رتبها

💉 مساء الخير للجميع 🌿 اليوم ثريدنا شوي من العيار الثقيل بتكلم إن شاء الله عن AB identification بس قبل ما أبتدي أبيكم تكونون مروقين ومسويين كوب قهوتكم ☕️
الموضوع مو صعب بس يحتاج تركيز شوي

💉 ✨ عشان ما نفقد الترتيب إحنا قلنا أي بيشنت بيجي بنسوي له ABO + indirect coombs test لو طلع ICT - بسوي له كروس ماتش ولو طلع compatible خلاص اموري تمام 🤝 بس لو طلع ICT عندنا + ؟؟؟؟؟ 🤔

💉✨ اذا طلع عندنا + يعني فيه عندنا AB عند المريض صح؟ بروح بسوي له direct coombs test + AB identification panel

💉 الدايركت عشان أشوف عنده اوتو انتي بدي بعد ولالا؟ وبعدها ببتدي بسوي له AB identification panel
الموضوع بنعتبره كأنه لغز بنسوي عدة خطوات عشان بالنهاية بنطلع الانتي بودي اللي عنده بالضبط 🩸

💉 قبل أي شيء لازم نعرف إنه فيه blood group غير ABO, Rh فيه عندنا سستم كثيرة ومنها: kell, lewis, duffy, MNSs وغيره ف إحنا الحين لما بنجي نسوي البنل لنوع الانتي بودي بنروح ندور الانتي بودي حق هال system 🤝

💉 طيب الحين أول شيء بسويه بروح بجيب Screen cell عددهم ١١ " تقريباً نفس فكرة ICT " إن عندنا سكرين سل جاهزة من الشركة وكل سل لها Ag محدد ولو هالبيشنت عنده الانتي بودي ضد هذا الانتي جين بيصير تفاعل

💉 نفسه بس ICT كأنه بشكل عام أكثر
هِنا عدد screen cell أكثر عشان أقدر أضيق النطاق أكثر وأكثر

💉 طيب بجيب الجِل كارد " بحتاج ٢ " وبرقمهم من ١-١١ وبجي للعمود رقم ١ بحط فيه سل ١ وعمود ٢ بحط فيه سل ٢ والعمود رقم ٣ بحط سل ٣ وهكذا وبعدين بجي وكلهم ال١١ بحط عليهم بلازما البيشنت وبعد ماخلصت بروح بحطه في Incubation ربع ساعه وبعدها في السنترفيوچ عشر دقايق

💉وبعد كذا بقرأ النتايج .. شلون أقرأ النتايج طيب؟؟؟
طبعاً زي ما احنا عارفين لو الخط فوق يعني + ولو الخط نزل لتحت يعني ماصار فيه تفاعل والنتيجة -
نروح نشوف وين صار التفاعل في أي cell؟ بنكتب في الورقة وين صار تفاعل ووين لا

💉 خلينا ناخذ هالورقة كَمثال بعد ماسويت الجل كارد لل١١ سل طلع كلهم - ماعدا سِل رقم ٣ ورقم ٥ كانوا +
ف رحت وسجلت النتايج " أشرت عليها بالأصفر "

💉 طيب الحين بتبتدي اللعبة 😎 شفتوا السِل اللي طلع فيها - راح نستبعد الانتي بودي حقينها .. لان التفاعل طالع عندي - ف أكيد كل الAB اللي فيها مب موجودين

💉 نِبتدي بCell رقم ١ بما إنها - نستبعد كل الانتي بودي اللي صار فيهم + هنا اللي هم: Lu b, s,N,M,Le b, Fy a, Kp b, k, Cw , e, C, D ذيلي كلهم استبعدناهم " اللي مكتوب عليهم NA يعني مو موجودين ف نشطب عليهم من البداية "

💉 طيب غدير ليش ماحذفنا Kidd اللي هم Jk a و Jk b؟؟
لما يصير عندنا heterozygous مانقدر نحذف يعني الحين في الKidd طالع عندي JK a و JK b اثنينهم + بس ما اقدر احذفهم، احذف فقط اذا كان واحد منهم + والثاني -

💉 طيب شالسبب؟ السبب إن التفاعل لما يكون homozygous بيكون أقوى من لما يكون heterozygous فَ ما اقدر أحذفهم اثنينهم لأن ممكن واحد منهم فيه تفاعل لكن التفاعل ضعيف

💉 طيب نكمل قراءة النتايج، بنجي لِ cell رقم ٢ هي أيضاً أعطتني - ف بستبعد الانتي بودي اللي عليهم + الحين وهِنا قدرنا نستبعد : S,JK b, Fy b.
وبعدين نجي لِ سل رقم ثلاثة مانقدر نستبعد منها شيء لأنها عاطيتني تفاعل ف أخليها وأروح للي بعدها سِل رقم ٤

💉 بكمل نفس هالخطوات بالضبط مع وحدة وحدة وأي وحدة heterozygous بخليها مابقدر أستبعدها ، يعني مثلاً لو طالع في K, k اثنينهم + مابحذف، بس لما يكون واحد - والثاني + أقدر أحذف طيب؟
حليته كله وكل وحده حطيت لها لون مختلف عشان ماتتخلبطون 💗

💉 طيب بعد هالقصة هذي كلها شنو الانتي بودي اللي ماقدرت أستبعدها؟ K, Jk a, Lu a, E هذيلي الأربعة ماقدرت أستبعدهم للآن، همممم شنو الخطوة اللي بعدها؟ 🤔

💉 بجي وبسوي شيء ثاني إسمه selecting cells شنو فكرته؟ اللي بسويها هنا إني بروح أدور بين هالأربعة فقط اللي بقوا لي بدور سل يكون واحد فيها + والثلاثة الباقي -

💉 خلينا نشوف فالصورة عشان نفهم أكثر 🤔
نجي أول شيء لِ E في سِل رقم ٣ شفتوا E طالع عندنا انها + والثلاثة الباقيين اللي هم K,Kp a, Lua كلهم - ومع ذلك صار عندنا رياكشن شنو يعني؟ يعني الانتي بودي حق الE موجود ١٠٠٪

💉 الحين بنجي نسوي هالحركة حق الثلاثة الباقيين، بنروح للK .. في سل رقم ٦ طالع فقط K موجود والثلاثه الباقيين -، بس اساساً رقم ٦ كان طالع عندي فيه إنه - صح؟ شنو يعني؟؟؟ يعني الانتي بودي حق K مب موجود وراح أستبعده

💉 سل رقم ٧ الKp a طالع + والثلاثة الباقيه - والتفاعل في سل رقم ٧ أساساً - ف بستبعد Kp a

سِل رقم ٩ Lu a + والثلاثة الباقيين - والتفاعل في رقم ٩ اساساً - يعني راح أستبعد أيضاً Lu a، فَ الحين شنو بقى عندنا ؟؟؟؟ فقط E
ف بروح أدور للمريض كيسanti-E - وأعطيها اياه 🤝

💉 انزين بعض الأحيان بعد selecting cells يبقى عندي أكثر من واحد يبقى مثلاً ٣ وماقدر أستبعد يعني مايصير مثلاً ان واحد + والثانيين - شنو أسوي؟
أروح أدور في Panel ثاني وأحاول لين مالقى ان يكون واحد + والباقيين -

💉 لو لقيتها في بنل ثاني شنو بسوي؟ لنفترض مثلاً اني لقيت التفاعل اللي أبيه في بنل رقمه ٤٠ ورقم السل كان ٧ شنو بسوي؟ بروح بجيب البنل رقم ٤٠ من الثلاجة وبطلع السل رقم ٧

💉 باخذ السل وبحطها في الجل كارد مع بلازما البيشنت وبعدها بحطها في incubation ربع ساعه وبعدها في السنترفيوچ عشر دقايق لو صار فيه تفاعل يعني الAB موجود ولو ماصار فيه تفاعل يعني - وأستبعد هال AB

💉 " الفكرة تتلخص في إني أقدر أستخدم بنل ثاني غير اللي قاعدة أشتغل فيه الحين لو مالقيت في البنل الحالي التفاعل اللي أبيه بروح أدور في بنل ثاني وبستخدم السل اللي أبيه "

💉 طيب بعض الأحيان حتى لما أدور في بنل ثاني مالقى التفاعل اللي أبيه، يعني مثلاً كان باقي لي ٣ AB
ما قدرت الاقي تفاعل يصير فيه واحد + والثانيين - عشان أستبعد الباقي، شسوي؟ 🤔
فيه خطوة أخيرة أسويها اللي هي phenotype 🩸

💉 شنو فكرة الphenotype؟ هنا الفكرة عكس شوي اني ببحث عن Ag اللي عند البيشنت
بروح باخذ جل كارد مخصص حق كل سستم وموجود داخله AB وبحط عليه السل حق البيشنت

💉 مثلاً مثلاً لنفترض ان كان باقي لي K بعد شبسوي؟ بروح في الكرت اللي حق Kell وبحط السل حق البيشنت ولو صار عندنا + شنو يعني؟؟؟ يعني Ag موجود ولو Ag عنده موجود يعني مستحيل بيكون AB حقه بعد

💉 لو طلع - يعني Ag حق K مب موجود ⬅️ يعني الAB حق K موجود عند البيشنت وبروح بدور له كيس Anti- K يكون -

💉 أمس اشتغلت على عينة سويت لها ICT وطلع عندي + ف رحت سويت الخطوة اللي بعدها سويت له DCT وسويت له AB identification cells وكلهم كانوا + 😳

💉 يعني متخيلين ال 11 cell كانوا كلهم + !!
طبعاً هِنا رحنا سوينا له Acid elution عشان نعرف سبب AB اللي عنده ..
في حلقتنا الجاية ان شاء الله بتكلم عنه "

💉 عارفة كثرت كلام بس يارب يكون الشرح مفهوم للجميع وبالتوفيق يارب ❤️❤️❤️❤️🩸

@haya_lab @ghayda_basfar @alrziny_labs @kokofaris_ @Rawan_lab @AfghaniHani @lab_phot @Madinah_LAB_QC @elyazeed7 @labstudents

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة