رتبها

📌ثريد عن قطاع السياحة السعودي
1️⃣ فى الفترة الأخيرة انتشرت أخبار مفادها إن رونالدو لاعب يوڤنتوس رفض إجراء حملة إعلانية لترويج السياحة فى السعودية، الاخبار دى نشرتها قطعان المعيز الهاربة من السعودية، طيب إيه معلوماتك عن قطاع السياحة السعودي؟ تعالى نشوف كدا و صدقنى هتتفاجئ 👇

2️⃣فى 2019 جه السعودية 16.40 مليون رحلة جوية الناس دى جايه منين هقولك انا 16.7٪ من جنوب أسيا و 14.7٪ من الشرق الأوسط و 11.1٪ من شرق أسيا و المحيط الهادئ و 7.7٪ من أفريقيا و ركز فى النسبة اللى جاية دى 7.3٪ من أوربا و 4.8٪ من أمريكا و تبقى النسبة الأكبر هى نسبة المواطن الاكثر إنفاقا

3️⃣و هو المواطن الخليجى و تمثل 37.7٪
انفاق الناس دى كلها داخل المملكة كان 101 مليار ريال اللى هو تقريبا 26 مليار دولار طيب ركز كمان مرة و حياة ابوك كدا .. معدل الانفاق زاد 100٪ عن 2013 .. القطاع فى 2013 حقق ما مجموعه 51 مليار ريال، شوف الارقام بتبين المسائل ازاى ..

4️⃣طيب تعالى و قارن إجمالى دخل السياحة فى السعودية مع إجمالى دخل الدول اللى جنبها زى مصر و الامارات و المغرب
هتلاقى أن فى 2019 مصر حققت العائد الأعلى فى تاريخها و هو 15 مليار دولار، طيب بص ع الامارات كدا يا معلم
هتلاقي الامارات حققت فى 2019 إيرادات من قطاع السياحة

5️⃣مجموعها 145 مليار درهم اللى هو تقريبا 39 مليار دولار ( معدي الناس ياعم الحج 😂☑️ )
طيب تعالى بص على المغرب هتلاقى المغرب حققت 8.5 مليار دولار كإجمالي دخل القطاع .. هتلاقى السعودية بعد توضيح الارقام هى الثانية عربيا بعد الامارات 🤞

6️⃣طيب أنا بقارن بالدول دى ليه !؟
ما هى دى ياعم الحج الدول اللى عندها سياحة فى الوطن العربى .. مصر بتمتلك نص اثار العالم و بحر احمر و بحر ابيض و النيل فى النص و الدنيا زبادي فى الخلاط .. طيب الامارات هتلاقى اكبر نهضة عمرانية عالمية و مدن الجيل الخامس بتزغرد جنب برج خليفه

7️⃣طيب المغرب بلد جميلة عندهم كازابلانكا و مراكش و بيعملوا شوية طاجين عنب و الله يستاهلوا تروح عندهم مخصوص علشان الطاجين، هم اينعم كل شوية يقولك افتح الحدود باش نحرر القدس 😂 بس دول اخواتنا برضو و غاليين علينا ..
طيب و السعودية عندها إيه بقا !؟

8️⃣يالهوي دا انت لو متعرفش يبقى فاتك كتير جدا
اولا و دا معروف لكل الكوكب، الأماكن المقدسة اللى بنشوف فيهم خدمة رائعه من ناس ربنا اصطفاهم دون البشر لخدمة بيته و محدش يقدر يقول نص كلمة عن كرم السعوديين و أخلاقهم و شغلهم خصوصا فى خدمة زوار الحرمين الشريفين

9️⃣ثانيا تعالى بقا يا معلم فى الرياض هتلاقى عندك برج المملكة فى الرياض و دي حاجه غنية عن التعريف و قصر المصمك اللى منه اتولدت الدولة السعودية الثالثه و تربى فيه ملوك عظماء بنتعلم منهم و بنفتخر فيهم ودايما ذكراهم طيبة
و هتشوف بعد كدا متنزه الملك عبدالله اللى فيه مساحات خضراء كبيرة

1️⃣0️⃣و صالات للالعاب الترفيه و غيرها من الحجات الجميلة
طيب المسألة بتقف لحد هنا !؟ لاء يا معلم طبعا
تيجى على جدة عروس البحر الاحمر هتلاقي أجمل شواطئ المملكة و أسواق شعبية جميلة و مولات هى الأرقى فى السعودية و هتلاقى فيها تراث سعودي جميل و مطاعم بتعمل كبسة زى الفل و الله 😂

1️⃣1️⃣طيب نيجى بعد كدا على الطائف هتلاقى بقا الجمال و الورود الحلوة و منطقة الهدا و الشفا و سوق عكاظ اللى تاريخه يرجع تقريبا ل اكتر من 1500 سنة
طيب تعالى نشوف أبها هتلاقى متنزه أبو خيال و حديقة الاندلس و جبل السودة
بعد كدا المدينة العظيمة الدمام و الشواطئ المطلة على الخليج العربى

1️⃣2️⃣و جزيرة المرجان و قرية الدولفين
بعد كدا مدينة الخبر و جسر الملك فهد و قرية الدغيثر
تعالى بقا على مالديڤ السعودية أملج
هتلاقى شواطئ خيالية مش موجودة فى اى مكان فى الوطن العربى 💙 خلينا نكمل الثريد بقا علشان ممكن أكتب لمدة يومين عن الأماكن الجميلة فى المملكة ..

