رتبها

تعالوا ندردش شوية هنا في موضوع خطير للغاية بتسمع هنا وهناك وانت مش فاهم معناه أوى ...أو مش فاهم معناه بشكل صحيح...أو فاهم بس مش متعمق فيه....أو زهقان من الكلام الكتير عنه بشكل مُعقّد....لا انا النهاردة هدردش معاك بأسلوب بسيط عنه...طبعاً بتكلم عن الماسونية ودا الجزء الأول..تابع 👇

قبل أي حاجة لازم تعرف إن الماسونية مش خيال ولا حاجة ...والدجّال موجود وهيخرج آخر الزمان (اللي ممكن يكون احنا فيه والله أعلم) وأي حد مهما كان هو مين يقولك الكلام دا هجص أو مش حقيقي يبقى دا شخص بيدّعي الجهل أو مُشارك في التآمر على عقلك علشان يبعدك عن حقائق هامة 👇

كتير من الكُتّاب العرب والأجانب من مختلف بلدان العالم كتب عن الماسونية وكل واحد وطريقته واسلوبه في الكلام ...لكن الأهم إن كلهم اتفقوا على حاجة واحدة وهي إن منظمة الماسونية السرية العالمية اللي ظهرت قبل الميلاد ولغاية وقتنا هذا هي منظمة يهودية 👇

ومنظمة الماسونية العالمية استطاعت على مر إنشائها لغاية دلوقت إنها تضم ليها كتير من الشخصيات الهامة والمؤثرة على العالم ومنهم قادة دول مختلفة...لغاية ما أصبحت الماسونية الصهيونية زي الأخطبوط أو الأفعى اللي بتلتف حول عُنق الإنسانية بكافة أجنساها ودياناتها 👇

يعني مش عايزك تستغرب لما اقولك إن في أكتر من (6000) محفل ماسوني على مستوى العالم بيخضع كله للمتحف الماسوني الأعظم الموجود في انجلترا ومعظم الماسون بيكونوا من الطبقة العُليا والبعض الآخر بيكون من الطبقة المُتوسطة ...إزاي الموضوع وصل للدرجة دي؟؟!!..تعالوا نشوف👇

كلمة المحفل هي المقصود بيها المكان أو المعبد اللي بيتم فيه الطقوس الماسونية الصهيونية ومنها حاجات كتير جداً غير آدمية....وبيتقدم فيها قرابين لتماثيل غريبة الشكل ومنها اللي على شكل بومة ودي بتبقة أكتر التماثيل تقديس عندهم حتى البومة موجودة على الدولار فئة (1) ...دليلك يا صقر👇

إزاي قدرت الصهيونية العالمية إنها تضم أشخاص كتير بالعدد دا من علية القوم وتوقعهم في الفخ الماسوني الصهيوني؟؟!! وأيه هو شعارهم؟؟ وبيعملوا لصالح مين؟؟ وأيه هو التظيم السري دا المُعترف به في كثير من الدول الكُبرى...ناخد نفَس عميق كدا ونركّز كويس جداً لأن الكلام دا هيقفل الحساب👇

في البداية كدا أيه هو معنى الماسونية؟؟ ...المعنى اللغوي للماسون هو (البناؤون الأحرار أو البناؤون الصادِقون) وهي مُشتقة من لفظة #فرماسون وهي لفظة فرنسية مُكوّنة من جزئين وهما :
👈فرانك : صادق أو حُر
👈ماسون : باني
👇

يبقى احنا كدا متفقين على إن المعنى اللغوي للماسون هو (البناؤون الأحرار) ...نيجي بقا للشعار اللي اتخذه التنظيم السري دا : هو بالضبط نفس الشعار اللي كان بيُهتف بيه في ثورات الربيع العِبري 2011م
👈حرية
👈عدالة
وبالضبط كدا هو نفس شعار جماعة الإخوان في مصر (الحرية والعدالة )👇

ووضعت منظمة الماسونية العالمية الصهيونية رموز خاصة بيها وطقوس سرية ....وخلي بالك جماعة الإخوان أو التنظيم السري للإخوان كان تنظيم غير معروف ولكن بالصدفة تم اكتشاف هذا التنظيم السري بسبب حادث شهير وهو ما يعرف بحادث السيارة الجيب في 15 نوفمبر 1948م 👇

