سُكّان مصر وهدم المقابر
لما اتولدت سنة 64 كان عدد سكان مصر وقتها حوالي30 مليون. دلوقتي عدد السكان وصل لأكتر من 100 مليون، أو تلات مرات وتِلت عدد السكان في 64.
لما اتولدت سنة 64 كان عدد سكان مصر وقتها حوالي30 مليون. دلوقتي عدد السكان وصل لأكتر من 100 مليون، أو تلات مرات وتِلت عدد السكان في 64.
العدد ده كله عايش تقريبا على نفس المساحة المأهولة اللي هي سبعة في الميّة من مساحة مصر. طبعا لو حد مش عارف ليه احنا قاعدين في أوضة واحدة وسايبين باقي الشقة فاضي، أحب أفكّرك إن احنا بلد صحراوي ميعرفش حاجة عن ليبيا. أو ممكن تقول إن مصر هي ليبيا ذائد النيل.
علشان كدة مصيرنا كلنا من ساعة ما قالوا يا مصر مرتبط بالنيل. طيب مع التقدم العلمي والتكنولوجيا، كل حكام مصر من أيام محمد علي مقدرتش يزحزحوا السبعة في الميّة دي شويّة بدال الخنقة اللي احنا عايشين فيها؟
أكيد حاولوا على قد ما يقدروا. محمد علي اهتم بشق الترع والتوسع في الزراعة وهو اللي عمل اسكندرية اللي نعرفها دلوقتي واولاده كمّلوا من بعده وعملوا النوبارية نسبة الى نوبار باشا اول رئيس وزراء مصري.
وحفروا قناة السويس اللي أجدادنا ماتوا فيها واللي احسن السويس وعملوا الاسماعيلية (نسبة للخديوي إسماعيل) وبور سعيد (نسبة للخديوي سعيد) وبور فؤاد (نسبة للملك فؤاد).
ها، وإيه كمان؟ تابعوني
طبعا عهد عبد الناصر كان عهد الحراك السكان والهجرة الداخلية بامتياز، كان تقريبا إعادة توزيع السكان في نفس المساحة المأهولة. فائض العمالة الزراعية قبلي وبحري شدّوا الرحال على القاهرة الكبرى وعمّروا وإستعمروا حلوان وشبر الخيمة تحديدا.
طبعا كان فيه توسعات تانية بسيطة على قد الموارد المتاحة من أهمها انشاء مديرية التحرير. مش لازم ننسى ان الناس اللي هاجرت للقاهرة ومكانش لها حظ في العمل في مصانع عبد الناصر كانوا هُمّا نواة السكن غير المخطط وسكان المقابر. دي كانت البداية.
ده طبعا ثريد تذكاري 😂😂😂
لازم تطبعوه وتبروزوه
الثريد بقية ...
لازم تطبعوه وتبروزوه
الثريد بقية ...
السادات برضو عمل اللي يقدر عليه. عمل مشروع عاصمة ادارية جديدة في مدينة السادات وللأسف فشلت. من اهم انجازاته في مجال التوسع العمراني مدينتين ارتبط اسمهم بانجازه الأهم وهو نصر السادس من اكتوبر العاشر من رمضان. عمل مدينة 6 اكتوبر ومدينة العاشر من رمضان.
طبعا مع الوقت دخلت اكتوبر في الجيزة. السادات كمان أنشأ مدينة 15 مايو بالقرب من حلوان بالقاهرة وطبعا اسمها مرتبط بما كان يعرف بثورة التصحيح اللي تخلص فيها السادات من خصومه السياسيين في 15 مايو 1971. طبعا الجملة دي ملهاش علاقة بالموضوع بس آهي جات كدة للذكرى.
طبعا مع الوقت دخلت اكتوبر في الجيزة. السادات كمان أنشأ مدينة 15 مايو بالقرب من حلوان بالقاهرة وطبعا اسمها مرتبط بما كان يعرف بثورة التصحيح اللي تخلص فيها السادات من خصومه السياسيين في 15 مايو 1971. طبعا الجملة دي ملهاش علاقة بالموضوع بس آهي جات كدة للذكرى.
حسني مبارك حكم مصر تلاتين سنة. طبعا بغض النظر عن خلاف الناس حوالين فترة حكمه، الراجل ده عمل توسّعات كبيرة جداً. في عهده تم مد كوبري ستة أكتوبر لحدوده المعروفة لينا حالياً، وأنشأ مجموعة كبيرة من المدن الجديدة والامتدادات العمرانية الضخمة.
