شوية افكار عشوائية للى بتجيلهم أفكار مشاريع سوفتوير وبيبقو عايزين ينفذوها أو بيتعاملو مع ديفيلوبرز وهما نفسهم معندهمش خبرة فى المجال. حاجات زى إزاى تضمن حقك فى الفكرة؟ ازاى تختار نوعية الديفيلوبر؟ تحسب الميزانية والوقت ازاى...إلخ. ثريد سريع.
من الأسئلة المتكررة أضمن حقى فى الفكرة ازاى؟ مفيش ضمانات. فى مجالنا دة كله بيسابق كله والبقاء للأقوى على رأى ياسمين صبرى والفنان داروين. تعرف إن أوبر معملش الفكرة أول واحد؟ هو فى الواقع قلد منافسه فى أمريكا Lyft بس عشان أوبر عرف يبقى الأسرع فى النمو هو اللى كسب السوق دة.
وهنروح بعيد ليه ، كريم؟ ما دة لما بدأ كان أوبر بقاله 4-5 سنين بس لسة مكبرش أوى فى الشرق الأوسط ، فكريم عرف ينمو بسرعة لدرجة إنه يبقى راس براس بأوبر لحد ما اشتراه فى اكبر صفقة فى تاريخ المنطقة.
عارف نظام الوندوز؟ تعرف إن فكرة إن الكمبيوتر يبقى ليه واجهة روشة زى اللى انت بتستعملها دلوقت وفيها ماوس بيتحرك عالشاشة عشان تدوس عاللى انت عايزه زيروكس هما اللى اخترعوها؟ بس شافو ان مالهاش لازمة لحد ما وروها لستيف جوبز وهو قرر يعملها ومنها بيل جيتس قرر يعمل نظام "وندوز".
بالمناسبة الراجل اللى كان شغال فى زيروكس وفرج ستيف جوبز عالماوس والنظام اللى هما عاملينه اتوفى من حوالى سنة. جدير بالذكر هو نفسه اللى اخترع الcopy paste
washingtonpost.com
washingtonpost.com
فمن الآخر مفيش حاجة اسمها تضمن حقك فى الفكرة. أى حد بيفكر كدة هيفشل قبل ما يبدأ. الفكرة لا قيمة لها. المهم التنفيذ. ودة اللى هنتكلم فيه التويتة الجاية.
فى شوية مبادئ لازم تعرفها فى أى مشروع سوفتوير جديد
1- كل افتراضاتك غلط.
2- مفيش مشروع بيخلص فى معاده.
3- بناء على 1 و 2 ، طبعا دة أتوماتيك معناه إن مفيش مشروع بيخلص بنفس الميزانية اللى بدأ بيها.
1- كل افتراضاتك غلط.
2- مفيش مشروع بيخلص فى معاده.
3- بناء على 1 و 2 ، طبعا دة أتوماتيك معناه إن مفيش مشروع بيخلص بنفس الميزانية اللى بدأ بيها.
نرجع تانى ﻷوبر ، أوبر لما بدأ كان خدمة ليموزين مرفهة ، لحد ما شاف lyft بيعمل فكرة اى حد يركب مع اى حد دى وراح مقلده. الجميل بقى إن lyft نفسه كان شركة فاشلة بقالها 5 سنين بتحاول اسمها zipcar وكانو على وشك الافلاس لولا انهم عملو الفكرة اللى بقت Lyft واوبر راح مقلدها وبقى أوبر.
تعرف إن تويتر قبل ما يبقى تويتر كان موقع عشان الناس تعمل عليه بودكاستس؟ كان شركة اسمها Odeo ومشتغلتش ومنها المؤسسين غيرو الفكرة لحاجة الناس تبعت برودكاست بالSMS ، وبعدها بقت موقع اسمه تويتر.
كل افتراضاتك غلط: دة مبدأ مهم جدا فى عمل أى سوفتوير ، إنك تبقى متقبل فكرة إنك هتطلع غلط فى الآخر. ليه دة مهم؟ عشان دة معناه انك محتاج تطلع فى أسرع وقت ممكن وبأقل features ، ﻷن فى الآخر نص الشغل محدش هيستعمله وهيترمى فى الزبالة.
طب أطلع ليه وأنا عارف دة؟ عشان فى حتة هتبان من المشروع إن فيها أمل. وهى دى اللى هتحتاج تركز عليها وتعدل فيها لحد ما تظبط. وبالتالى سرعة التغيير والتعديل والتحديث أهم مليون مرة من أول نسخة فيها إيه.
نيجى بقى لتانى نقطة ، مفيش مشروع بيخلص فى معاده: عشان تظبط مشروع انه يخلص بالظبط محتاج مستوى خبرة عالى جدا وعناصر كتير تبقى مع بعضها ماشية صح عشان تخلص فى المعاد. قليلين أوى اللى بيعرفو يعملو دة وبالتالى لو انت أول مرة توقع إنك مش هتعرف تعملها.
وطبعا عشان المشروع مش بيخلص فى معاده ، بنوصل للنقطة التالتة: مش بيخلص بالميزانية المحددة. وعشان نزود الطين بلة ، فاكر نقطة 1؟ "كل افتراضاتك غلط" ... دة معناه انك هتحتاج تعمل تعديلات كتير اوى بعد ما تطلع عشان توصل لنسخة الناس عايزة تستعملها. والموضوع دة مكلف.
طيب لو انت مش فى مجال التكنولوجيا وعايز تعمل سوفتوير تعمل ايه؟
- اتعلم تعمل حاجة صغيرة اوى بنفسك ، عشان دة هيخليك تفهم أكتر الدنيا بتمشى ازاى وتبقى فاهم انت بتتكلم عن ايه (احسن من انك ماتبقاش عارف اى حاجة خالص)
- اتعلم تعمل حاجة صغيرة اوى بنفسك ، عشان دة هيخليك تفهم أكتر الدنيا بتمشى ازاى وتبقى فاهم انت بتتكلم عن ايه (احسن من انك ماتبقاش عارف اى حاجة خالص)
- كل ما تزود فى التفاصيل كل ما يبقى احسن ، ماتقولش لديفيلوبر عايز برنامج بيعمل كذا ، روح الأول لديزاينر وخليه يعملك شكل الشاشات أو ارسمها انت بنفسك بورقة وقلم أو على برنامج. عشان دة هيخلى الestimation ادق سيكا.
- أى وقت يتقالك اضربه فى 2-3. أنا لما التيم بتاعى بيقولى دى هتخلص الأسبوع دة بروح أقول لمديرى هتخلص كمان أسبوعين. مش عشان الناس بتستهبل (فى بيستهبلو طبعا) بس عشان هو السوفتوير كدة.
- حاول تشارك مبرمج ويبقى ليه حصة فى المشروع. بس اعرف إن الشريك دة زى الجواز ، لو انتو الاتنين مش على نفس الموجة وعايزين تنجحو الموضوع هتفشلو. فاختاره زى مابتختار مراتك (أو جوزك لو انتى بنت). الموضوع دة عموما عايز ثريد لوحده.
دى مجموعة أفكار عشوائية عن الموضوع دة عشان أبعت الثريد للى سألو. لو افتكرت حاجات تانية هزودها وبالتالى مش هقفله كعادتى ب"تمت". تو بي كونتينيود.
جاري تحميل الاقتراحات...