طبعاً الماسون بيقولوا إن عقيدتهم ورموزهم ودرجاتهم في الماسونية إنها أساسها كان مصري وانتقلت لبني إسرائيل في الفترة اللي كانوا متواجدين فيها في أرض مصر ونقلوها معاهم لما خرجوا منها في عهد نبي الله موسى عليه السلام..والكلام دا طبعاً غير صحيح نهائياً👇

لكن لازم إنهم يشوّهوا أي شيء مصري بمحاولات شيطانية تحريفية بكل اللي يقدروا عليه....وعلشان بسيط أوي اللي ممكن يفهم رموزهم فوضعوا رموز لهم على شكل هرم (لكي يختلط العقل للأجيال المصرية أن المقصود بهذا الهرم هو مصر) لكن الحقيقة غير ذلك👇

المقصود بالهرم هو (الدرجات) وطبيعي إن لما يكون فيه درجات لأشخاص ماسونيين مختلفة بتقل بالتدريج حتى الوصول للقمة...يعني المقصود مش الأهرامات المصرية زي ما اللي بيفتي ويخترع ويألف ويقولك ان المصريين القدماء كانوا ماسون !! وطبعاً اللي مش فاهم هيصدّقهم..ودا دوري في السرد إني أفهّمك👇

وبالنسبة لتعليمات الماسونية الصهيونية العالمية بتكون تعليمات شفوية يعني مش مكتوبة علشان كدا هي منظمة سرية لا يعرفها إلا الخاصة..طيب والبروتوكولات يا صقر ما هي مكتوبة !!! صحيح ودا معناه إن البروتوكولات مقصود بإظهارها إنهم يُعلنوا عن نجاح منظمتهم في السيطرة على العالم 👇

وطالما بنقول إن الماسونية درجات يبقى أكيد الماسونية أقسام عامة وأقسام خاصة...بالنسبة للأقسام العامة هي :
👈الماسونية العامة
👈الماسونية الملوكية
👈الماسونية الكونية
👇

👈الماسونية العامة بيكون ليها(33) درجة رمزية وهدفها الإرتقاء بالفِكر البشري وممارسة الأعمال الخيرية والأديان في نظرها متساوية وبتهدف لعدم التعصُب لدين معين ...والنوع دا هو أول مراحل الماسونية ...اللي هو بالمعمى العامّي(جرّ الرجل) 👇

👈الماسونية الملوكية والنوع دا سري وخاص جداً ومبدأ الأشخاص المنتميين لها هو تقديس كل ما هو يهودي وخاصةً تعاليم التوراة والعمل على إعادة المملكة اليهودية السُليمانية وبالتالي العمل الجاد على إعادة بناء هيكل سليمان المزعوم 👇

👈الماسونية الكونية مفيش حد يعرفها إلا عدد بسيط جداً من يهود أبناء الماسونية الملوكية والنوع دا هدفه إستخدام أعضاء الماسون( في الماسونية العامة والماسونية الملوكية)لإشاعة الفوضى في العالم وتطبيق النظرية الاستعمارية اللي هي نظرية فرّق تسُد ومقرها محفل واحد فقط في نيويورك بأمريكا👇

يعني باختصار شديد (إستخدام شخصية مؤثرة في إثارة الفوضى في العالم) يعني ممكن الشخصية المؤثرة دي تكون متمثلة في قائد سياسي له شعبيته أو لاعب رياضي له متابعينه أو ممثل عالمي أو مغنية عالمية مشهورة أو عالِم شهير...وبالتالي عن طريق هذا الشخص يتم إشاعة الفوضى في العالم 👇

وإشاعة الفوضى في العالم بتأتي أولاً بالتشكيك في الجيوش النظامية ...لأن الجيوش النظامية هي الوحيدة القادرة على منع انتشار الفوضى وبالتالي لو طلع حد ذو تأثير قوي يتحدث لفئة من الشباب الغير واعي ويقول لهم إن الجيش بتاعكم دا جيش مرتزقة وميعرفش ربنا..بسهولة جداً هيسيطر على عقولهم👇

ودا اللي حصل بالضبط في 2011م باسم الثورات أو خلينا نقولها بإسمها الحقيقي والمصطلح اللي تم اتباعه في الفترة دي (ثوارت التغيير) لاحظ الكلمة كويس جداً وكيف تم اختيارها (التغيير) طبعاً لأن موضوعنا مش الثورات فمش هتوغل فيها..لكن هفرد ليها سرد خاص لوحدها..اللي يهمني دلوقت المصطلح👇

