(#ثريد : ست الودع) :
.
شعوذة ام سحر ام خرافات؟.
كتار مننا بسمعو عن قصص (ستات الودع) او الوداعيات خاصة عند جدودنا نسبة لانها كانت حاجة منتشرة رغم انها من المحرمات ومتفق عليها. بس كان في واحدة غريبة؟ غريبة كيف حنشوف.
.
⭕(ماتنسو اللايك و الرتويت 👌🏻✨) ⭕
.
شعوذة ام سحر ام خرافات؟.
كتار مننا بسمعو عن قصص (ستات الودع) او الوداعيات خاصة عند جدودنا نسبة لانها كانت حاجة منتشرة رغم انها من المحرمات ومتفق عليها. بس كان في واحدة غريبة؟ غريبة كيف حنشوف.
.
⭕(ماتنسو اللايك و الرتويت 👌🏻✨) ⭕
-حصلت القصة في بدايا الألفينات ف احدى اسواق امدرمان الشعبية.
(سيتم تغيير بعض المعالم تحت رغبة الراوي)
(سيتم تغيير بعض المعالم تحت رغبة الراوي)
-سلام عليكم اسمي حسن عمري ٣٨ سنه حصلت القصة دي ٢٠٠٣ كنت شغال مع عمي زي ما بقولو (صبي) بمسك الدكان ف الايام المابكون هو قاعد فيها وكدا.
-في يوم من الايام وانا لافي ف السوق كنت جديد ف البلد ف شفت لي زي غرفة صغيرة كدا جمب خور مبنية من طين وسقفها من سعف مافيها باب بس في ستارة والناس بتهش وتطلع لاحظت الحاجة كم يوم ومستغرب؟
-يوم من الايام سالت صاحبي شغال ف الدكان الجمب دكان عمي قلت ليهو انت المكان داك فيهو شنو؟
-ردا وقال انو دي ست ودع. استغربت قلت ليهو هو بالله الكلام دا بالجد؟
-ردا وقال انو دي ست ودع. استغربت قلت ليهو هو بالله الكلام دا بالجد؟
⭕وللناس المابتعرف الودع :
-مرت الايام وجابني الطريق مرة قدام المكان حقها وماكان وراي شي ساقني الفضول لدروب ماكان مفروض ادخل فيها بس النفس امارة بالسوء زي ما بقولو قمت دخلت الغرفة.
-دخلت الغرفة وكانت مرتبة مع انو الحاجات الجوة بسيطة بس مرتبة بطريقة غريبة المكان كان مريح كانت هي قاعدة في فرشة حمراء ف الارض اول ما دخلت عاينت لي بوجه بشوش جدا مريح وضحكة قالت لي :انت جديد الجابك شنو؟
-قلت ليها والله ياخ سمعت عنك.. قالت لي وبتكضب كمان؟ مش يومي بتجي في الشارع دا وشايل الحاجات الفلانية (الكان عمي برسلني ليها) وسألت فلان الشغال جمبك وقالي دي وداعية؟؟؟
-انا استغربت شديد من كلامها وجاتني خوفة بس قلت ما اجري يمكن تعمل لي شي.
-انا استغربت شديد من كلامها وجاتني خوفة بس قلت ما اجري يمكن تعمل لي شي.
-قالت لي :جيب البياض. (عبارة عن قروش بتاخدها قبل ما تعمل ليك اي شي) وانا ماكلن عندي قروش كتيرة غير باقي المرسال الرسلني ليهو عمي بالصباح قمت ختيتها.
-بقت ترمي في الوع وتقلب فيهو يمين وشمال وتلخبطو مع التراب الفي الارض وبتعاين لي في عيوني بإستغراب؟!
-بقت ترمي في الوع وتقلب فيهو يمين وشمال وتلخبطو مع التراب الفي الارض وبتعاين لي في عيوني بإستغراب؟!
-قالت لي البياض حيكتر لي قدام.. حيكتر شديييد ؟؟ انا استغربت.
-فقالت لي امشي وما تفك عمك دا و امشي منتظرنك ف الدكان.
-فعلا مشيت لكن كنت بفكر في الموضوع وفعلا في نص ما انا بتسائل لقيت عمي واقف قدام الدكان وبيفتش فيني شاكلني انو كنت وين واتأخرت. ماركزت لانو كنت مشغول بكلامها...
-فقالت لي امشي وما تفك عمك دا و امشي منتظرنك ف الدكان.