1️⃣3️⃣بعد التوضيح بخصوص الارقام و الاماكن تعالى نشوف بقا الدولة بتعمل إيه علشان تنمى القطاع اكتر و اكتر هتلاقى إن الدوله بتعمل 22 مشروع فى شرق المملكة لأن فى شرق المملكة بس السعوديين وحدهم ينفقون 157 مليون دولار ما بالك بقا بباقى الجنسيات اللى بتزور شرق المملكة

1️⃣4️⃣لأن فى شرق المملكة بس السعوديين وحدهم ينفقون 157 مليون دولار ما بالك بقا بباقى الجنسيات اللى بتزور شرق المملكة، طيب هتلاقي أن الدولة بدأت فى مجموعة مشاريع تكلفتها تتعدى 810 مليار دولار المشاريع دى بدأ فيها العمل بالفعل و منها نيوم و القدية و آمالا و مشروع البحر الاحمر

1️⃣5️⃣و كمان هتلاقى أن الدولة بدأت تطور جميع المتاحف الموجوده فى المملكة و هتلاقى رجل مثل سعادة المستشار تركى الشيخ بيسمع افكار الشباب الخاصة بمجال الترفيه اللى هو جزء لا يتجزأ من السياحة و الدعاية لها و بينفذ الأفكار دى خارج نطاق المدن الكبيرة

1️⃣6️⃣علشان يفتح الباب لمشاريع تانية تدخل فى الأماكن دى و تحصل حالة من التنمية خارج المدن الكبري اللى هى اصلا مدن الجيل الرابع 🤞و منها عاصمة رقمية هى الوحيدة فى الوطن العربى الرياض 💚
طيب احنا دلوقتى اتكلمنا عن الارقام الخاصة بالقطاع و الاماكن السياحية فى المملكة

1️⃣7️⃣و كمان اللى الحكومة بتعمله علشان تطور القطاع، فاضل نعرف حاجتين 1- إنفاق السعوديين أنفسهم على قطاع السياحة 2- شوية طلبات كدا لازم الحكومة تحطها فى الحسبان و تحاول تنسق فيها مع أصحاب الاماكن السياحية

1️⃣8️⃣اولا إنفاق السعوديين على السياحة وصل ل 22 مليار دولار و هو من أعلى معدلات الانفاق فى العالم .. طيب ال 22 مليار دى أعتقد أكثر من 65٪ منها و أرجو أن تكون النسبة صحيحه بتذهب للدول الخارجية يعنى سياحة خارجية و دا بيفسر ليه الحكومة السعودية بتعمل مشاريع زى نيوم و آمالا و القدية

1️⃣9️⃣علشان توفر نفس المقاصد السياحية اللى بيزورها السعودي برا وطنه و فى نفس الوقت تجذب ملايين السياح خارجيا .. انا يسأل نفسى و بقول مثلا افرض ياعم محدش جه السعودية خالص ! و دا من سابع المستحيلات و لكن خلينا نبقى ساذجين و نفترض وجود حملات تشويه للسعودية ( دا بيحصل حاليا على فكرة )

2️⃣0️⃣و نتيجة الحملات دى مفيش سياحه خالص !؟
الإجابة بسيطة و سهلة لو ال 22 مليار اللى بيصرفها السعوديين برا بلدهم صرفوها داخل البلد أعتقد دا كفاية جدا و هتحقق ارقام عظيمة فى ظل دول جنبك بتحقق ما بين 15 ل 40 مليار دولار

2️⃣1️⃣هنا الدولة لازم تبذل جهدا أكبر و أكبر لدعم السياحة الداخلية ..
طيب يبقى شئ واحد .. و هو مش معلومه دا طلب ..
هو ليه يا جماعة السياحة فى السعودية فى معظم الاماكن بتبقى الفنادق و المنتجعات و الحفلات و غيرها غالية ؟
خلينا نضرب مثال بمتوسطي الدخل فى اوربا

2️⃣2️⃣اللى انا بسميهم قوى الشعب العاملة 😂 على رأى الجماعة بتوع الخمسينات فى مصر .. هم ليه الناس دى بيحبوا مصر !؟ هل علشان سواد عيونا لاء و الله السبب الرئيسي هو أن كل شئ فى مصر رخيص

2️⃣3️⃣سواء فنادق او منتجعات أو خدمات يعنى ممكن ب 2000 يورو تيجى مصر و تقعد فيها شهر برنس ملك زمانك و انت اصلا فى بلدك من قوى الشعب العاملة .. ياريت علشان تستهدف سائحين الدرجة الثانية اللى هم معدل انفاقهم قليل ياريت تكون الاسعار رخيصة شوية

2️⃣4️⃣لان مش كل الناس من سائحين الدرجة الأولى اللى بيصرف فى اليوم 2000 دولار .. انا وجعت دماغى و دماغكم 😂 بس الساكت عن الحق شيطان اخرس 🤞و لازم دائما نقول الحقيقة .. و ربنا يجعلنا و إياكم بجانب الحق دائما

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة