الحديثة"عادي جدا تمر ايام ما تتكلم مع احد عندهم,البنات كذبو علي عند مسؤول الهوم اوفيس وتم طردي كنت فالشارع ليلا ف دولة معرف فيها احد
لولا الله ثم سورية ماعرفت وين اروح استقبلتني الين ضبطت وضعي مع الهوم اوفيس ورجعت لبيت الهم,مقابلتي تأجلت بسبب كورونا,الضغط النفسي والمادي والطرد والحنين لكل شيء في السعودية تسبب بانهياري بالكامل اصبت في بداية ابريل بالاكتئاب والارق وماكنت انام من الكوابيس
كافحت الاكتئاب بالصلاة والصوم,مرت علي فترة كورونا رمضان والعيد وحيدة,حاولت ايجاد عمل اسود"قوانين ظريطانيا تمنع العمل قبل الحصول على الاقامة"واتضح ان اغلب اصحاب العمل يشترطون مقابل للحصول ع عمل ولن يورطو انفسهم مع الحكومة التي ستفرض عليهم غرامة ان اكتشفت تشغيلهم شخص قبل الاقامة
طبعا ما يطلب بشكل مباشريقول ارتاحي ف الشقة او لازم اشوفك قبل اوظفك ومجرد رفضت قطعو الاتصال,حاولت اقامة صداقات مع بنات محد فاضي لك نفسيا اللاجيء متعب وي دوب يتحمل عبء نفسه,سمعت عن انتحار تونسي في كندا وسوريين في المانيا وبدون في النمسا وعراقيين في النرويج, اللجوء بلوه ف اي دوله
اضافة للامراض النفسية اصبت بالامراض الجسدية"يمتد تأثير الاكتئاب والشعور بالضغط للجسد فتغزوه الامراض وهذا شائع ف عموم اللاجئين"اصبت بالتهاب القولون,الاكزيما وجفاف العين ورفة العين من شدة الضغط النفسي ونغزات القلب والام اسفل الظهر نتيجة الحمل الثقيل لتوفير قيمة التاكسي,مفيه فلوس
صار انجازي اليومي هو الاستحمام والاكل والصلاة والمحافظة على مزاج معتدل قدر الامكان,يلاحظ استغلال العرب لوضع اللاجئة السعودية ومحاولة الانتقام فيها من السعودية واهلها حقدا وحسدا لا اكثر,سمعت عن اللاجئات اللاتي يتهمن ابائهن او اخوانهن باغتصابهن كله كذب في كذب لأجل استعطاف الهوم
لن تنتهي المعاناة بالحصول ع الاقامة الغربة والوحدة والوحشة هي نفسها لاشي يستحق لحظة عذاب من الي مريت فيه قالي يمني السعودية سلام الله عليها لولا رسوم الاقامة ماجيت هالبلد الزبالة,انتهى الكابوس وصلحت غلطتي انا ف دولتي الان بين اهلي واعيش سلام حقيقي مع كل ماحولي بقناعاتي الجديدة
جاري تحميل الاقتراحات...