-فعلا مشيت لكن كنت بفكر في الموضوع وفعلا في نص ما انا بتسائل لقيت عمي واقف قدام الدكان وبيفتش فيني شاكلني انو كنت وين واتأخرت. ماركزت لانو كنت مشغول بكلامها...
-استمرت حياتي عادي لمدة سنتين ماكان بيحصل اي شي غريب اي مرات مرات بسمع انو في حاجات سوداء قالو بتلف حوالين غرفة الوداعية دي بليل بتحرسها وانها ما بتطلع لكن ما حصل يوم انا شفتا الحاجات دي بتحصل لانو ماناوي اشوف حاجة بالمنظر دا اصلا.
-رجعت البلد لاهلي وكانت فترة قصيرة شديد في نفس الاسبوع جاني خبر موت عمي... رجعت وحضرت الجنازة وبعد ما اكتمل الدفن عملنا الصيوان وكنت حزين جدا. عمي كان بالنسبة لي ابوي لانو ابوي اتوفى وانا صغير شديد وعمي ماكان عندو اولاد رباني كانو بربي ولدو وبعد كبرت شغلني معاهو.
-في ثالث يوم للعزا جا راجل غريب ومعاهو (عم احمد) دا صاحب الدكان الجمب دكان عمي قعد مع اعمامي التانيين ولاحظت انو النقاش اشتد بيناتهم؟ كنت بجيب الموية للناس البتعزي فلمن جبت ليهم الموية عم احمد قالي اقعد ياحسن عايزنك في موضوع؟ عم حسن بيتكلم معاي بجدية لاول مرة ف حياتي؟
-اعمامي التانين كانو بعاينو لي بإحتقار وغضب ماعارف ليه مع انو معاملتي معاهم كويسة قام عم احمد اتكلم وقال المرحوم قبل ما يموت جاب لي وصية.
-وصية؟طيب وانا علاقتي شنو؟ سألتو.
-ردا علي وقالي عمك قبل ما يتوفى اداني الوصية دي انو الدكان والبيت وكل قروشو تتسجل بي اسمك انت؟؟؟؟
-وصية؟طيب وانا علاقتي شنو؟ سألتو.
-ردا علي وقالي عمك قبل ما يتوفى اداني الوصية دي انو الدكان والبيت وكل قروشو تتسجل بي اسمك انت؟؟؟؟
-انااا؟؟. رديت بإستغراب شديد جدا ماكنت متخيل حاجة زي دي تحصل ف حياتي.
-ردا واحد من اعمامي بيتكلم مع عم احمد قاليهو الكلام دا ما ممكن حسن لسة صغير وما بيقدر على مسؤوليات قدر دي. صراحة انا كنت موافقو الموضوع بس حسيت ف كلامو بنوع من الغيرة والزعل.
-ردا واحد من اعمامي بيتكلم مع عم احمد قاليهو الكلام دا ما ممكن حسن لسة صغير وما بيقدر على مسؤوليات قدر دي. صراحة انا كنت موافقو الموضوع بس حسيت ف كلامو بنوع من الغيرة والزعل.
-(عم احمد) اصلا عارف انو اعمامي بيحبو القروش وممكن يعملو اي شي عشانها علشان كدة قالي عندك اثبات معاك هسي؟قلت ليهو اي ليه؟ قالي دا المحامي وهسي حنكمل الاجراءات دي؟ الناس كلها استغربت واحد من اعمامي قام وبقى بيتكلم بنبرة حادة انو ما الكلام دا ما حيتم ؟
بعد العزاء حصلت خلافات ومشاكل كتيرة ودخلنا محاكم وجوطة شديدة استمرت فترة لكن ف النهاية المحكمة جابت حقي واتسجلت كل الاملاك دي بأسمي!
-يعني شاب وعمري ٢٢ ولا ٢٣ سنه وعندي ملااين؟ انا ف حد نفسي ماكنت مصدق.
-حسيت بالمسؤولية شديد وقررت من بكرة افتح الدكان وامشي شغلو زي ماكان عمي بيعمل
-يعني شاب وعمري ٢٢ ولا ٢٣ سنه وعندي ملااين؟ انا ف حد نفسي ماكنت مصدق.
-حسيت بالمسؤولية شديد وقررت من بكرة افتح الدكان وامشي شغلو زي ماكان عمي بيعمل
بعد ماركزت مكانتي في السوق وبقيت عارف انا بعمل شنو القروش مشت في يدي وبقيت مابمشي ليها وفي يوم جيت من دكاني الجديد فتحت الباب لقيت لقيت نص الحاجات محروقه وفي دخان خفيف وبعدها بي دقايق ولعت نار كبيرة في القطية(بتاعت ست الودع).
-ماكنت عارف العلاقة بيناتهم شنو قلت يمكن حرامية.
-ماكنت عارف العلاقة بيناتهم شنو قلت يمكن حرامية.
النار كانت كبيره لي درجة مافي زول قدر يطفيها انا اتزكرت كلام قالو لي صاحبي في البلد~ انو ممكن اتضر اذا وقفت منها القروش(البياض)قبل مازول يلاحظ قفلت دكاني ومشيت على الناس وبقيت اعاين وخايف من الموضوع النار استمرت ساعتين ووقفت كلها فجأة!!
اتحركت رجعت بيتي ونمت فترة طويلة وصحيت بسأل نفسي الحيحصل شنو اتوكلت على الله ورجعت الدكان في باقي اليوم وكانت الساعة ١١م فتحت الدكان عشان اشوف الحصل شنو فجأة جاني طفل من جوا الدكان؟ انا لمن هبطت قعد يضحك وقالي نسيت كلام صحبك وطلع من الدكان وهو بجري؟؟؟
-ماقدرت الحقو وراسي جاط شديد اخدت زي اسبوع مختفي من السوق لحدي مايوم جاني عم احمد وكان مستغرب لي انا وقفت شغل(لانو كان بيناتنا شغل)فاتربكت لكن قويت قلبي وحكيت ليه الحصل زمان ما استغرب ولا اتكلم معاي ليه عملت كدا ولا شي بالعكس حكى لي قصة؟
حكى لي قصة غريبه انو عمي الانا كنت شغال معاهو كان بمشي ليها في وقت متاخر وبقعد معاها بالساعات لكن ماشرح لي حاجة تانية انا بديت اربط الخيوط في راسي وسالتو من الحل شنو قام قالي انا عارفها هي وين ووراني المحل وكان مابعيد من السوق قمت ودعتو ومشيت ليها طوالي...
-المحل الهي فيه اشبه بي الخرابة فجإة سمعت صوت قوي بنادي بي اسمي مشيت اتجاه الصوت لقيتها هي وبي منظر غضبان شديد قالت لي اقعد وبدت تتكلم وكان كلامها كلو معايرة وانو جماعتها حايضروني اكتر وبديت احنس فيها لحدي مااعزرت وقبل وقالت لي تعال بعد يومين في نفس المكان القديم وجيب معاك حاجات!
حاجات كانت اشبه بالمستحيل ووريتها اني مابقدر وقالت لي بتعرف بليل تجيبها من وين طلعت وانا شبه اتطمنت ورجعت البيت.
-وبقيت بفكر في كلامها لحد مانمت صحيت بي صوت طفل بصحيني وبقول لي كلام غريب والجملة الطلعت ببها ارح الدكان طلعت وانا خايف مشيت الدكان رجع لي نفس الطفل الجاني يوم الحريق ووقف يضحك فيني وطلع انا استغربت والبوم داك تميت نومي في الدكان.
لحدي ماالصباح جاني عم احمد وحكيت ليو وصف لي سوق في حتا بعيدة في امدرمان وقالي نمشي سوا اتحركنا ووصلنا دخلنا بيت ولقينا فيو راجل سلم على عم احمد وسلم علي زي البعرفني من سنين وقعدنا وجاب لي الحاجات الدايرنها بدون مااقول ليو وقالي اطلع سريع بدون ماتتكلم طلعت وخليت عم احمد معاهو.
-تاني يوم الصباح مشيت السوق ولقيت الناس بتحكي انو الوداعية رجعت ومتونسين بالموضوع؟
مشيت ليها نهاية اليوم ومعاي الحاجات الطلبتها اول مادخلت لقيتها بي نفس الوش بتاع اول يوم... اديتهاوالحاجات وقعدت معاها(الحصل بعد كدة بتعزر عن اني مابقدر احكيه).
مشيت ليها نهاية اليوم ومعاي الحاجات الطلبتها اول مادخلت لقيتها بي نفس الوش بتاع اول يوم... اديتهاوالحاجات وقعدت معاها(الحصل بعد كدة بتعزر عن اني مابقدر احكيه).