التغيير يعني أيه... يعني تغيير المُعتقد الأصيل وهدمه تماماً وبالتالي معنى التغيير أي (التدمير) لكن تحت إسم سلمية ...طبيعي مش هتخلي حد يتبّعك وانت عنيف ...فلازم هيكون المؤثر شخص سلمي ولا يُظهر إلا كل خير ...لكن في الباطن كل الشر داخله يسري في عروقه مجرى الدم 👇

نرجع للماسونية الكونية اللي قولتلكم انها أخطر الأنواع الماسونية العامة ...الحقيقة النوع دا بيضم صفوة الصفوة من الماسونيين وممنوع أي حد الدخول فيها إلا إذا وصل للدرجة (33) اللي هي اسمها درجة(الأستاذ)👇

الماسون بيعتبروا إن الكون دا اتخلق عن طريق الهندسة وإن اللي خالق الكون هو (مُهندس الكون الأعظم) ..وهما يقصدوا بكدا إن الكون اتخلق على يد أكتر من إله إستعان بهم وإن الإله الأعظم هو المهندس الأعظم (العين التي ترى كل شيء) وهو دا الرمز اللي موجود فوق رمز الهرم في الدولار فئة(1) 👇

وبالتالي الماسون يُنكرون وحدانية الله وبيحاولوا يجعلوا الماسونية ديانة خاصة بهم وطبعاً ينشروها بين البُسطاء عن طريق صفوة المُجتمع (العامل المؤثر) ولو عايز تشوف بردو وجه التشابه في الإخوان هتلاقيهم القسَم بتاعهم الجهاد في سبيل الجماعة...أي أن الجماعة تُعتبر دين 👇

ودا ذكاء كبير من الماسون لأن لو قام التنظيم على إنكار الله أصلاً ...بالتالي لن ينضم لهم عدد كبير ...أما إذا قالوا إن الله موجود لكنه ليس وحده هو الذي خلق هذا الكون ...سيكون هناك عدد أكبر ومع وجود العامل المؤثر العدد يتضاعف مرّات ...أظن كدا انت بدأت تفهم الدنيا ماشية ازاي عندهم 👇

كدا عرفت معايا إن أخطر أنواع الماسونية هي الماسونية الكونية لأنها بتضم نُخبة من ورثة الماسونية الحقيقية وهم حاخامات اليهود وطبعاً لهم الكلمة الأولى والأخيرة في المحافل الأخرى للماسونية العامة اللي بتضم جميع الطوائف والديانات وتخدعهم بشعارات الحرية والإخاء والمساواة وأعمال الخير👇

وبالتالي يتم توظيفهم لخدمة المصالح العُليا لما تُسمى(دولة إسرائيل العُظمى) ويُطلَق على الماسونيين من جميع الأمم والشعوب لقب(العِميان الصِغار) وعلى المتوسطين منهم لقب(العِميان الكبار) 👇

الجدير بالذكر إن أعضاء المحافل الماسونية في العالَم حوالي(6) مليون ماسوني :
👈(4) مليون منهم في الولايات المُتحدة الأمريكية
👈(750) ألف منهم في بريطانيا
👈الباقي متوزع على دول العالم
جايز الرقم يبقى أكتر من كدا ...لكن صعب انه يكون أقل 👇

لكن الماسونية محظورة في الدول الاشتراكية وبعض دول العالم الثالث إلا إنها تمارس نشاطها في تلك الدول المحظورة فيها تحت أسماء مختلفة زي الروتاري أو الدوناري والليونز وغيرها من الأسماء اللي بتصُب في النهاية كلها في المحفل الماسوني الأكبر 👇

وهدف الماسونية العالمية اللي أعضائها من الصفوة إقامة وإعادة بناء هيكل سليمان المزعوم واعتلاء مُلكهم أو مسيحهم الدجّال المُنتظر على العرش ليحكموا العالم بواسطته اللي علشانه أساساً تم إنشاء الماسونية ويترأسها ويديرها من خلال مجلس أو نادي ال(300) الموجود على ظهر الدولار(1)👇

ونادي ال(300) مُكوّن من رؤساء العائلات اللي بتملك البنوك والبيوت النقدية الحالية الكُبرى في العالم وهذا النادي أو المجلس يقوم بانتخاب مجلس ال(33) أو (Conseil Des 33) وهتكلم عن النادي دا والدولار بعدين ان شاء الله✍✍✍✍
👇

وفيه فرق كبير بين الماسون والنورانيون ...فالماسون هم البداية ثم انضمت النورانيون ...ودا شعار الطرق الماسونية المثالية العالمية...لاحظ الشعار كويس وقولي استنتجت أيه ؟؟؟ وهجاوبك في التويتة الجاية👇

ركّزت كويس في رمز الماسونية القديم طيب تعالَ نفنده:
👈العين الواحدة:(الدجّال)
👈المعابد: الهدف هدم الأديان
👈التدريج الهرمي: درجات الماسونية
👈الأهرامات: هوَس الماسون بالحضارة المصرية القديمة وحقدهم عليها وادعائهم أنهم بناة الأهرام
👈عام 1948 : نفس عام قيام دولة إسرائيل !!
👇

ولو ركّزت أكتر هتلاقي إن جماعة النورانيين اليهودية اللي انضمت للماسونية العالمية إتخذّت من الشعار السابق شعار العين الواحدة فوق الهرم والإشعاعات النورانية وتم وضع الشعار على الدولار الأمريكي كدليل على السيطرة والتحكم 👇

وعلشان متقولوش انت يا صقر بتتكلم من منظور واحد هقولكم تعالوا كدا نقرأ مع بعض مقتطفات من عميد الطرق الماسونية العالمية #حنا_أبو_راشد ونشوف كدا الراجل دا بيقول أيه عن أصل الماسونية في التاريخ البشري وتطورها 👇

#حنا_أبو_راشد بيقول نشأت الماسونية كنشأة النوع الإنساني الذي ضل التاريخ في أصل وجوده على سطح الكرة الأرضية فمن العلماء من قال: إن تاريخ الأنواع يرجع إلى ملايين السنين والبعض حدد عمر الأرض(47) مليون سنة فقط أما معظم ما يقرره العقل البشري فلا يتعدى أن آدم أبو البشر وحواء أم البشر👇

فمن هو آدم الذي وُلد من غير أم؟؟ آدم التاريخي الذي انحدر منه الرسل والأنبياء ..ومن هرلاء ظهر سليمان حكيم زمانه وفي هيكله الذي بدأ به داود وأتمّه هو (نشأت الماسونية) وأن النلك حيرام ملك صور الفينيقي اللبناني قد ساهم غي البناء والإنشاء 👇

ويقول حنا: وهكذا شاء المُهندس الأعظم أن يكون التأريخ الماسوني حياً بأحكامه فإذا طمسوه أو أوصلوه إلى بُناة الأهرام مثلاً فأمر مشكوك فيه لأن (فراعنة) مصر و(كهانهم) قد استخدموا السُخرة والجلد في بناء هرمهم العظيم 👇

ويتابع حنا قائلاً: والبناؤون الأحرار (الماسون) أرفع من أن يُسّخروا حيث كانوا في هيكل سليمان يتقاضون أجر متساوي ويزداد لهم الأجر بسخاء على قدر عملهم وهذه السنة لم تزل نواة دستورهم بفضل أساتذتهم الأُوَل العِظام 👇

وبيقول حنا ابو راشد عن نشأة فكرة الماسونية: بدأت الفكرة الماسونية كالفكر منذ البدء ..أسطورة من الأساطير ...أساطير الحقيقة ...بُعثت الفكرة في هيكل سليمان فاقترن بالعمل مهما كابر أرباب التأريخ والفكرة حكمة وُلدت في بناء الهيكل للاحتفاظ بسرية البناء👇

ويقول حنا: ثم أصبحت فيما بعد بفضل الحكيم سليمان والمهندس حيرام أبي ملك صور الفينيقي عقيدة عُمرانية توارثها البناؤون القُدماء أجيالاً وآمن بها العُلماء المُفّكرون وحتى الاستشهاد وقد احتفظ البناؤون الأحرار القُدماء والمقبولون بسريّتها 👇

ويتابع حنا أبو راشد: وبعض هؤلاء الأقطاب قد ضحّوا بأنفسهم في سبيل اكتشاف عناصر الطبيعة وفي (خلق) ثورة فكرية لجلاء الغامض المجهول 👇

ثم يقول حنا: وهذا التطور من حسن إلى أحسن قد يكون شهوة النفس إن لم تكن رسالة موحى بها!!! هي أقوى جداً من شهوة اقتناء المال وإن هذه الشهوة قد تبلغ من النفس أنها ترضى (بالاستشهاد)!! في سبيل الوصول إلى كُنه حقيقتها وهكذا تطوّرت الفكرة الماسونية👇

ويعترف عميد الماسونية #حنا_أبو_راشد أن الماسونية جمعية سرية أو كما يسمونها (اللُغز الغامض) ويُقّرر أنها لعبت ولا تزال تلعب أدوار هامة في تطوّر البشرية بكل جُرأة وإقدام بإسم العدالة المفروضة على الدل الحُرة!!! 👇

وبيقول إن الماسونية أداة من أدوات العُمران في السِلم والبناء ..وإما وسيلة مُزعجة من أقوى وسائل التدمير في الحرب والفناء ...وأسباب هذا التطور من أعلى أعلى إلى أدنى أو من أدنى إلى أعلى يرجع لذوي النفوس البناءة أو الهدامة ومثلها: الإناء ينضح بما فيه 👇

وبكدا يتضح لنا إن الماسونية نشأت في عهد سليمان (حسب زعمهم) يعني من حوالي سنة 1015 ق.م وكانت الماسونية في مرحلتها الأولى عندما انقسم المجتمع القديم إلى جماعة الحُكّام والكهنة وجماعة العامة (الشعب) 👇

وكانت الماسونية وقتها مقصورة على بناء الأبنية والمعابد الوثنية ومفيش حد كان بيتقبل فيها غير اللي بيمارسوا صناعة البناء فكانت مقصورة على طائفة البنّائين 👇

فالبداية كانت قبل الميلاد بحوالي(7) قرون وتميّزت طائفة البنائين الأولى بالنظام والفناء في العمل والفضائل والمعارف العامة والآداب ولذلك كانوا عند ممارسة طقوسهم في اجتماعات سريّة 👇

تم عقد أول اجتماع ماسوني في التاربخ بإسم (بناية البنائين ) في روميّة عام 715 ق.م تحت رعاية الإمبراطور #تومابومبيليوس وكان الإمبراطور دا أحد أعضاء (الجمعية السرية المُقدّسة) اللي بتُبّشر بإله واحد واجب الوجود غير مُتغير ولا منظور 👇

الإمبراطور الروماني #تومابومبيليوس هو اللي أنشأ لجماعة البنائين تنظيم فعيّن لكل جماعة منهم رئيس وأطلق عليه إسم (الأستاذ) وعيّن له معاونين وكاتب وأمين خزينة وحامل أختام وعيّن لهم أطباء مخصوصين وخدَم 👇

ووضع الإمبراطور لهم قوانين خاصة بذلك وألزمهم القانون بالمُحافظة على أسرار صناعتهم وإنهم يتعاملوا بينهم وبين بعض بالإشارات والرموز وأطلق على الأعضاء العاديين إسم (إخوة) سبحان الله بيفكرك الإسم دا بحاجة يا مؤمن؟؟👇

وقام الإمبراطور #تومابومبيليوس ببناء مدارس مختلفة أطلق عليها إسم(مدارس البنائين) وكلّفها ببناء هياكل دينية وكل اللي تحتاجه الدولة من أبنية زي القلاع والأسوار وغيرها ووضع لهذه المدارس قوانين خاصة وامتيازات لم يتم منحها لأحد غيرها وأعفى معاهدها من الضرائب 👇

وكانوا البنائين مُقسّمين إلى(3) أقسام وهم:
👈التلامذة
👈الرفاق
👈الأساتذة
وكانوا بيقْسموا وبيتعاهدوا على إنهم يساعدوا بعضهم في المنشّط والمكرّه ...وكان رؤساء الاجتماعات يتم انتخابهم كل(5) سنوات ويُلقبون بالأساتذة والاجتماعات بالمحافل 👇

وكان الإخوة البناؤون مش بيبدأوا عملهم غير بعد أداء الطقوس الدينية فكل جماعة تؤدي الطقوس الدينية اللي بتؤمن بها بس الأهم إن صلاتهم تبدأ بإسم(مهندس الكون الأعظم) كتعبير عن إن الكون هو بناء عظيم وخالقه هو المُهندس الأعظم 👇

واتعلم البنائين علوم كتير جداً فكانوا على درجة كبيرة من العلم والأدب بالإضافة إلى صناعة البناء 👇

ثم أصبحت جماعة البنائين إحدى أهم مظاهر الإمبراطورية الرومانية ترافق الدولة سواء انتصرت أو انهزمت وظل هذا الوضع حتى سقطت الإمبراطورية الرومانية عام 1453م....
ودا نهاية الجزء الأول من السرد الخاص بالماسونية وأرجو أن تكونوا قد استفدتم في هذا السرد...تحياتي لحضراتكم 👮‍♂️🇪🇬🔚

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد