من كام سنة شركة Dove عملت حملة إعلانية من أعظم واجمل الحملات من وجهة نظري وكان شعارها: "أنتِ أكثر جمالاً مما تعتقدين"
Dove sketches | you're more beautiful than you think.
جابوا رسام ومجموعة نساء وكانت الفكرة انه يرسمهم مرتين من غير ما يشوفهم خالص+
Dove sketches | you're more beautiful than you think.
جابوا رسام ومجموعة نساء وكانت الفكرة انه يرسمهم مرتين من غير ما يشوفهم خالص+
. الرسمة الاولي بيعتمد فيها علي رؤية كل ست لنفسها يعني بتقعد وتقوله ملامحها عاملة ازاي بناءً علي تقييمها الشخصي.
. والرسمة التانية بيعتمد فيها علي رؤية وتقييم شخص آخر لكل ست رسمها قبل كده يعني بنجيب شخص ثالث مايعرفش اي ست منهم شخصياً ويوصفله ملامحها واللي بيميزها+
. والرسمة التانية بيعتمد فيها علي رؤية وتقييم شخص آخر لكل ست رسمها قبل كده يعني بنجيب شخص ثالث مايعرفش اي ست منهم شخصياً ويوصفله ملامحها واللي بيميزها+
وفي النهاية بيتم وضع الصورتين جنب بعض كنوع من المقارنة وكل ست بتدخل تشوف صورة بتعبر عن رأيها في نفسها وصورة تانية بتعبر عن رأي ونظرة شخص آخر مش عارفها وطبعاً النتيجة كانت مدهشة وبتلاقي ان حكم كل ست علي نفسها كانت قاسية وحساسة جداً مقارنةً بحكم الشخص الاخر عليها.
المثير في الموضوع ان الصورتين مش مختلفين عن بعض وأنهم حرفياً نفس الشخص بس الفرق ان الشخص لما بيقيم نفسه بيركز علي عيوبه كأنها عار او غلطة لازم يخجل منها ففي منهم اللي ركز علي كرهه لخدوده او كرهه لحجم شفافيه او كرهه لذقنه في حين ان دي تفاصيل وان كانت "موجودة" الا ان محدش ركز عليها
وبالتالي لما الشخص الغريب وصف للرسام، ذكر نفس الملامح بس ركز علي "الجميل" ركز علي اللي لفت انتباهه ودي الفكرة. فشوف خدودك اوحش خدود في العالم براحتك بس ده مش هيقلل من جمال عيونك او لون شعرك او بساطة ملامحك او أياً كان الحلو اللي فيك. ببساطة عيوبك مش بتقلل من جمالك ولكن بتميزها.
لما بنقول ان اي انسان جميل مش بيبقي المقصود اننا نخدر بعض او نجامل بعض لأن الحقيقة هي ان كل شخص يمتلك جماله الخاص بالرغم من عيوبه او نسبة جماله طبقاً لمحيطه. شوف مثلاً الغزالة والسمكة والفيل او الفراشة كلهم مختلفين جداً عن بعض ولكن كل شئ منهم بشكل فردي يمتلك جمال وتركيبة خاصة.
للمصداقية لما قريت البوست ده زعلت جداً لأني بشوف منه كتير وحسيت ان اي حد فينا ممكن يقوم في مرة مش قادر يبص في المرايا لأنه ببساطة مش قادر يشوف الحلو مع انه موجود وده بيفكرنا بأهمية الحنية واللطف في التعامل مع نفسنا وكمان مع غيرنا لما نركز علي الجمال هنحس بيه ومش لما نتجاهله.
جمال الآخرين لا يقلل من جمالك وتفوق بعض الأشخاص عليك في الجمال من وجهة نظرك او طبقاً لمقاييس المجتمع عمرها ما بتمحي من جمالك. ومش معني ان الأغلبية اتفقت علي جمال وسحر القمر تبقي النجوم اي كلام. ركز علي اجمل ما فيك لأنه موجود ومحتاج منك نفس الاهتمام اللي بتمنحه لعيوبك وشكوكك.
في النهاية احنا محظوظين لأننا في وقت نقدر نطور فيه من نفسنا بعدة طرق وفي أسرع وقت، اكتشف جمالك وابرزه، اهتم بنفسك، غير الأمور اللي تقدر تغيرها بدون ما تضغط حالك او تشعر بالذنب. وتأكد أنك حاطط قلبك في المكان الصح وسيب نفسك وخد وقتك. وتأكد انك اكثر جمالاً مما تعتقد 🌻
الثريد دي مجرد فضفضة ليلية وتدخل ضمن #قعدة_صحاب لأن بقالنا كتير ماتكلمناش وأعتقد أن دي مسألة بتلمسنا جميعاً واتمني تشوفوا الإعلان لانه يجنن :)
بحبكم أبطالي واتمني لكل السهرانين احلام سعيدة 🦄💜
بحبكم أبطالي واتمني لكل السهرانين احلام سعيدة 🦄💜
جاري تحميل الاقتراحات...