كثير تجيني اسأله عن متجري حرفة وطريقة طلب كميات منتجات من الصين، بكتب تجربتي بالتفصيل من البداية وحتى وصول المنتجات وبيعها، وراح اعرض امثلة جاهزة من الانترنت توضح طريقة الطلب بالتفصيل والاسئلة اللي لازم نحرص نسألها البائع قبل دفع المبلغ.. اي شخص عنده اضافة بكون سعيدة✨.
في البداية لازم تكون التصاميم عندك جاهزه بصيغة Ai ، Pdf ولو ما كنت مصمم ممكن تتعاون مع مصمم يصمم لك المنتجات اللي تمثل علامتك التجارية او تشتريها منه، وجود المصمم في كل العملية ضرورة جدًا او الرسام لان بدون لمساتهم السحرية ماراح يكون فيه منتج فريد وعليه اقبال "باذن الله"🪄✨
بعدها نحمل تطبيق علي بابا وهو وصلتنا مع البائعين في الصين عالم ما ينتهي من المنتجات بجودة واسعار عظيمة، فيه تطبيقات اخرى لكن ما جربتها اعتقد نفس الخطوات لمن تفهمها بتساعدك على الشراء من اي بائع في اي منصة، رابط التحميل
apps.apple.com
apps.apple.com
بعد التحميل اشوف وش المنتج اللي ابغى انتجه وابيعه انا بشرح الان على منتج " الملصقات" "stickers" نكتب في البحث ايش نبغى وراح تطلع لنا خيارات كثيرة لبائعين مختلفين.. بالنسبة لي جهزت رسالة فيها كل التفاصيل وملف التصاميم بصيغة pdf وارسلتها لكل بائع قدامي وقارنت الاسعار وتأكدت واعتمدت
ارفقت نص الرسالة✉️✨وكتبت كذلك الاسئلة اللي لازم نسألها البائع عشان ما نواجه مشاكل في التوصيل، او المبالغ، او الوقت، او اي شيء.. ان شاءالله انها رسالة تحوي كل المعلومات المفيدة، بالنسبة لاخر سؤال "الميزانية" مو ضروري لكن لو حابين تضيفونه ضيفوه لانهم طماعين وممكن تكون اسعارهم اقل
الان ندخل على اي بائع ونضغط خيار " الدردشة الان" ونرفق نص الرسالة مع ملف التصميم pdf عشان يكون كل شيء واضح لهم وبالقياسات وهنا مثال 👇🏻✉️:
وهذا مثال لطريقة المُلصقات في الملف بالقياسات وملف الشعار كذلك منفصل، ولو طلبت عبوات تتغلف فيها كل مجموعة ستيكر راح يزيد السعر، وكذلك يرسل البائع تمبلت يتصمم عليه شكل العبوة الخارجي.. عشان كذا ضروري يكون معاك مصمم خلال العملية، وممكن يصممون لك هم لكن حسيتهم ما يستوعبون بسرعة..
بعد ما نتفق مع البائع ويناسبنا السعر والمدة وكافة التفاصيل بيسألنا لو يرسل العينات؟ بالنسبة لي ما اخترت هذا الخيار وطلبت يصورونها فيديو وصور.. وبعدين نتوكل على الله ويرفع لنا طلب بيع على المحادثة وندفع نص المبلغ ونكون معرفين حساباتنا على التطبيق وننتظر الى ان نشوف العينات🔎✨
وبس نشوف العينات ونتأكد من صدق البائع نعتمد الطلب ومجرد ما ينتهي ندفع باقي المبلغ ليتم الشحن والتوصيل، كذلك نسأل سؤال “?Door to door delivery” ويُقصد الشحنة توصلك لباب البيت مو في مدينة اخرى او مكان بعيد عنك.. بالنسبة للجمارك لو كانت الكمية قليلة والوزن غير ثقيل مافيه رسوم عليها.
هنا كانت تجربتي معهم واستغرقت اسبوع للتفاوض والترتيب وانتاج العينات ووصلتني خلال ٤ ايام فقط بعد الاعتماد، التأخير بالبداية وبطء الرد كان بسبب انشغالهم في مهرجان.. طولوا بالكم عليهم وكل ماكنتوا ذوق تعاونوا معكم كثير.. اتمنى اني افدتكم واي معلومات جديدة بشاركها معكم، بالتوفيق🤍✨.
جاري تحميل الاقتراحات...