بنتي يوم كان عمرها ثلاث سنوات او اربع طاحت من عتبه قريبه من الحمام وجات يديها فيها نفر وبعدها بكم يوم صرنا نلاحظ شعرها يطيح بسرعه يعني خلال ثلاث ايام ٣٠٪ من شعرها طاح بقع فراغات سريعة الانتشار وعرفنا ان عندها #ثعلبة ، هل الطيحه لها دخل او لا ، الله اعلم
سافرت ابها فيه دكتور يمدحونه اسمه #خالد_باحمدان وصرف لنا علاج بخاخ هيرو قرو وقطرة واتوقع كريم حق البهاق لان فيه بقعه صغيره ابيض ، الحمدلله البقعه حقت البهاق اختفت والشعر بعد شهر طلع
للاسف الدكتور العراقي مع انه #استشاري_جلدية ومعروف لكن اسلوبه وقح المهم طلب منا تحليل للدم والحديد وغيرها وقال مادام تعالجون عند #خالد_باحمدان خلوكم عنده وترى الدكتور خالد ممتاز، ونحن على هذا الموال شهرين يتحسن الشعر ثم يرجع يطيح ، رحت لشيخ يقرأ على بنتي قلت يمكن عين ولم تتحسن
طبعا اجابات الاستشارين ان #الثعلبة ليس لها علاج ولا يعرفون اسبابه الى الان ، بعدها حجزت عند الدكتور #احمد_العيسى #عيادة_ديرما #ديرما وللاسف اخذ ٥٠٠ ريال عشان خمس دقايق او اقل وكان مستعجل مره !!وقال نعطيها ابر ثلاث جلسات واحتمال يطلع الشعر او لا، وطلعت وندمت اني جيته
استعملنا الرغوة ولاحظنا تحسن كويس ووقفنا عشان #كرونا القديم اللي كان مصدرها الابل وبعدها طلع في رقبة بنتي انتفاخ ومع العلاجات الحمدلله اختفى ، رجعنا بعد فترة ل الطبيبة الشعبية وسألناها وقالت اذا طلع انتفاخ بعد الرغوة بنتكم فيها عين ، اخذت ماء زمزم وقريت فيه،#ثعلبه #تساقط_الشعر
اخذت التقارير والصور ورحت لدكتوره في مصر معروفه نسيت اسمها وجبت منها كريمات وقطرات وفيتامينات ادور اي امل يعالجها ونفس الموال والوجه اللي يشوفه يقول انها تعبانه ، وخفت اكمل من كثر العلاجات اللي تستعملها وحذفت العلاجات كلها في الزباله #ثعلبة #علاج_الثعلبة
وبدات المعانة الحقيقة بعد دخولها المدرسة، اذا رجعت تدخل تضمني وتبكي تقول البنات يضحكون ع شعري ويقولون مافيك شعر لدرجة تقول ماابي اروح للمدرسة ونفسيتها مكسورة لكن الحمدلله الصبر مفتاح الفرج ،وكنا نستعمل قطرة كرتوزون وبخاخ هيرقرو وطلعت لنا مشكلة ان الوجه شاحب وظهور الشعر في الوجه
صارت بنتي تكره المدرسة لان وجهها فيه شعر والبنات يضحكون عليها ولا تطلع من البيت احترت صراحة، اذا تركت العلاجات طاح الشعر واذا استعملته طلع شعر في وجهها، والحمدلله انقذنا الله بكرونا الجديدة وصارت الدراسة عن بعد ، وصار حظر ولم استطع ان اراجع العيادات فأتصلت بعيادة الدكتور باحمدان
قلت له اني استعمل البخاخ والقطره لي كم سنه وقال غلط اللي تسوونه، القطرة فيها كورتزون لازم تحت اشراف طبيب ولها جرعات محدده وقفو العلاج ، وقفنا العلاج والحمدلله ظهر وجه بنتي وظهرت ابتسامتها بعد ترك العلاجات ، وكانت الدراسة عن بعد نعمه من الله علينا حتى استردت بنتي شعرها
الدعاء الدعاء الدعاء في السجود وخل عندك يقين المعافي هو الله وان الباقي اسباب ، والصدقة بنية الشفاء ، اللي استعمله بعد توفيق الله ورحمته علينا شيئين فقط صار الشعر كثيف وناعم والفراغات تعبة بنسبة ٩٧٪ اول كان الشعر تعبان وخفيف الان 👍 ، راح اكتب الزيتين
هذا البخاخ تحصلونه في النهدي ب٩٨ ريال والزيت اسمه لافندر لهم حساب في السناب اخذنا كورس ثلاث شهور ب٩٠٠ اتوقع بداية كرونا والى الان ماخلص ، انا حطيت تجربتي ونيتي انها لله لعل الله ينفع بها غيري مثل مانفعتني ، اتمنى تنشرون كلامي 🌺
زيت #لافندر اخذو الاصلي بحط حسابهم وشوفو عروضهم وتعليقات الناس اللي تستعمل #الزيت، يشهد الله علي اني ماكتبت الا من تجربة وغير كذا الزيوت ليس لها اضرار جانبية #ثعلبة_شاملة #ثعلبة #تساقط_شعر #جلدية #فراغات_شعر #صلع
الخلاصة اني كنت استعمل علاجات ويطلع الشعر خفيف وضعيف وله اضرار جانبية ويطيح بعد فترة ، اما الان فقط بخاخ فيتامينات في النهدي وزيت لافندر والحمدلله يطلع الشعر قوي وكثيف وثقيل وناعم ومافي اضرار جانبية والى الان مابعد طاح الشعر اللهم لك الحمد ، قبل ذلك الدعاء في السجود
اليوم لاحظت الثعلبة رجعت وبدا الشعر يطيح ، مع العلم ان حنا قصرنا في استعمال الزيت والبخاخ هالشهر لمشاغل الحياة ، شعور سئ لكن صبر جميل والله المستعان #ثعلبة #تساقط_الشعر #صلع #الثعلبة #علاج_الثعلبة
استعملت الزيت والبخاخ ومالقيت استجابه للاسف ، رجعت ع القطرة اللي فيها كرتوزون وهير قرو بشكل متقطع ، الفكره ابي الشعر يطلع بالبداية ثم اوقفه وارجع للزيت ، يارب اشفي بنتي وجميع المسلمين
جاري تحميل الاقتراحات...