صديق لي، او اخوي بمعنى اصح
ابوه متوفي من اكثر من عشر سنوات، ولا زال لليوم يستفيد من سمعة ابوه وطيبته ومحبته بين الناس
شفت هالشيء بنفسي، لما نسافر او نحضر مناسبة عامة ويعرفون اسمه يطيرون بذكر ابوه الله يرحمه، رغم انه ما كان منصب ولا ثري الله يرحمه رحمة واسعه

واليوم اسولف مع هالصديق بعد ما تخطّى اصعب مراحل حياته حتى الآن
مر بفتره صعبه جدا وما علّم فيها احد حتى اقرب الناس له، انا ما علمني لين تخطاها
كيف تخطاها؟ والله ما ابالغ ولا اضيف من عندي شيء، حضر مناسبه اجتماعيه والتقى بشخص كان دايم يقوله ياخي فيه رجال ينشد عنك ويسلم عليك دايم

قاله خويي اتصل عالرجال بكلمه، سلم خويي قال انا فلان بن فلان وبلغوني انك دايم تنشد عني
يقول كلمني كم دقيقه وعقب قعد يبكي وسكّر...
بعدها بدقايق اتصل عليه وقاله لازم التقيك بأقرب وقت، مابي اخوض بتفاصيل المشكلة وكيف حلها له هالشخص بعد الله
لكن باختصار، بدّل حال خوي من حال لحال

تكفّل بأمور وازاح عنه هموم بعد الله، هموم كانت هاده حيله وقاطعته عن الناس، وقف معاه تقديرا لابوه وانه ولد فلان، ولا هو ما يعرف خويي ولا التقاه قبل ذاك اليوم
ف قالي خويي جمله وهو يعلمني اللي صار له
يقول "ابوي ينفعني حتى وهو في قبره"....
الله يرحمه رحمةً واسعه