وبعد انتهت طقوسها ختيت ليها بياض كتير شديد مافي زول في السوق بدخلو في سنة دا لانو كنت خايف بعد كدة هي ما تقبل وفعلا.. ضحكت وقالت لي الاديتك ليهو مافي زول اداك لي ولا حتى اعمامك؟
-مرت السنين وبين كل فترة وفترة بظهر لي الطفل دا بقولي امشي ودي ليها بياض؟ كان لمن بتأخر يوم واحد بس بتحصل لي حاجات غريبة مرة افتح الدكان القاهو كلو ثعابين؟ مرات حاجات بتحرق براها؟ اول ما اودي البياض بتختفي الحاجات الغريبة؟
-مرة من المرات زهجت من الحاجات البتحصل لي دي وانو ليه المرة دي بتبزني كدة انا مشيت ليها مرة واحدة بالغلط بقت تحصل لي المصايب دي كلها ليه.
-جاني الطفل الغريب دا فيوم من نص المخزن قالي قالت ليك جيب البياض قلت ليهو قوليها تاني ماف بياض وماحاجيب اي شي وحابلغ عنك لو عملت شي تاني.
-جاني الطفل الغريب دا فيوم من نص المخزن قالي قالت ليك جيب البياض قلت ليهو قوليها تاني ماف بياض وماحاجيب اي شي وحابلغ عنك لو عملت شي تاني.
-جاتني بعد الكلام دا بساعه او اقل هي زاتها ووشها زعلان شديد وناس السوق كلهم خلو شغلتهم وبقو بعاينو لينا وهي بدت تصرخ بتقول كلام غريب وفي نصو تهديدات! (انا ما حاخليك) (حاعذبك) (حاخليك تتمنى الموت)!! ما اكذب كنت خايف بس الناس كانو كتار جمعت نفسي وقلت ليها امشي من هنا ولا ببلغ عنك.
-قالت لي كويس ومشت. من اليوم داك اتطور الموضوع لدرجة بقت تحصل لي مواقف غريبة حتى ف البيت. بصحى على صوت ناس حايمين حواليني ف السرير بهمهمو بلغه غريبة. ؟
-اخواني الصغار بقولو شفنا ناس لونهم اسود لافين ف الصالة بليل؟ وحاجات كتيرة شديد بتقرب تجننك.!
-اخواني الصغار بقولو شفنا ناس لونهم اسود لافين ف الصالة بليل؟ وحاجات كتيرة شديد بتقرب تجننك.!
-بقيت فعلا ما بقدر انوم وكل يوم بتزيد المواقف الغريبة لدرجة انو مرة كنت ف الحمام الله يكرمك ويكرم الناس ظهر لي واحد فجأة جوة الحمام لزاني ووقعت ف الارض كسرت يدي. جبتا شيخ وبقى بيحصني وبيحصن ناس البيت وبيقرى قرآن في البيت والدكان هدت الامور شوية بس ما انقطعت لسة بسمع ناس.
-استمرت الحاجات تحصل لحدي مافيوم من الايام كنت ف السوق بعد صلاة الظهر. كلمت الشيخ ووريتو بالحصل وكلمتو انو انا ماكنت عارف هي شي ولا بتعمل شنو ومافهمت كلامها الا بعد كم سنه من الحصل وانو عمي الله يرحمو كان بيمشي ليها قال انو حيتصل على ناس ونمشي ليها جوة الغرفة حقتها دي!!
فعلا تاني يوم بعد صلاة العصر جاني الشيخ ف الدكان وقالي نمشي لقيت معاهو مجموعه شيوخ وعسكريين شرطة؟ قالو اول ما الشمس تبدى تغرب ندخل ليها.؟
فعلا صلينا المغرب كلنا وطلعنا من الجامع اتحركنا على الخور وكانو مافي ناس كتار السوق بدى يقفل فعلا ولاول مرة فحياتي اشوف الحاجة دي قدامي؟ كانو في تلاتة كلاب لونهم اسود وحجمهم غريب (كبار شديد!! ) لافين حوالين الغرفة حقتها دي.
-العساكر عمرو اسلحتهم وقفوهم الشيوخ وبدو يقرو قرآن وجزو منهم بيقولو (سلامٌ قولا من رب رحيم) و (اعوذ بكلمات الله التامات من شر ماخلق) الحاجة الغريبة اكتر انو الكلاب دي كل ما نقرب منهم بينبحو فينا بس بيبعدو اول ما الشيوخ يسكتو بيجرو علينا؟
-دخلنا الغرفة والمكان كان مظلم؟ نورنا كشافات والعساكر قدامنا بيقولو (ثااابت ثااابت) لكن مالقينا اصلا انسان؟بس المنظر الشفناهو كان اغرب منظر ف حياتنا؟
لقينا جثتين متعفنات؟واحدة متربعه ولابسة لبس المرا الوداعية؟ والريحة قوية والدود لافي فيها جمبها راقجة جثة بتاعت طفل صغير عرفتو من الملابس اللابسها دا نفس الطفل الكان بيظهر لي ف الدكان؟؟. انا افكاري كلها راحت وقعت ف الارض من المنظر واستفرغت.
العساكر اتصلو على القسم وجو بعديها بفترة ومعاهم كشافات كبيرة والموضوع بقى مسرح جريمة اتلمى السوق كلو وعرفو الحاصل حتى الناس الكانو برا السوق ف بيوتهم جو عايزين يعرفو الحاصل.
ف عز الجوطة الحاصلة دي الشيوخ بدو يقرو قرآن كانو زي خمسة يلا الحاجة الغريبة انهم اول ما بدو يقرو حسيت بصداع شديد عايز يشق راسي وحاسي انو السبب القرآن؟ فجأة جاني ارهاق شديد ؟لحدي ما وقعت ف الارض ونمت صحبت لقيت نفسي في بيتنا حواليني اعمامي واهلي كلهم؟
لقيت اعمامي كلهم بعاينو لي بحزن وبقولو لي والله ماكنا عارفين دا كلو حاصل معاك كان تورينا نحن اعمامك وآبائك انا ماعارف في شنو زاتو قلت ليهم انا جيت البيت كيف قام كبير اعمامي حكى لي الحصل.
قالو انو اول ما بدو الشيوخ يقرو انت ومعاك كم واحد من ناس السوق بقيتو تصرخو وشديد ومتألمين ثبتوكم الناس والشيوخ بقو يقرو قرآن فجأة اي واحد فيكم مشى على ركن من اركان الغرفة وبديتو تحفرو بطريقة عنيه اي واحد طلع قطعه قماش جواها حاجات مختلقة وغريبة وعظام وحاحات كتيرة وورق؟؟
بعديها الناس بدت تحفر حوة الغرفة وطلعو كمية كبير شديد من القماشات دي؟كلها كانت عبارة عن (اعمال) معمولة لناس منهم حيين ومنهم ميتين واحدة من القطع دي مكتوب فيها اسم عمك المرحوم؟؟؟
.
انا مابين بحاول اصدق وما قادر وبعاين في اصابعي لقيتا فعلا مجرحة كلها؟
.
انا مابين بحاول اصدق وما قادر وبعاين في اصابعي لقيتا فعلا مجرحة كلها؟
-مرت فترة بقت مافي حاجة بتحصل والحمد لله ماظهرت اي شي بس حسيت نفسي بعديها مرتاح جدا اتهدمت الغرفة الصغيرة الجمب الخور الكانت مسببة للناس خوف وفحأة اختفت سيرة الوداعية الكانت بتعمل( اعمال) لكل ناس السوق وفعلا بعديها كم واحد تجارتو نجحت شديد بعد ما قربو يفلسو.
-خشيت في شراكة مع اعمامي والحمد لله مالاقتنا اي حاجة تاني بنينا سبل واتصدقنا لروح عمي الورثني املاكو عسى ولعل ربي يغفر ليه وتبت بعدها توبة نصوحة حكيت القصة دي علشان بس ااكد للناس انو مرات في فضول ممكن يدخلك ف طرق ما حتكون قدرها نهائي.
ولحدي هنا انتهى الثريد ياريت يكون عجبكم ❤️
-ماتنسى تدعمني بلايك ورتويت واكون شاكر ليكم🙏🏻
.
ولو عندك قصة حابي تحكيها اتفضل DM ✨
.
وبحبكم❤️
-ماتنسى تدعمني بلايك ورتويت واكون شاكر ليكم🙏🏻
.
ولو عندك قصة حابي تحكيها اتفضل DM ✨
.
وبحبكم❤️
مع الموجة الثانية لفيروس كورونا احمي نفسك واهلك وحبايبك وبطريقة جميلة بكمامات قابلة للغسل ومرنة جدا ومريحة بأفضل الاسعار
جاري تحميل الاقتراحات...