طبعا أهم الاعمال دي بالنسبة للتوسع العمراني التجمع الخامس وزايد وبدر وكمان مدن وتجمعات صناعية زي برج العرب الجديدة. من الانجازات المهمة لمبارك كمان "مدن التوأمة" في الظهير الصحراوي للمحافظات زي اسيوط الجديدة وسوهاج الجديدة وخلافه.
طبعا بالنسبة للتوسع في استخدامات الارض كان فيه اهتمام بمحافظات البحر الاحمر وشرم الشيخ والساحل الشمالي والسخنة. طبعا الحاجات دي كويسة لكن مش بتخفف الكثافة في المدن الكبيرة.
بالرغم من كل الانجازات دي من عهد محمد علي لنهاية عصر حسني مبارك، الزيادة السكانية كانت اكبر واكتر من كل اللي اتعمل. الغزو الثقافي كان له تأثير وتنظيم الاسرة حتى هذه اللحظة جائز دينيا (من وجهة نظر رجال الدين) لكن بشروط تجعله غير جائز تقريباً.
نقطة مهمة في موضوع الغزو الثقافي هو تأثيره على مكانة المرأة والنظرة لها في المجتمع باعتبارها وعاء للمتعة والحمل والانجاب، وده طبعًا منبع كل قيم التخلف والرجعيّة وده طبعا له تأثير شديد السلبية على نجاح/فشل برامج تنظيم الأسرة.
ليه دخلت في موضوع تنظيم الاسرة وإيه العلاقة بين تنظيم الأسرة والزيادة السكانية والغزو الثقافي وهدم المقابر؟ أولًا لازم تنزل للأرض وتفكّر بموضوعية. إنا مش في أوروبا. إنا في بلد نسبةً الأمية فيها 25 في المية. يعني واحد من كل أربعة بصمجي!
إنت في بلد شعارها "الحي أبقى من الميت" وان التماثيل العظيمة بتاعة المصريين القدماء "مساخيط." إنا في ثقافة بتستطيع حرمة الموتى. روح شوف الناس عايشة ازاي في المقابر. روح شوف الناس بانية بيوت ازاي في صحراء المماليك.
إنت في بلد راكبة على بعض طبقات. إنت في بلد كلها آثار واماكن لها ذكريات مع كل واحد فينا. في نفس الوقت كلنا مخنوقين وعمرنا بيضيع في المواصلات. وبعدين إيه قدسية كوبري السيدة عيشة وسوق الجمعة ومقابر الامام الشافعي او حتى جامع السيدة عيشة نفسه؟ طيب عارف ان الجامع ده اتبنى سنة 1971؟
اعتبر الفقرتين تلاتة اللي فاتوا جُمَل اعتراضية وتعالوا نكمّل. فاكرين السيسي لما قال "أنا باعمل دولة جديدة؟" السيسي، كقائد من خلفية عسكرية زي كل حكام مصر السابقين، همّه دايما انه يعمل انجاز ضخم يذكر بيه زي محمد على واحفاده وزي عبد الناصر والسادات ومبارك.
الفرق بين القادة دول والسيسي ان السيسي مقتنع ان معاناة المواطن على المستوى الميكرو ممكن يعوضها نجاح الدولة على المستوى الماكرو. طبعا ممكن نختلف في تقييمنا للموضوع ده، لكن ده مش هيغيّر توجهات الدولة.
نعمل طرق؟ ايوة لازم نعمل طرق لان ده فكر استراتيجي عسكري. لازم نوصل لاي حِتّة في اسرع وقت. نعمل كباري؟ ننتهك حرمة الموتي؟ لو مافيش حل غير كدة مضطرين، (ومن اضطر في مخمصة ... )ده له علاقة بالمسألة السكانية؟ أيوة أكيد. ده له علاقة بالغزو الفكري الخليجي؟ برضو أكيد.
طيب هل ده تعريض؟ لا اطلاقاً، أكيد كمواطن كنت اتمنى مساحة حرية اكبر وكهربا ارخص وفواتير اقل ومعاش تقاعد اكبر. طيب والحل؟ نبني اكبر ونتوسع اكتر ونستحمل أكتر يمكن الدنيا تبقى احلى بعد جيلين تلاته ☹️☹️☹️
جاري تحميل الاقتراحات...